نجمة فراتيه

المحطـة التاسعه

﷽

#نجمَة فُراتِية

بقلمِي : فاطمَة الدُرص🤍..

التصوِيت،التعليق بين الفقرَات،متابعة لحسابي يشجعوني بَـ الاستمرار☘️..

▗࠘▚࠘‌▚▚‌▚࠘▚‌▚‌▚࠘‌▚▚▚‌▚࠘▚‌▚▚‌▚▚࠘▚‌▚▚‌▚

"اصارع الموت افكار مشتته،ضوه قوي بعيوني جسمي مهدود حيله وگوه ارفع چفني..

فتحت عيوني واول ما لمحته بنيه گاعده علىٰ طرف السديه ودمعتها علىٰ خدها مخليه وجها يبرچ

أردفت وآنه مغنتب زامخ بيها؛
-: منو انتِ؟؟وشچابچ لهنا؟؟

بچت بصوت عالي مسببه ازعاچ وأردفت وهي تناشغ؛
-: اني نجمتك فراات

گوه تمالكت اعصابي،،اكثر من مره المحها بغرفتي تبچي وتگول نفس الحچي،حاولت اذكر شي خيط علىٰ الاقل بس كل مره ينتهي الموضوع بوجع راس وفقد التركيز

"سكتت شوي وآنه اعاين لوجها أردفت بدون وعي؛
-: احچيلي عنچ..

مسحت دموعها بطرف بشتها وحچتلي كلشي بصوت يرچف وكل شوي تنزل دمعتها

فركت وجهي وأردفت بصيغه آمر؛
-: گومي صيحي الممرضات والدكتور يچيكلي الوضعيه رايد اطلع

سكتت شوي ورفعت تلفونها تخابر؛
نجمة-: الو جدتي!

الجده-: ها ولچ شنهي شصار

نجمة-: ماكو شي بس فرات يريد يطلع مسموح؟
"زمخ بيه ونزيت خايفه من نبرة صوته

فرات-: مسموح شني؟منو انتم وتتحكمون بيه؟؟

بلعت غصتي وگمت أكمل مكالمتي مع جدتي خارج الغرفه..
الجده-: خوش هسه اخابر آسر يجيكم

ختمت المكالمه ورجعت للغرفه ملگيته بَـ الفراش،،سمعت صوت دش الحمام اطمنت ورحت اجهز جنطة غراضه

كملت وگعدت أگلب بَـ التلفون انتظرهم..شوي وطلع فرات من الحمام ينشف بشعره اخذ نظره سريعه عليه ورجع انظاره للجنطة ابتسم تك خد وگعد علىٰ السديه صافن بَـ الفراغ

"دگ تلفوني وچان آسر رفعت الخط وخليت السماعه علىٰ اذني؛
-: اصعد لو تتلگيني بَـ الباب؟

نجمة-: لَا ابقىٰ احنه نچي

آسر-: ماشي لا اطولين

غلقت الاتصال واخذت الجنطه وعاينت لفرات حمحمت وأردفت؛
-: فرات..يلا نطلع؟

"هز راسه بحركة اي وتقدم اخذ الجنطة وحطه علىٰ كتفه ..
صعدنا المصعد و اول ما انفتح لمحت آسر واگف بصف مكتب الاستعلامات چيكنا الوضعيه وطلعنا

الطريق گضيناه سكته ولازمنا قلباغ (ازدحام) نص ساعة يلا وصلنا للبيت..

هلهلت جدتي ورحبت بَـ فرات وهو وجهه ثگيل،حب راسه احترامًا لسنها والعمر البينهم وصعد الغرفته..