طلعو كلهم فوق واتصدمو بمني وعمر وفرحو جدا بيهم وجريو عليهم حضنوهم وسلمو عليهم وثثعدو بعد كدا كلهم مع بعض
ندي:طب مقولتوش لي كان زمانا جايبينكو من المطار بدل ما تيجو لوحدكو
مني:يستي خلاص حصل خيو
عمر:وبعدين كنا عاوزين نعملكو مفاجئه حلوه
محمود:ودي فعلا احلي مفاجئه اليومين دول
مني:لا في مفاجئه احلي
خديجه:قولي وفرحينا
مني:انا حامل
بصولها بصدمه
عمر:اي يشباب
البنات صوتت من الفرحه وظغرطو والشباب قامو سقفو وصفرو والبنات تقول هبقي خالتو الولاد تقول هبقي عمو
مني وعمر كانو فرحانين بفرحتهم جدا وقضو اليوم في الاحتفال
.
بعد ٧ شهور كان المفروض هيبقي فرح بقيت الشباب والبنات وفي الفتره دي كانت البنات مش بتخلي مني تعمل اي حاجه في البيت والشباب كانو بيشجعو عمر يساعد مني دايما وميضايقهاش والاتنين مكانوش عاوزين يعرفو نوع الجنين ولا عددو
.
في الفرح
.
الكل كان بيرقص وفرحانين حتي مني كانت تعبانه جدا وبترقص من فرحتها ومره واحده فتحت عنيها
جامد وقامد مصوته بصوت فزع كل اللي في الفرح وجريو بيها عالمستشفي وطلعت بتولد فدخلت اوضه العمليات وعمر والشله كلها واقفين برا ومتوترين جدا
ولدت والممرضه خرجتلهم بطفل علي ايدها
الممرضه:الف مبروك بنوته زي القمر
عمر عينو دمعت من الفرحه :مامتها كويسه
الممرضه:اه الحمد لله
كانو ملمومين كلهم حوالين البنوته القمر اللي مني نورت حياتهم بيها وفجاءه سمعو صوت عياط طفل تاني والممرضه شيلاه وريحالهم
الممرضه:ولد زي القمر ربنا يحفظهولك
عمر:انتي فاهمه غلط انا بنتي في ايدي اهيه
الممرضه:ايوه ودا ابنك برضو مش حضرتك استاذ عمر جوز استاذه مني
عمر:ايوا انا
الممرضه:طيب دا ابنك
عمر كان لسه بيستوعب ان جالو توام ولسه بيحمد ربنا وبدا يفرح بس في الوقت دا سمعو صوت صويت طفل صغير من جوا اوضه مني
عمر برعشه:لا متقوليليش في حد بيولد مع مني في الاوضه صح؟
الممرضه بضحك:لا يا استاذ دا ابنك
عمر كان هيقع من طولو من قوه الصدمة واصحابو واقفين فاتحين بقهم مش مستوعبين اللي بيتقال دا
محمود:دي الكاميرا الخفيه صح؟
الممرضه سابتهم وراحت تجيب الطفل التالت وعمر باصص في السما وبيكلم ربنا: يا رب انا عارف اني دعيت كتير يبقي ليا ابن منها بس مش بالعدد دا دي طلعت ارنبه يا رب يكون التلاته دول بس
هو كان بيتكلم والشله كلهم بيضحكو من الصدمه
الممرضه جت وادتهم الطفل التالت
عمر:قولي بصراحه في حاجه تاني جوا ولا هما دول بس؟
الممرضه بضحك:لا هما دول بس
عمر ساب البنت اللي في ايدو واداها لندي ونزل سجد عالارض وهو بيقول شكرا يا رب وقعد يحمد ربنا كتير وسابهم ودخل جري يطمن علي مني وهما دخلو وراه وقعدو يتريقو عالعدد ويقولو انها طلعت ارنبه وهي قاعده مصدومه مش قادره تصدق العدد دا بداو يفكرو هيسمو العيال اي
محمود:سمو واحد علي اسمي
عمر:مفيش عيل فيهم هيتسمي علي اسم حد فيكو فكرو عدل
مني:محمد ويونس
سقفولها كلهم والاسماء عجبتهم وكان فاضل يسمو البنت بس
عمر:حبيبه ابوها هسميها مليكه
كلهم عجبهم الاسم جدا
روحو عالبيت وكلهم قعدو مع العيال وسابو مني وعمر ينامو من التعب والتوتر اللي هما فيه وقعدو معاهم فتره لغايه ما مني بقت قادره تتحرك بعدين كلو واحد خد مراتو وسافرو لشهر العسل اللي اتاجل بسبب العيال دول
.
بعد خمس سنين.....
.
مليكه:بابا مالك ضربني
عمر:فين مالك هعلقهولك يا حبيبه بابا
محمود:لو جيت ناحيه ابني هعلقلك بنتك ياض انت
عمر:طب انا هحلهالك
محمود:حلها
عمر:المثل بيقول اخطب لبنتك ومتخطبش لابنك
محمود:وبعدين
عمر:اللي ضرب بنتي يتجوزها
محمود:هو انت عشان م لاقيلها عريس يلمها فتلبسها لابني ولا اي وبعدين دانت خاطبها لكل الولاد اللي هنا احنا هنستعبط ولا اي
عمر:باااس يبقي مفيش جواز يا سي مالك بابا اللي قال لا اهو مش انا عشان تعرف اني طيب
محمود:نهارك اسود انت بتوقع بيني وبين ابني!
عمر:انا بقول الحقيقه
مالك:بابا انا عاوز اتجوز مليكه عشان بحبها
محمود:حاضر يقلب ابوك دانت واقع اكتر ما ابوك كان واقع يخربيتك
تقي:عمو محمود
محمود:قلب عمك محمود يتقتوقه قولي عاوزه اي
تقي:خلي مالك يتجوزني انا مش مليكه
محمود رفع مالك من هدومو:انت يا دنجوان انا تعبت منك
مالك:انا معملتش حاجه
محمود:حاضر يحببتي متخافيش
انس:هو اي اللي متخافيش يلا انت فاكرها هتموت عالواد ولا اي
محمود:امال دا تسميه اي
انس بثقه :بتحربق علي بنت عمر
محمود:بنتك حربوءه!
انس:مش احسن ما تقول واقعه ودايره علي حل شعرها
محمود:ايوا اقنعتني
ايات:تاراا
تارا:نعم يا مامي
مني:البت دي طالعه بنت ناس كدا لمين
ايات:والله ما اعرف يختي
ايات:روحي اندهي الواد يونس ابن خالتو مني يلا
راحت ندهتو وجه هو ويزن ابن ندي
ايات:عاوزاكو تشترو مكرونه من تحت يحبايب قلبي
يونس:عنينا ليكي يا خالتو
آيات :قلب خالتو انت
بعتتهم ونزلو ولعبو في الشارع وجابو الحاجه وطلعو
لوجين:ماميي
حنين:قلب مامي من جوا عاوزه اي
لوجين:عاوزه مثاثه
حنين:بس كدا دانا اجيبلك حفله مصاصات دلوقتي لو تحبي
حنين ادتها المصاصه ومحمد خدها منها ورخم عليها
حنين:مني لمي ابنك عشان ملمكيش انتي وهو
مني:اتعاملي مليش خلق اتكلم دلوقتي
حنين مسكته من قفاه :اما انت عاوز مصاصه ياض مجيتش قولت لي؟!
محمد:مش عاوز مصاصه بس بحب ارخم عليها
حنين اتكلمت بصوت واطي:بتحبها؟
محمد:بصراحه اه
حنين:طب خلاص يلولو هجيبلك غيرها بقا مش مهم متعيطيش
محمد بصلها بسرعه وجابلها المصاصه وقالها انه كان بيهزر
كلهم كانو بيتجمعو زي ما هما عالسطح بس وسعوه حبتين عشان العدد
.
.
.
فركااااااش
دا كان اخر بارت ولو عاوزين جزء تاني من الروايه اكتبولي في التعليقات وقوليلي رايكو عشان يهمني واتمني يعجبكم ويلا جود باي يخواتيي هتوحشوني❤😁
YOU ARE READING
ثاني اكسيد الصداقه
Pertualanganالفضول خلاك تخش تقري عشان تحدد هتسجلها وتقراها ولا هتسبها مركونه وسط الروايات انا اه معرفش زوقك اي بس اللي اعرفه ان الروايه دي تعتبر بترضي كل الازواق دراما. كوميدي. رومانسيه. كره. فراق. مغامرات. وحجات كتير تانيه
