نجمة فراتيه

المحطـة الثالثه

﷽

بقلمِي : فـاطـمـة الـدُرص

- Part 3
*تعديل بسيط للبارت*

•••••••••••••••••
•••••••••••••

-أضحك وأقره التعليقات،استقرت عيني على تعليق؛
-:يول أستر الزنود

فكيت عيوني على وسعهن؛
-: شهل لعبان النفس شتحس،بعدين شكو تباع وشكو اساسا داخل للبث

تعليق-: انتِ مسويته عام ذنبي لو ذنبچ

نجمة-: دروح شفته بنات اطلع لتلزگ

"من الضوجه سديت الايڤ وگعدت رابطه النونه حتى الحلى عفته بَـ المطبخ هو وهوسته رحت أصيح غسق علمود ترتب الهوسه

رحت لغرفتها لگيتها واگفه يم الشباك تباوع،أستغربت واقتربت يمها اريد اشوف شكو

-شفت آسر وصديقه ضياء گاعدين بَـ الحديقة،غسق عيونها على ضياء ومترمش حتى يمكن ما انتبهتلي من دخلت،أردفت؛

-: حتاكلين الولد بنظراتچ..

فزت مخترعه تباوعلي مفككه عيونها على وسعهن والحچي گوه يطلع منها؛
-: هاا لاا مدا أباوع دزيت رسالة لَـ آسر ودا أنتظره يشوف الرساله

لميت شفتي لباطنها كاتمه الضحكه؛
-: هاي أحچيها للدبه

صفنت عليه وصفنت عليها ردت أگوم وچرتني من هدومي
-: يمعوده هدينيي التشيرت راح ينشگ

غسق:- سمعي ولچ الشفتيه متگولين لامي

-: ولچ شنو،شنو هاي الميانه..
يمعوده لتخافين اذا البالي صح ، أنچيبه للدرب الچ

غمزت نهاية كلامي باوعتلي تريد تستوعب،گالت؛
-: شقصدچ

-: قصدييي يعني نخليه يحبچ شنو يعني..
امشي نروح نگعد يمهم

غسق-: شلون خاف آسر ميقبل

ضربته على راسها بخفه
-: شحده يحچي

هزت راسها والابتسامه من الاذن للاذن مشيت بيها للحديقه؛
نجمة:- احنااا اجيناااا

آسر-: لا هلا ولا مرحبا

باوعتله من فوگ لچوه ورفعت حاجبي؛
نجمة:- عيد شگلت آسرارو

صفن بوجهي وسحب نفس من النركيله وزفره،أردف؛
-: كلشي مگلت عيني تعاي گعدي

گعدت وسحبت غسق الواگفه وراي ومتجمده،متحملت منظره وفحطت ضحك

آسر-: مطي وينهق