ثاني اكسيد الصداقه

البارت18

براء:دا اي دا بقا ان شاء الله كدا عمر ومني وممدوح وندي ويوسف وحنين واياد وجني وفاضل انا وكام واحد لسه سناجل في اي يشباب الشله قلبت شله مرتبطين كدا امتي !!!
محمود عمل. نفسه متاثروبيمسح دموعه:عقبالي يا رب عشان حياه السنجله بقت صعبه عاللي في سني
سلمي:ومين سمعك انا كمان شويه هشقطلكو حد وارتاح
انس:ماتتلمي يا بيت
سلمى :وانت مالك يعم وبعدين بتعدل علي كلامي لي ان شاء الله
انس:عشان مينفعش تقولي كدا وانا موجود او مش موجود
سلمي:دا باماره اي ان شاء الله
انس:باماره اني بحب....
مني. قاطعت كلامه قبل ما يعك الدنيا:بحبكو كلكو يجدعان وبحب لمتنا دي اوي
سلمي:غوري ياللي منك لله
مني:حبيبت قلبي بحبك والله
انس:اجدع اخت في المجره يولااد
مني:اخويااااا
براء:طب يلا يولاد المجانين وهعمل نفسي مفهمتش اللي حصل. وهكلمكو كمان يومين اشوف الدنيا عامله ازاي. وشكلي انا والواد محمود هنبقي بيبي سيتر للبيبي الصغننين
كلهم بضحك :سلام يابا
وقفلو المكالمه
ندي:انت كنت بتهزر صح؟
ممدوح:لا بتكلم جد انا فعلا بحبك
ندي:حتي وانا معذبه العيال في الفصل؟
ممدوح:ايوه بحبك وانتي مسيطره ومذنبه المدرسين قبل الطلبه كمان
ندي:حتي وانا منكده عليكو كلكو من غير سبب واضح ؟
ممدوح:بحبك في كل حالاتك
مني:بكرا الفلنتاين يخواتي
سلمي:كل واحده فيكو خارجه مع كتكوتها بكرا الا انا مليش كتكوت
محمود:حالي من حالك
سلمي:يا رب ارزقنا بكتاكيت بقا انا تعبت عاوزه حد يخرجني ناكل برا
مني:خدي انس العبيط اللي هناك دا عاوز يخرج ياكل برضو
سلمي:تعالي يسطا نخرج بكرا نفسي في شاورما
مني غمزت لانس عشان يعترف لسلمي بكرا
انس:ماشي يستي كلو لاجل عيونك
سلمي:عمي وعم عيالي والله
محمود:ايوا وبعدين يعني اعيطلكو ولا اهبب اي انا؟
حنين:لا انت تقعد تجهزلنا اكل بقا
سلمي:ايوه هنيجي جعانين وهفتانين يحوده
محمود:هفتانين اي يقادره انتي واخده الواد عشان ياكلك برا وياريتو بيبان عليكي حتي
سلمي بتخمس في وشو:ربنا يحميني يا رب اي ياض انت هتحسدني ولا اي
محمود:غوري يبت انتي من هنا
سلمي:ابو شكلك عاوزه بكرا حله ورق عنب ليا لوحدي
ندي:وانا عاوزه فراخ محمره
مني:وانا عاوزه جلاش
حنين :حله كرنب حلوه لاختك عشان الواد يوسف جاي بكرا
اياد:فلفل محشي بقا خليك جدع
عمر:ويسلام لو هتعمل بتنجان محشي كمان
انس:تبقي عملت واجب مع اخوك لو عملت ممبار
محمود:اي في اي ما تصلو عالنبي في قلبكو مين هيعمل دا كلو!
ممدوح:انت يحوده
محمود:كل واحد عاوز حاجه ينزل يشتريها حالا ويطلع نجهز الحاجه ونحشيها
مني:امال انت هتعمل اي بقا بكرا يعنيا؟
محمود:مفاجئه
عمر:اما نشوف
محمود:هبهركوو
الكل:ما هو دا اللي قالقنا
محمود:ثقو فيا
ندي:انا قلقت اكتر
محمود:ابو اشكالكو
نزلو جابو الحاجه وجهزو الاكل وراحو ينامو
.
تاني يوم كلهم خرجو ومحمود راح السوق يشتري حجات لمفاجئته واتخانق مع بنت بتبيع فاكهه خناقه كبيره
البنت:لا يا استاذ كيلو الموز بعشرين جنيه مفيش فصال
محمود:بقولك معايا 19 جنيه ونص بطلي نتانه انا حياتي واقفه عالموز دلوقتي
البنت:هو اي نتانه دي ما تحترم نفسك
محمود :يست الكل انا بس عاوز الموز بيتي بعيد اوي عن هنا لو رحت ورجعت هتكوني خلصتي وانا هكون اتاخرت ومش هلحق اعمل حاجه وبعدين اما اجي تانب والله لاديكي خمسه جنيه بدل النص جنيه دا
البنت:مهو مش فكره كدا فكره ان الراجل صاحب الفرشه بياخد الفلوس مني علي قد بضاعتي بالظبط فلو مبعتش او خسرت في بيعه مبيفرقلوش الكلام دا وبياخدها الضعف تاني يوم وانا معييش فلوس دلوقتي اكمل واخليها 20جنيه عشان ادفع الإيجار دا اكل عيش
محمود :انا مش فاهم اي قصه حياتك اللي دخلتيني فيها دي بس استني هشحت من اي حد في السوق جنيه وحلال عليكي يستي
محمود فعلا وقف راجل كان ماشي في الشارع وطلب منه جنيه والراجل اداهولو ومحمود اداه للبنت وشكرته وادته الموز وهو روح عمل الحاجه قبل ما الشباب يرجعو
.
عند انس وسلمي
انس:اختارتيني اجي معاكي لي
سلمي:احمم..هو كدا يصاحبي عندك مانع ولا اي
انس:بالعكس علي فكره انا فرحت جدا
سلمي:طب كويس بس اشمعني يعني
انس:سلمي هو انتي مش حاسه باي حاجه ناحيتي
سلمي:اه بس مش هقول
انس:اه؟الشارع اللي وراه دانا هروح اعملك محضر دلوقتي
سلمي:نسيت تقول المحضر ابن....
انس:ايوه مهو انتي الوحيده اللي استحاله اضايقها بالكلام ولا بالفعل
سلمي:اشمعني
انس:بصراحه بقا عشانت اتخنقت من غباءك انا بحبك يست خرا
سلمي:بتحبني؟....الله يسترك
انس:الله يسترك ؟
سلمي:لو مش عجباك ممكن ادعيلك دعوات تانيه عندي منها كتير
انس:يا رب صبرني علي ابتلائي دا انا تعبت
سلمي:انا ابتلاء؟
انس:احلي ابتلاء ربنا بعتهولي والله
سلمي:بس بقا يسطا بكثف
انس:مقتنعه بنفسك؟
سلمي:الصراحه لا
انس:اهو انا مش محترم فيكي حاجه قد صراحتك دي والله
سلمي:الله يخليك
انس:لا يلا نروح عشان مش عاوز اجري عالمستشفي بمراره مفقوعه دلوقتي
سلمي:قصدك اي؟
انس:بحبك يخرا الله يحرقك
سلمي:حبيبي الله يجبر بخاطرك
انس:حبيبي طالعه من بقك زي العسل
سلمي:يختشي عليا اتحسد والله
انس ضحك وبداو ياكلو عشان يروحو
.
في الوقت دا كان اياد وجني ويوسف وحنين روحو واياد وحنين دخلو يشوفو محمود بيعمل اي وسابو يوسف وجني عشان يتعرفو علي بعض وخرجو لقوهم بيصورو تيك توك والسوند كان....