نجمة فراتيه

المحطـة الحاديه عشر

﷽

#نجمَة فُراتِية

بقلمِي : فاطمَة الَ موسوِي🤍..

التصوِيت،التعليق بين الفقرَات،متابعة لحسابي يشجعوني بَـ الاستمرار☘️..

▗࠘▚࠘‌▚▚‌▚࠘▚‌▚‌▚࠘‌▚▚▚‌▚࠘▚‌▚▚‌▚▚࠘▚‌▚▚‌▚

حچه حچي مطول توصية جدي لعمامي لين وصل لتوصية فرات؛
جبر-: وهذهِ وصيتي لحفيدي الأول فرحتي الاولىٰ...
اتمنىٰ ما تكسر چلمتي وتحقق وصيتي وتحافظ عليها..

طول بَـ سكته عمي چبر وما عرفنا السبب مديت راسي مِن طرف الشباك اعاين ، عمي جبر جاحظ عيونه ومركز بَـ الوصيه وعمامي وفرات يعاينوله مستغربين،أردف فرات بنبرة متسائله؛
-: اي عمي شني وصية جدي الي؟

رفع عيونه عمي وهو فاتح عيونه علىٰ وسعهن أردف؛
-: تتزوج زهرة بنتي...

نور-: كلنا مصدومين بَـ كلام عمي عاينت لمرت عمي جبر وبنتها زهرة ابتسامتهن شاگه حلوگهن غميتهن وأردفت بحس مسموع؛
-: سالفتچن مو خاليه

اشو حچيت هيچ وهاي زهرة هجمت عليه لزمتني مِن طرف تشيرتي وتعت بي وتصيح؛
-: شبيچ انتِ شبيچ تهوبزين؟؟غيرانه لان نجيمة اخيتچ مراح تزوچ حبيبي فروتييي

چرت ياء التملك بَـ أسم فرات بتنعوص ، دفعتها عني بخفه وأردفت؛
-: رفعي ايدچ النگسه عليه وتشوفين الويل

ضحكت بَـ استفزاز وأردفت بعلو صوتها؛
زهرة-: هههااااييييي ياهيه التشوفنيي الويل مسمعت؟؟؟

طلع عمي جبر مصدوم مِن اصواتنا العاليه او يمكن مِن صوت زهرة العالي ، نتر حچيه؛
-: شَـ هَل الاصوات العاليه يا مستخفه هيچ صوتها عالي والزلم هناا!!!

بلعت ريگ زهرة وأردفت؛
-: باباا هااي نجمة ونور عارگني لان حتزوج فرااتتيي

طبگ حواجبه عمي جبر وباوعلنه عين على نجمة وعين عليه؛
-: شبيچن بويه هاي بدال ما تباركن؟