ثاني اكسيد الصداقه

البارت 1

ايام الثانوي......
.
.
صباح (ام مني)بصويت: يبنت الكااالب
مني بفزع:لا اله الا الله هو انا عملت اي عالصبح يا رب متكونش دخلت المطبخ بس
صباح بصوت اعلي: لا شفته يعين امك
مني بخوف:هربوني من هنا بسرعه امي هتقتلني!!!
صباح بعصبيه: وحيات امك!
مني:اي يصبوحه مكانش طام طبق وحلتين و4 كوبايات ومج شاي بلبن متغسلوش
صباح: وبالنسبه انك المفروض تكوني عشيتي اخواتك امبارح
مني: اخواتي مين
صباح:بقا اخواتك الصغيرين يصحوني الساعه 6 الصبح عشان جعانين اقولهم مش مني عشتكم يقولولي لا مهي قالتلنا انك قلتلها متعمليش اكل لحد عقاب ليهم وانا هقلهم لي الصبح
مني في سرها:يولاد الغداره والله اما اتضرب هنا لاوريكم
صباح بتوعد:بتقولي حاجه ينونا؟
قبل ما مني ترد كان الباب بيخبط فتحو الباب لقو سلمي وندي بلبس النوم وشكلهم صحيو مفزوعين
سلمي:اي يصبوحه هو كل يوم هنصحي علي صوتك انتي او امي او ام البت ندي الغلبانه حرام عليكو بقا
صباح:مانتو اللي جيل ناقص ربايه
ندي بترفع حاجبها:مانتو اللي مربيين يقمر
صباح رفعت الشبشب وجريت وراهم التلاته ولما لقت انهم كتير عليها لوحدها اتصلت بامهاتهم يشتركو في الضرب بدل الفرهده دي وفعلا جم وعملو كماشه علي سلمي ومني وندي وغسلو السجاد كعقاب
ندي:في الواد محمود واياد وانس وبراء وعمر ينقذونا من الهم دا
مني:انتي هتقولي فيها دول ولا كانهم ساحرين لامهاتنا بيقولوهم يمين يمين شمال شمال
سلمي:طب اتصلو بيهم في الخباثه كدا ونضحك عليهم باي حاجه عشان يهربونا من الرعب دا
وفعلا اتصلو بيهم وجم بعد ذل من البنات
عمر لصباح :اي يصبوحه مش حرام برضو التلاته دول يغسلو سجاد 3 شقق بس خليهم يغسلو سجاد شققنا برضو خليهم يتربو
صباح بتفكير: تصدق معاك حق يواد
مني: اي يا عموري انت معاهم ولا معانا يخربيتك هنروح في داهيه
عمر بضحك:خلاص خلاص هقنعهالك بس هاتي اي حاجه اكلها انا والواد محمود اللي بيضحك هناك دا
مني: حاضر بس خلصني
عمر راح يقنع صباح بالعكس واياد كان عليه يقنع عبير(ام ندي) وانس كان بيقنع صفاء (ام سلمي) ومحمود وبراء كانو بيتفرجو ويضحكو ومكملوش عشر دقايق وكانو اقنعوهم وخلاص البنات جابت للصبيان اكل
سلمي:يلا كل بالسم الهاري
انس: انا لسه مقنعهالك يقادره!
ندي بضحك:في حد طبيعي يروح يقول لامي متخليهاش تغسل السجاد خليها تغير الملايات وفرش الكنب وفرش النيش النيش يا انس حرام عليك!
انس:مش احسن ما كنت اخليها تمسح السلم زي ما اياد عمل!
اياد:يعم اسكت بتفكرهم لييي
انس بضحك:مكانش قصدي يمعلم وبعدين ندي قلبها ابيض وهتسامح....
مكانش كمل الجمله لقا ندي بتجري بالسكينه ورا اياد والبنات ماسكينها بالعافيه والصبيان بيحاولو يهربو اياد قبل ما يموت
ندي:مش هقتله هعرفه غلطه بس والله سيبوني متخافوش!
سلمي:مناخفش اي بس دا الجن الازرق بيترعب منك يبت!
مني:اه صح! وخدت السكينه من ايد ندي و....