خديجه:انتو مين؟واي الكلام دا؟ويعني اي الخميس الجاي؟واي الخميس دا اصلا؟!
ندي:اكيد بحلم اكيد اللي اتقال دا مش حقيقي
ايات:وبعدين هيتقدملي من مين دا اهلي كلهم ساكنين برا
حنين:هما بيهزرو ولا بيتكلمو بجد!!!
سلمي:يا رب يطلع كل دا حلم واطلع في الاخر رغيف عيش
كانو بيكلمو مني فيديو كول
مني:ماتبس يا بت منك ليها دا بدل ما تفرحو باللي حصل دا
ندي:نفرح اي يشيخه اتنيلي
مني:ايوه بدل منظركو وانتو مصدومين كدا حرام عليكو استغلو الوقت دا في الفرحه
سلمي:بصراحه معاكي حق
ولسه هيبداو يستوعبو ويفرحو راحت حنين اتكلم
حنين:هو فاضل قد اي عالخميس
ايات:النهارده يوم اي اصلا
خديجه:النهارده التلات!!!
حنين:نعاااام
ندي:يعني هيجو يطلوبنا بعد بكراا
ايات حطت ايديها علي راسها:هعمل اي ولا اي ينهار اسووود
خديجه:هنلحق نعمل اي ولا اي!
مني:طب اهدو طيب اهدو
حنين:وبعد ما نهدي؟
مني:النهارده خلاص اليوم خلص وبكرا انزلو جيبو هدوم وروقو الشقه وكملو ترويق بعد بكرا الصبح وخلاص
حنين:بكرا هجيب فستان صك بيج
ندي:احنا بنتكلم في اي وانتي بتتكلمي في اي
حنين ببراءه:مهو خلاص اتتدبسنا واتحطينا قدام الامر الواقع نعمل اي طيب
سلمي:معاكي حق انا قررت هلبس فستان اسود
خديجه:وانا هلبس فستان لونو روز
ايات:هجيب فستان سماوي
مني:برافو عليكو والشباب هيجيبو بدل
حنين:طب هو كل واحد هيجي لكل واحده لوحدو يعني هيبقي كلو في وقت واحد
مني:الله ينور عليكي يا نينو
مني قفلت معاهم وهمت راحو ينامو عشان يجهزو لتاني يوم
تاني يوم البنات راحو الشغل وجم بليل نزلو اتمشو وجابو الفساتين وروحو قاسوهم وطلع شكلها عليهم حلو اوي وبعدين روحو وبداو يتكلمو عن الميكب واليوم هيبقي عامل ازاي والشباب جابو بدل والورد والشوكولاته واتفقو علي كل حاجه
وروحو نامو وتاني يوم خلصو ترويق وكل الشباب راحو لاهل البنات وممدوح راح طلب ندي من اهل مني وسلمي وبقت العماره كلها زغاريط بقا وطلعو كلهم احتفلو عالسطح
والكل اتفق علي مواعيد الفرح وقررو ان كلهم هيعملو فرح واحد في اكبر قاعه موجوده واتفقو هيخرجو كلهم تاني يوم
.
تاني يوم
.
عند اياد وحنين
اياد:تعالي اجيبلك شوكولاته
حنين:مبحبهاش
اياد:طب تعالي اجيبلك ايس كريم
حنين:مبحبوش
اياد:طب تعالي اجيبلك عصير
حنين:اهو دا بقا برضو مبحبوش للاسف
اياد:اي يربي حظي دا وقعت في واحده مبتحبش اي حاجه!
حنين:اقولك بحب اي؟
اياد:قولي
حنين:بحب الملاهي والمصاصات
اياد:اي يربي دا مصاحب طفله!
حنين:هتيجي ولا اروح لوحدي؟
اياد:هاجي وامري لله
راحو عالملاهي يلعبو هناك
.
عند انس وسلمي
.
لا دول بقا مكانوش بيعملو حاجه غير انهم بيجربو اكلات جديده كتير
.
عند محمود وخديجه
.
محمود:حلو المطعم؟
خديجه:جدا
محمود:طب كويس انه عجبك
خديجه:اي حاجه منك حلوه
محمود:والله العظيم انتي عجباني من زمان
خديجه اتكسفت وحطت وشها في الارض
خديجه:انت حبيتني لي؟
محمود:عشان الوحيده اللي حسيتها شبهي وعلي طبيعيتها كدا وجدعه وكويسه
خديجه:الكلام دا من قلبك؟
محمود:من اعماق اعماق قلبي والله
خديجه ضحكت وبداو يتكلمو في مواضيع تانيه
.
عند ممدوح وندي
.
ممدوح:بحبك
ندي:الهي تنستر يشيخ
ممدوح:افندم؟
ندي:الهي تنستر تنستررر
ممدوح:طب وحشتيني
ندي:الله يخليك والله ويجبر بخاطرك
ممدوح:قومي غوري من وشي
ندي:لي بس
ممدوح: وبتسالي كمان يبجحهه!
ندي:معلش بقا استحملني انا مش قد الكلام دا
ممدوح:هو انا هعمل اي غير اني استحمل واشيلك فوق راسي ينن عيني
ندي وشها بقي لونو احمر:الهي يخهليلك عيالك يا اخي ويعمر بيتك
ممدوح:يخليلي عيالي؟ويعمر بيتي؟ لا دا كدا شكلي هتعب معاكي بجد
ندي:مش قولتلك!
ممدوح:بس فداكي يروح قلبي
ندي:يعم قولنا احنا مش قدك خلاص بقا تعبتني معاك
ممدوح:والله انتي اللي تعباني من اول ما دخلتي حياتي
ندي:هقوم امشي والله
ممدوح:لا وعلي اي انا هكلمك بلغتك
ندي:قول
ممدوح:احلي مسا عليك يصاحبييي
ندي:عمي وعم عيالييي
ممدوح مسكها من قفاها :عم عيالك ازاي يمتخلفه عيالك دول هيبقو مني انا
ندي:طب صلي عالنبي يصاحبي بنهزر مش كدا
ممدوح:متهزريش معايا بالشكل دااا
ندي:يعم حاضر خلاص
بداو يتكلمو بطريقتها وكل شويه يوترها ويخضها بكلمتين حلوين وهي تسكت ومتلاقيش رد فتحرق دمه بدعوه حلوه
.
عند براء وايات
.
كانو قاعدين كل شويه براء يفتح مواضيع وايات تقفلها
براء:انتي بتقفلي معايا كلام لي؟
ايات:عايز من ابو اخر
براء:ياريت
ايات:مش عاوزه اعلقك بيا ولا اتعلق بيك
براء:لي
ايات:عشان مش عاوزه احس الاحساس دا تاني ولا اخلي غيري يحسو
براء: جربيني ولو حصلت مني تاني اعملي فيا اللي تعوزيه ميهمكيش
ايات:محدش هيتاذي غيري
براء:ايات انا عشقتك من اول ما شوفتك فلو حد هيتاذي مش هيبقي حد غيري واسالي عني اي حد عن قد اي كنت كارهه الحب والارتباط ومحدش وقعني علي بوزي غيرك
ايات:ماشي هديك فرصه اما نشوف اخرتها
براء فرح وبدا يفتح مواضيع ويتكلمو ويتعرفو علي بعض اكتر
.
بعد شهرين
.
مني وعمر رجعو من السفر وراحو عالبيت ومحدش كان يعرف انهم راجعين ففاجئوهم
طلعو عالسطح وقعدو مع بعض لغايه ما بقيت الشله طلعتلهم واتفاجئو......
YOU ARE READING
ثاني اكسيد الصداقه
Adventureالفضول خلاك تخش تقري عشان تحدد هتسجلها وتقراها ولا هتسبها مركونه وسط الروايات انا اه معرفش زوقك اي بس اللي اعرفه ان الروايه دي تعتبر بترضي كل الازواق دراما. كوميدي. رومانسيه. كره. فراق. مغامرات. وحجات كتير تانيه
