براء:انا جالي شغل
كلهم فرحو جدااا
محمود:اخيرا يسطاا
مني:انا مش قادره اصدق حقيقي فرحانه اوي
عمر:الف مبروك يسطا
ندي:انا مش عارفه ازغرط ولا اقوم اتنطنط من الفرحه ولا اعمل اي
سلمي:قولنا بقا اي تفاصيل الشغل دا
براء بدا يبقي شكله مهموم :بصو هو كل حاجه في الشغل دا زي الفل مرتب كبير وناس محترمه وهشتغل بشهادتي
ممدوح:طب ما زي الفل اهه
حنين:لا دا شكله شايل الهم في حاجه
براء:عيبه الوحيد هو اني هضطر اسافر برا لفتره
كلهم بصو بصدمه
اياد:فتره قد اي
براء:سنه واحده. اظبط اموري ويعرفو مستوايا وارجع تاني وهبقي بين هنا وهناك والمرتب بالدولار
انس:طب روح ربنا يوفقك
كلهم بصو لانس بشر
انس:الواد بقالو قد كدا بيدور علي شغل ومش لاقي ومحدش عاجبو قعدتو اللي في البيت دي ولما جبنالو بغير شهادتو معرفش يكمل وهو حق ربنا صبر كتير فاكيد ربنا بيجازيه عالصبر دا كلو واحنا لازم نبقي اكبر داعم ليه ولو علي البعد فهنكلمه كل يوم او اتنين فيديو كول نحكيلو ويحكيلنا
كلهم اقتنعو بكلامو وبداو يشجعو براء عالسفر
محمود:هتسافر امتي بقا
براء:بعد بكرا
حنين:خلاص يبقي كلنا اجازه بكرا من اشغالنا وهنخرج مع الولا براء عشان هيتنيل يسافر بعد بكرا
براء:يبنتي ارحمينا لسانك تعبنا بقا
حنين ضحكت عليه وكلهم روحو بيوتهم ينامو
.
تاني يوم صحيو كلهم وراحو دريم بارك واياد اتعرف علي بنت هناك وبقو اصحاب وخدو ارقام بعض بس الشله مكانوش يعرفو وبعد كدا راحو مطعم ياكلو وبعدين خرجو بليل يتمشو في الشوارع وطلعو يتفرجو علي فلم
.
يوم السفر الشله ودت اياد للمطار
.
اياد:يلا يلعن ابو شكلك هتسبنا وتسافر
محمود :هتوحشني يا اخويا
عمر:مش عارف اروح لمين لما اعمل مصيبه ولا اخد رايو بس يلا حسبي الله ونعم الوكيل بقا
ندي:هتتنيل توحشني يا سي زفت
حنين:صح مقضيتش معاكو وقت كبير بس حبيتكو جدا وحبيت جدعنتك وطيبتك معاهم يعم براء
مني:والله صعبان عليا ان هقعد سنه ماشوفش اخويا
ممدوح:عملت معايا مواقف جدعه كتير جدا بصراحه حبيتك فيها وهتوحشني اوي
انس:انا اللي اقنعتهم بسفرك اه بس بصراحه انا مني لله عشان مكنتش متخيل اني هتضايق وانت مسافر كدا
سلمي:احلي سلام وتحيه لزفت اللي هيوحشنااا
كلهم ضحكو
براء :والله مش عارف افرح باني هوحشكو ولا ازعل بسبب التهزيق دا كلو بس من الاخر كدا هتوحشوني ياللي. منكو لله
الشباب حضنوه والبنات سلمت عليه وهو مشي وركب الطياره وهما روحو
البنات طلعو قعدو عند ندي في الشقه لانها الوحيده اللي ساكنه لوحدها عشان يتيمه وملهاش اخوات
سلمي:هيوحشني الولا براء
ندي:اه والله علي رايك
مني:بس مخدتوش بالكو ان البت حنين متغيره اليومين دول
حنين:انا؟!..ازاي
مني:بصي يست الكل ورقه وقلم وتعالي معايا اولا كلامك معانا بقا قليل وبقيت بتصوري كل لحظه في حياتك زي الاكل مثلا وفي الغالب ماسكه الموبايل وبتسرحي كتير انتي بتطفحي فراشات بالسم الهاري من ورانا يبت
كلهم وقفو وحاوطو حنين زي ريا وسكينه :اعترفيي
حنين :اعترف باي
هما:كل حاجه
حنين:طب اقعدي يماما منك ليها وهحكيلكو
قعدو كلهم وبداو يركزو. معاها
حنين:دا كان زميلي بس من ثانوي تقريبا كنا صحاب واتقابلنا من فتره وخدنا ارقام بعض وشكلها كدا في مرحله الاستعباط
مني:كمااان!
ندي:كملي يروحي
حنين:شغال في شركه واسمه يوسف
سلمي: مش عارفه لي حساه خازوق
حنين:لا دا طيب وحنين وعسل
سلمي:انا كدا اتاكدت انه خازوق وانتي لبستيه
حنين:الله يطمنك وبعدين دا غير الكل دا حاجه كده مختلفه
ندي:اما نشوف أخرتها
سلمي:الولا اياد اتغير هو كمان زيها كدا شكله بيطفح فراشات
ندي:ايوا بقا ويبقي بدل الخازوق هيبقو اتنين في الشله
مني:بفكر احاول اجيبلكو اخر الموضوع دا
سلمي:يبقي كتر خيرك والله
مني:انا خلاص بعتت للولا عمر بقولو انا حاسه ان الولا اياد اتغير وظهر عليه اعراض الفراشات وانا فضولي هيموتني بصراحه وهو قالها هجيب لعيوني اخر الموضوع من عنيا
وبداو يتكلو ويهزرو مع بعض
.
عند الشباب كانو راحو عند القهوه
.
عمر:اياد اتغير وشكله بيطفح فراشات
محمود:واخد بالي انك بقيت لماح يعمر من ساعه ما خطبت
عمر:يابا عيب عليييك
ضحكو عليه وبداو يسكتو عشان يسمعو توضيح اياد
اياد:انا هقول عشان عارف انكو مش هتسيبوني في حالي
انس:عليك نور يصاحبي
اياد:دي بنت اتصاحبنا انا وهي يوم ما كنا في دريم بارك
محمود:اسمها اي او اي تفاصيل عنها
اياد:جني ومش بتشتغل
محمود بيغني:بارك الله لكما وبارك عليكما وجمع بينكما في خيررر
كلهم بداو يغنو ويضحكو ويهزرو وعمر بعت قال لمني وهي قالت للبنات وهما اتصدمو من الصدفه وقررو يقابلو يوسف وجني عشان يتصاحبو عليهم
.
اتجمعو بليل عالسطح
ممدوح:.......
YOU ARE READING
ثاني اكسيد الصداقه
Adventureالفضول خلاك تخش تقري عشان تحدد هتسجلها وتقراها ولا هتسبها مركونه وسط الروايات انا اه معرفش زوقك اي بس اللي اعرفه ان الروايه دي تعتبر بترضي كل الازواق دراما. كوميدي. رومانسيه. كره. فراق. مغامرات. وحجات كتير تانيه
