نجمة فراتيه

المحطـة الثانيه عشر

﷽

بقلمِي : فاطمة الـ دُرص

-Part 12

لَا تنسون التصويت و متابعة الحساب و تعليقاتكُم علىٰ الفقرات قدسياتي💙

▗࠘▚࠘‌▚▚‌▚࠘▚‌▚‌▚࠘‌▚▚▚‌▚࠘▚‌▚▚‌▚▚࠘▚‌▚▚‌▚

نجمة-: لمسات حنونه تمسح علىٰ خدي وهمسات دافيه ابتسمت بخوفت و أردفت موجهه كلامي لجدتي؛
-: تعبت جده ليمتىٰ

طبطبت علىٰ ظهري مُردفه؛
-: الصبر يبنيتي الصبر سلاحچ

نجمة-: راح يتزوجها جده
شهگت وسط كلامي وعيوني دمعت..

لسا تريد تحچي وقاطعها رنة تلفونها عاينت لأسم المتصل وابتسمت وهي تنظر لي بعد ما ابعدت انظارها مِن التلفون؛
-: هياته چاي يدُگ

بادلتها الابتسامه و وخرت راسي مِن حضنها الدافي مترقبه سماع محادثتهم الي چانت بسيطه؛
-: هاا يوم

الجده-: هلا بوليدي ها يمه

فرات-: بلا أمر عليكُم سوولي لگمة مِن الصبح مماكل

الجده-: سوده عليه أي ماشي حبيبي وين انتَ شوكت ترجع؟

فرات-: هياتني چاي بَـ الطريق

ودعته وغلقت تلفونها وأردفت؛
-: حبيبه سوي لفرات لگمه خل ياكل ، مابيه حيل اوگف علىٰ الطباخ

هزيت راسي وگمت نافضه ملابسي ، حبيت راسها وطلعت مِن غرفتها متوجهه للمطبخ ، دخلت وچان اظلم هندس دورت بَـ أيدي علىٰ نقطة الإضاءة

وأخيرًا لگيتها وشعلتها ، بللت شفتي ورحت افتح الثلاجه صافنه عليها افكر شنو اسوي..

ميلت شفتي واخذت بطاط وبيذنجان واخذت المقشاره مِن أحد المجرارات و وگفت گبال السنك اقشر البطاط واقطع البيذنجان علىٰ شكل اقراص

مرت لحظات وكملت تقطيع وتقشير توجهت للطباخ وشعلت النار وحطيت قدر الزيت وانتظرته يحمىٰ وحطيت البطاط استون يلا حطيت البيذنجان

طلعت صحن وحطيت ورق الطبخ علىٰ الصحن وطلعت البيذنجان والبطاط مِن القدر مرتبتهم بَـ الصحن ، اتقدمت للمائده وحطيت الصحن

و رحت اطلع كاسة وعبيتها ماي وحطيتها علىٰ المائده بَـ جانب الصحن ، زفرت نفس براحه توني چاي اريد اطلع مِن المطبخ وسمعت دگات الجرس

رحت مسرعه لفتح الباب اول ما فتحته لمحت وجهه الشاحب والتعبان عشقت وجهي مستغربه مِن حالته ..