﷽
بقلمِي : فـاطـمـة الـدُرص
- Part 15
- لا تنسون التصويت و متابعة الحساب و تعليقاتكُم علىٰ الفقرات قدسياتي 💙 ..
▗࠘▚࠘▚▚▚࠘▚▚▚࠘▚▚▚▚࠘▚▚▚▚▚࠘▚▚▚▚
الانسـان يعيش حياته حلـوه او مُره و بدون تذمر تيقن بـ نهايـة المطـاف راح تتغـير و تصيـر حلـوه .!
- مرت الاسابيع الاخيره بين الدوام و البيت و اتعودت علىٰ شغلي بسرعه بس حيل تعب ما الحگ حتىٰ احك راسـي .. اوراق مبعثره بـ كل مكان لـ درجة المكتب سطحه مو واضح بسبب كثرة الاوراق عليه ..
عاينت لـ الساعة چانت بـ التسعه الا ثلث تهندت بـ حس مسموع و رفعت الهـاتف داخله لـ جهات الاتصال ادور اسم آمـي سرعان ما لگيته وضغطت اسمها متصله عليها
رنه رنتين بـ الثالثه ردت بـ نبرة قلقه ؛
-:: نجمـة يوم وين صرتي .!
نجمـة-:: شغل هواي ماگدرت اچي من وكت ..
الـوالدة-:: وهسه شوكت ترجعين .؟
نجمـة-:: احاول اخلص بـ سرعة و اچي
ودعتني و غلقت الهـاتف اعاين لـ الاوراق الي گدامي متذمره بـ صوت خافت ، طلعت من مكتبي لـ الطابق الاول متجهه ناحية مكينه القهوه
اخذت كوب قهوه و رجعت لـ مكتبي مكمله شغلي ، مر وقت لا بأس بي تقريبا نص ساعة و رن هـاتفي چان المتصل آسـر رفعت السماعه لـ اذني مُردفه ؛
-:: هاا أبو السوس
آسـر-:: هلا بيچ الحمدلله انتِ شلونچ
ضحكت و أردفت ؛
-:: خوش تبسمر
آسـر-:: خلصينا عيني اچي اخذچ .؟
تهندت و أردفت و آنـي احدق بـ الأوراق أتفقدها ؛
-:: اي خلصت تقريبا .. انتظرك
همهم كـ جواب و غلقت الاتصال ، عزلت هوسة الاوراق مرتبتهم بـ فايل و اخذت جنطتي و كوب القهوه و نزلت لـ الطابق الاول
أثناء ما آنـي بـ طريقي نزني صوت خطوات وراي .. تبسمرت خوف بـ مكاني و التفت لـ مصدر الصوت
زفرت نفس بـ راحه من شفت صاحب الخطوات موظف عادي ..
انتبهلي و أردف بـ ضحكه متأسف ؛
-:: آسف خرعتچ .!
التفت عليه بعد ما چنت امشي بـ وجـه مستقيم ..
-:: لا عادي
ابتسم و بادلته بـ ابتسامه خفيفه ، توترت من ما وخر عيونه و ظل يباوعلي وعلىٰ وجه طيف ابتسامه غريبه ما گدرت افسرها سرعت خطواتي نحو بوابة الخروچ و سرعان ما لمحت سيارة آسـر علىٰ الرصيف
أنت تقرأ
نجمة فراتيه
Lãng mạnحُب أقربَاء طفولِي شاء القدَر لـ يفترقُوا لِيلتقوَا بَعد مرُور 11 سنَة! يا ترَا كِيف سيكُون أول لقَاء بعد فرَاقهُم؟ بـقلمـي فاطمَة الـدُرص 💙
