ثاني اكسيد الصداقه

البارت 5

عند الشباب
محمود:الو مع حضرتك محمود من شركه we اقدر اساعد حضرتك ازاي
العميل:النت مش شغال
محمود:استاذن حضرتك بس اقفل الراوتر وافتحه تاني
العميل:عملت كدا 7 مرات مفيش فايده
محمود:طب ممكن حضرتك تعملها المره ال8 معايا معلش يفندم
العميل:تصدق انكو شركه*** ****
محمود:لي الغلط. دا بس يفندم
العميل قفل في وشه
محمود بعصبيه :اهه انت يسطا حرام ام الشغلانه دي ضيعت كرامتي تماما مش كدا بقا انا اتهزقت جامد
وبعدين راح رد عالعميل اللي بعده.
.
.

عند عمر
عمر :ها يا امي السجاده كدا تمام ولا ادعكها مره كمان؟
الام:لا كدا فل انشرها بقا ويلا عشان جعت
عمر :حاضر يا امي بس ثانيه اكلم الواد براء
براء:الو مين معايا
عمر :انت مسحت رقمي!
براء:لا بس ايدي مش فاضيه فمبصتش عالاسم وانت عمر عرفتك من صوتك
عمر:ايوه كدا هي دي الصحوبيه وبعدين هو انت بتعمل اي
براء:بحشي محشي لامي
عمر:طب وحيات ابوك قولي انك زودت
براء بضحك:اتزنقت في غسل الستاير تاني ولا اي
عمر:لا في غسل السجاجيد
براء: الله يعينك طبعا معندكش وقت تطبخ ومفهم امك انك طابخ ودلوقتي بتستغل فرصه اننا الاتنين اكلنا زي بعض
عمر:حبيبي يسطا والله ربنا يخليك ليا
براء طب خلص السجاد علي ما اسوي المحشي وتعالي خدو
عمر:مش بقول مليش غيرك يحب
براء:كب يلا اخلص يخويا
.
.
.
عند انس
انس:يلا بسرعه دخلو الحاله دي العمليات وشوفي مني لو مش موجوده هاتي اي حد
الممرضه:حاضر يا دكتور حالا
راحت وجهزو العمليه وانقذو حيات المريض الحمد لله
الدكتوره امل:برافو عليك يدكتور والله انا لو مريضه مش هحب اتعالج غير معاك
انس بقرف:ماشي شكرا
سابها ومشي وهي بصت بغيظ مكانو
.
.
.
عند اياد في المعرض بتاعو
كان بيتكلم عن اخر لوحه رسمها وتفاصيلها والوقت اللي خدته منه وبتاع وبدا يتسال من الصحافه وبيرد بكل هدوء وادب و اصحابو كانو جايين عشان دا افتتاح المعرض الجديد بتاعو
الصحفي 1:حضرتك جتلنا اخبار انك بتسرق لوحك دي من حد
اياد بانفعال:احنا هنفتي لا طبعا محصلش حتي اسالو امي اهه عندكو في البيت
الصحفي 2:جتلنا اخبار ان حضرتك انفعالي ولسان حضرتك طويل جدا مع احترامي لحضرتك طبعا
اياد :لا ومع احترامك لي يعم خليهولك وتعالي اضربني بالجزمه اسهل وبعدين انت مالك ومال انفعاليتي واسلوبي دا اي الناس دي
الصحفيه 3:جالنا اخبار ان حضرتك ارتبط
اياد:لا ياما السنجله جنتله هو انا ناقص هم
الصحفيه 3:هل تقصد ان الستات هم يفندم؟
اياد:لا طبعا دا احلي من العسل بس انا مبحبش الارتباط بس ومليش خلق ليه واهدي كدا علي نفسك يماما
بعد اللقاء الصحفي اياد عمل مصيبه
وبعدين بعت علي جروب الدفعه"شباب ربنا يخليني ليكو ويحميني يا رب انا عملت مصيبه جديده"