نجمة فراتيه

المحطـة الثالثه عشر

﷽

بقلمِي : فاطمة الـ دُرص

- Part 13

لَا تنسون التصويت و متابعة الحساب و تعليقاتكُم علىٰ الفقرات قدسياتي💙

▗࠘▚࠘‌▚▚‌▚࠘▚‌▚‌▚࠘‌▚▚▚‌▚࠘▚‌▚▚‌▚▚࠘▚‌▚▚‌▚

نجمة::- گاعده علىٰ مسطبة بَـ الحديقة الخلفيه انتظر اتصال مِن ضياء يطمني علىٰ شاهين

طول والساعة عبرت الَـ 12 .. گمت مِن مكاني متوجهه لمدخل البيت ..
دخلت للبيت ومريت مِن بوابة المطبخ بس الغريب چانت اضاءة المطبخ مشتغله ..

استرقت النظر بدون ما آحد يلمحني و اتضحتلي هيئة باچي فاتن وبنتها زهرة يتبسبسن و مادري شنو شايلات بيدهن ..

عقدت البين حواجبي و كملت طريقي للغرفه متجاهله الي شفته ، نزلت مُقبض الباب بس چان مقفول .. دگيته مره مرتين تلاثه.!

الىٰ أن انفتح ، الي سببلي استغراب سرمد چان داخل الغرفه و عيونه حمر ، ازاحلي مساحة لدخول الغرفه وعيونه تراقبني

توترت مِن افعاله ودخلت للغرفه قافلتها بوجهه .. لمحت نور گاعده بَـ زاوية الغرفه ومدنچه راسها للارض

تقدمت عليها وأردفت بنتر؛
::- شيسوي هناا سرمد؟؟

ما ردت عليه استفزتني اكثر تقدمت عليها اكثر و رفعت راسها بَـ أيدي؛
::- جاوبيني نــور.!!

وخرت ايدي وگامت مِن مكانها مُردفه بهدوء؛
::- ما صار شي

گعدت علىٰ طرف السرير ماسكه راسي بين ادي اثنينهم،أردفت؛
::- يچي يوم وتچلطني ببرودها ..

عاينتلي مِن المرايه الواگفه گدامها تعدل شعرها،أردفت؛
::- مو چاي اگُلچ ما صار شي شنو هل ملحه!!

رفعت نظري عليها .. صفنت لثواني معدوده وأردفت بسخريه؛
::- اول تالي تنترين بوجـهي

تأففت ورجعت لسريرها ونامت .. ميلت شفتي وتقدمت ناحية كنتور الالبسة مختاره قطعة نوم ، لبستها ورحت للتسريحه افك ضفيرة شعري .. سرحته ورشيتله عطر

توجهت لنقطة الاضاءة غالقته ورحت لسريري .. قبل لَا انام تفقدت تلفوني لعل و عسىٰ اتلقىٰ مسچ مِن ضياء

ارتبكت مِن ماشفت رسالة .. خفت ليكون صار شي لَا سامح الله ..
تعوذت الشيطان مِن افكاري و نمت  ..

"بين الواعيه و لا واعيه سمعت اصوات نحيب عاليه بكاء صراخ ؟
الصوت ما مفهوم ..