نجمة فراتيه

المحطـة العاشره

﷽

#نجمَة فُراتِية

بقلمِي : فاطمَة الَ موسوِي🤍..

التصوِيت،التعليق بين الفقرَات،متابعة لحسابي يشجعوني بَـ الاستمرار☘️..

▗࠘▚࠘‌▚▚‌▚࠘▚‌▚‌▚࠘‌▚▚▚‌▚࠘▚‌▚▚‌▚▚࠘▚‌▚▚‌▚

-مرت سنتين علىٰ الصار ، صح ما نسينا بس تعايشنا ويـه الوضع ، لـ غسق ذكره لا تموت بـ گلبنا ..

"گعدت علىٰ ستول خشبي وسط الحديقة،محاوطتني ورود من اصناف مختلفة
قهقهت بخفوف وأردفت؛
-: سرمدد حبااب طگلي صورةة

ما انطيته مجال للرفض،حطيت تلفوني بيده وهو متصنم مصدوم بتصرفي..
من حسيت علىٰ نفسي أردفت؛
-: هاا اذا متريد عادي هات التلفون

ابتسملي وتقرفص امام الزهور وقطف زهرة صغيره لونها بنفسچي "زهور جهنميه"

گام ونكث ملابسه وتقدملي،حط الزهرة بين شعري وأردف وهو سرحان بَـ شعري؛
-: انتِ الطف من زهرهم يا زهرتي..

بلعت ريگي متوتره ورجعت نفسي للخلف احاول ابعد ايده عن شعري،تحمحمت وأردفت؛
-: Personal space

طبگ حواجبه ضايج من تصرفي،أردف؛
-: تگدرين تگولين بلا هاي التصرفات..

صفن بوجهي لثواني معدوده وغير موقع تركز عيونه منطيني ظهره،دخل ايده بجيوب البنطال وطلع سويچ السياره

رجع التفت عليه وأردف؛
-: غوربت الشمس امشي نروح

همهمت كَـ اجابة ومشيت وراه للسياره،،الطريق هادء وبس صوت التكييف واضح،أردف مقاطع السكوت؛
-: فتحي الكومندي تلگين باكيت سجاير وجداحه

نور-: عندي ربو شنو نسيت؟
استغفر بَـ همس ودعچ وجهه،حشرت روحي بَـ باب السياره خفت لا هنوب يلطشني براچدي يصوفر اذاني..

انتبهلي صايره اني والباب واحد عشق وجهه وأردف؛
-: شصاير هنا؟

نور-: خفت علىٰ روحي لا انضرب
لميت شفتي لباطنها مِن استوعبت شحچيت..

سرمد-: لو اليوم مو عيد ميلادچ چان رگعتچ براچدي

نور-: دا تشاقه؟

هز راسه بَـ حركة اي أردفت؛
-: شو حتىٰ شقاك يخوف

ابتسم ابتسامه جانبيه بارزه انيابه،أردف مغير الموضوع؛
-: تردين ايسكريم لو كيك؟

حطيت ايدي تحت حنچي واطلقت همهمه كَـ تفكير،أردفت بعد مدة؛
-: كيك

اخذ نظره سريعه ورجع نظره للطريق وأردف؛
-: تدللين شعدنا احنا غير طلباتچ

رفعت حاجبي واردفت؛
-: يح ترا هااي بس اليوم لان عيد ميلادي!

لسا چاي يرد وقاطعه دگة تلفونه،رفع الخط بدون كلام ساكت واضح يستمع للطرف الاخر همهم وغلق الاتصال،رجع انظاره عليه وأردف بأسف؛
-: لازم ارجعچ صارت عندي شغله ضروريه..