ثاني اكسيد الصداقه

البارت 4

الام:يبن الوسخه بقا تتريق علي بنت عمك وتضحك عليها عيال العيله كلهم!
عمر:والله ما حصل!!
الام:امال اي اللي حصل؟
عمر حكالها راحت بصتله ومشيت
.
.
.
بعد سنين...
مني: يعني اي المريض ميتركبلوش كانيولا كل دا !!!
الممرضه بخوف:انا اسفه بس كان عندي شغل كتير غيرو
مني بعصبيه:ودا مش شغل برضو!
الممرضه:انا اسفه دي غلطتي ومش هتتكرر تاني
مني:غوري من وشي ومش عاوزه المح اي غلطات هنا تاني
الممرضه مشيت من قدامها ومني راحت اوضتها وماسكه راسها من كتر الصداع
(مني كانت رئيسه التمريض في مستشفي كبيره اوي وكانت معروفه بضميرها وكرهها للغلط وخوفها عالمريض وانها جدعه جدا بس كانت عصبيه لاتفه الاسباب)
.
.
سلمي كانت بتعيط في الحمام بسبب ضغط الشغل وضغط المدير عليها
خرجت من الحمام بتضحك وهي بتشتم فيهم  وكملت شغلها عادي بس سابته بعصبيه وعملت اذن للخروج وراحت لمني شغلها
.
.
.
عند ندي كانت مذنبه 3 صبيان برا الفصل واقفين علي رجل واحده و5 جوا رافعين الشنط وبرضو واقفين علي رجل واحده وبقيت الفصل خايفين يرمشو حتي
ندي للمستر اللي جاي يهدي الاوضاع:جرا اي يمستر انت بتتوسط لدول!
المستر:هما عملو اي بالظبط
ندي:اللي برا دول قلو ادبهم عليا واللي جوا شايفين نفسهم ولا بيركزو في الشرح ولا بيبطلو كلام
المستر:طب معلش دخليهم المرادي
ندي:لا ولو حضرتك قلت كلمه كمان عليهم هتتذنب لامؤاخذه معاهم
المستر :ازاي يعني وبعدين بقول لحضرتك دخليهم المرادي هو انا هبوس ايدك!!
ندي:كداا طيب ماشي يمستر
المستر:هتعملي اي يعني
*بعد خمس دقايق*
المستر متذنب انه بيلعب 100 ضغط حالا وكل اللي ضحكو عليه اتعاقبو معاه
المستر:الله يحرقكو يارتني ما جيت اتوسطت ولا اتنيلت
ندي بتضحك وقعدت تشرب القهوه بلبن بتاعتها علي ما المستر يخلص عقابو
.
.
.
.
عند مني وسلمي في المستشفي

مني:بقولك اي مفيش شغل النهارده ماتيجي نروح لندي
سلمي:اه ياريت انا تعبت م منظر المرضي بجد بيصعبو عليا انتي ازاي بيجيلك قلب متعيطيش كل دا
مني بضحك:طب يلا يعيوطه هانم
*بعد ما وصلو*
مني بخضه:يخربيتك يقادره اي اللي انتي عملاه دا انتي عامله سجن للطلبه والمدرسين!
*كان الطلبه زي ما هما بس في منهم قعدو وفي طلعو جديد وفي ميس ومستر جداد اتعاقبو*
ندي:قلو ادبهم ومسمعوش الكلام اعمل اي!
سلمي:لا انا كدا اقتنعت براحتك يبت
مني بعصبيه:لا لا معلش كلو يقعد مكانو ميس ندي سامحتكو المرادي
كلو رجع بفرحه وبدا يدعي لمني
ندي:انا هعديها عشان خاطر مني بس انما غير كدا مكنتوش خلصتو النهارده
المستر لمني بصوت واطي:والله ربنا يكرمك دي قادره ومفتريه المدير نفسه مش قادر عليها
مني:لا متخافوش وانا موجوده عيب عليكو هو انا اي حد
المستر ضحك ودعالها ومشي
البنات قعدو مع بعض يحكو لبعض يومهم ومني شربت شاي عشان ضغط الشغل اللي في اول اليوم النهارده كان كتير وعملها صداع جامد
عند الشباب.....