កាលពីចុងភាគមុន ស៊ូហាងនាយបានលួចដាក់ថ្នាំរាគចូលទៅក្នុងម្ហូបរបស់ចាងជីមិនដឹងប៉ុណ្ណានោះទេទើបធ្វើឱ្យចាងជីញាំុអាហារហើយក៏ធ្វើឱ្យនាយចេញរោគសញ្ញាមកភ្លាមៗតែម្តង នៅទីបំផុតចាងជីក៏បានចូលមន្ទីពេទ្យបានសម្រេចក្រោមស្នាដៃរបស់ស៊ូហាង...
នៅពេលដែលមកដល់មន្ទីពេទ្យភ្លាមស៊ូហាងក៏ជួយគ្រាចាងជីទៅជួបនឹងគ្រូពេទ្យ ដែលពេទ្យម្នាក់នោះគឺជាម៉ាក់របស់ស៊ូហាងនឹងឯង....ក្រោយពេលពិនិត្យនឹងឱ្យថ្នាំទៅកាន់ចាងជីរួចរាល់អស់ហើយម៉ាក់របស់ស៊ូហាងក៏ហៅស៊ូហាងមកស្តីឱ្យនៅខាងក្រៅ...
" ម៉ាក់ណែនាំឱ្យឯងទៅស្នាក់នៅជាមួយនឹងចាងជី តែម៉េចក៏កូនធ្វើបាបគេដល់ថ្នាក់នេះ ?!!" អ្នកស្រីស៊ូអូសដៃកូនប្រុសចេញមកខាងក្រៅបន្ទប់ ហើយក៏ស្តីបន្ទោសទៅកាន់កូនទាំងខឹងសម្បារ
" កូនសុំទោស "
" កូនមិនគួរមកសុំទោសម៉ាក់ទេតែកូនគួរតែទៅសុំទោសចាងជីវិញទើបត្រូវ !! " អ្នកស្រីស៊ូនិយាយទាំងមិនទាន់បាត់ខឹងហើយក៏ចង្អុលទៅកាន់ក្នុងបន្ទប់ការិយាល័យរបស់ខ្លួន ដែលមានចាងជីនៅអង្គុយចាំនៅក្នុងនោះ
" បាទ...កូនដឹងហើយ " ស៊ូហាងឆ្លើយតបទាំងទឹកមុខស្រពាប់ស្រពោនព្រោះដឹងកំហុសរបស់ខ្លួន
" បានហើយៗ ឆាប់ចូលទៅក្នុង ហើយសុំទោសចាងជីឲ្យបានល្អ ពួកកូនសុទ្ធតែស្គាល់គ្នាតាំងពីតូចៗចឹងហើយកុំឱ្យមានរឿងទាំងអស់នេះកើតឡើងទៀតឱ្យសោះណា " អ្នកស្រីស៊ូអង្អែលក្បាលកូនតិចៗហាក់ដូចជាការលួងលោមនឹងសូមទោសដែលមុននេះអ្នកស្រីសម្តីរៀងធ្ងន់ដាក់កូន បន្ទាប់មកស៊ូហាងក៏ត្រឡប់ចូលទៅក្នុងបន្ទប់វិញនឹងដើរចូលទៅរកចាងជីមួយៗទាំងភ័យៗហាក់ក្លាចមិនហ៊ាននិយាយពាក្យសុំទោសទៅកាន់ចាងជីសោះ...
" ចាងជី "
ស៊ូហាងដើរមកឈរពីក្រោយចាងជីចម្ងាយប្រហែល2ម៉ែត្យ ហើយនាយក៏ហៅឈ្មោះរបស់ចាងជី...ចាងជីងាកក្រោយសម្លឹងមកកាន់ស៊ូហាងទាំងឆ្ងល់
" មានការអី ?! "
" ខ្ញុំសុំទោស " និយាយទាំងដឹងកំហុស នាយអោនមុខចុះទាំងស្រពាប់ស្រពោន ព្រោះនាយក៏ភ័យខ្លាំងណាស់ដែរនៅពេលដឹងថាខ្លួនឯងលេងជ្រុលដាក់ចាងជីបែបនេះ នាយស្ទើរតែចង់យំទៅហើយ...
" ឯងសុំទោសខ្ញុំ ?! " ចាងជីលើកដៃចង្អុលមកកាន់ខ្លួនឯងហើយក៏ធ្វើជាសួរបញ្ជាក់ទាំងធ្វើទឹកមុខដូចជាឆ្ងល់ចឹង
" ត្រូវហើយ ខ្ញុំសុំទោសឯង សុំទោសដែលខ្ញុំធ្វើបាបឯង !! "
" នេះខ្ញុំមិនមែនស្តាប់ច្រឡំទេដឹង ?! " នាយញញឹមទាំងភ្ញាក់ផ្អើលធ្វើចរិតដូចជា រំភើបចឹង
" ឯងស្តាប់មិនច្រឡំទេ ខ្ញុំដឹងខុសហើយ" នាយមិនត្រឹមនិយាយតែមាត់ប៉ុណ្ណោះទេ ទឹកមុខក៏បញ្ជាក់បានផងដែរ
ចាងជីញញឹមហើយក្រោកឈរឡើងដើរមករកស៊ូហាងទាំងសប្បាយចិត្ត ÷
" ហីយ៉ា នេះ10ឆ្នាំហើយខ្ញុំមិនដែលលឺឯងនិយាយពាក្យសុំទោសដាក់ខ្ញុំទេ នេះលើកទី1ហើយពិតជាអស្ចារ្យណាស់ "
" ឥលូវសម្រេចថាទទួលពាក្យសុំទោសរបស់ខ្ញុំឬអត់ ? "
ស៊ូហាងនិយាយហើយចាងជីក៏ញញឹមចេញចរិតអឿតែម្តង...ហើយក៏និយាយទាំងងើយមុខទៅឆ្វេងទាំងឌឺខ្លាំងមែនទែន ÷
" អុឺម...សុំគិតមើលសិន !! ចាំមើលថាឯងសុំទោសខ្ញុំចេញពីចិត្តឬអត់ ? "
" ចេញពីចិត្តប្រាកដណាស់ "
" ចង់ដឹងថាពិតឬអត់គឺទាល់តែបញ្ជាក់ !!"
" បញ្ជាក់បែបណា "
" គឺបញ្ជាក់ពីចិត្តស្មោះរបស់ឯងនឹងហើយ"
" ឥលូវចង់ឱ្យខ្ញុំធ្វើយ៉ាងម៉េច ? "
" មើលថែខ្ញុំ រហូតទាល់តែខ្ញុំញាំុថ្នាំនេះអស់ ហើយក៏ត្រឡប់មកសភាពដើមវិញ !! " នាយនិយាយទាំងញញឹមសម្លឹងមុខនាយតូច
ស៊ូហាងងើយសម្លឹងមុខចាងជីបន្តិចហើយក៏និយាយ÷
" គ្មានបញ្ហាទេ " នាយតូចក៏តបទាំងជឿជាក់ ហើយថែមទាំងញាក់ចិញ្ចើមឌឺចាងជីទៀត កេវភ្នែកទាំងពីរគូរក៏បានប៉ះគ្នាបន្តិចដែរ....
To be considered ✨
By កាម៉ាប់ 🐰
