محمود:ايدا في اي
خديجه:مالك يا بت يا ايات انتي تعرفيه؟
انس:ياض يا براء مالك بلمت كدا لي
هما خدو براء علي جمب وخديجه خدت ايات علي جمب تاني
براء:فاكرين الدكتوره اللي حكيتلكو عنها؟
مني:مالها
براء:هي دي
ندي:يخراشي دا البت زي القمر
عمر:وقعت واقع يسطا
مني خبطته في كتفه وبصتله بشر
عمر:مهما قلت انتي اللي القلب يا بت
مني:ثبتني انت كدا
عمر:اه
مني:ماشي يعم خلاص خلينات في الواد
براء:لا كتر خيركو والله
عمر:حبيبي يا اخويا
خديجه:في اي يبت
آيات :فاكره الواد اللي خبطته وحكيتلك عنه
خديجه:اه وقولتيلي انك معجبه بيه بس مش عاوزه تديلو فرصه وتقعي علي دماغك تاني
ايات:ايوه الواد دا بقا يبقي هو اللي بتقولو عليه براء دا
خديجه:دانتي ربنا رزقك باحن واطيب واحد في الشله وقعتي واقفه يبنت اللذينه
ايات:مش هكرر الغلط وادي حد فرصه كفايه اوي الدمار اللي اتعرضتلو
خديجه:مسمعتيهوش بيكلمنا عنك ازاي من يوم الحادثه
ايات:كلمكو عني؟ لا اكيد اعجب بشكلي او اسلوبي او عاوز يلعب
خديجه:براء مش بتاع لعب ببنات الناس لا هو عينو عليكي ويتمنالك الرضا ترضي
ايات:بس انا مش حمل صدمات تاني والله
خديجه:سيبيها علي الله واتعاملي معاهم كلهم عادي
ايات:حاضر
اتجمعو تاني وخديجه عرفت الكل علي ايات وسلمو علي بعض وقعدو كلهم مع بعض يضحكو ويهزرو وبليل روحو
.
في بيت خديجه
.
ايات:ديجه
خديجه:اي يحبي
ايات:علي فكره انس بيحب سلمي وعمر بيموت في مني وممدوح بيحب ندي واياد بيحب حنين واهم حاجه ان محمود بيحب خديجه
خديجه:خديجه مين ومحمود مين وانتي مين اصلا واي اللي جابني هنا
ايات :يخربيتك هموت من الضحك
خديجة:لا اكيد متهيالك
ايات:يعني عرفت كل دول لوحدي وجايه في دي واغلط؟ يبت عيب عليكي دانا دارسه علم نفس
خديجه:اه واي كمان
ايات:هيعترفلك قريب عشان هيتجنن لما تهزري مع حد من الشباب
خديجه: لا لا اكيد شفقه
ايات:نهائي علي فكره شكلو فخور بيكي جدا كمان
خديجه:طب يلا يلا نروح ننام عندي شغل بكرا. وانتي هتروحي تدوريلك علي شغل
ايات:طب يلا يختي تصبحي علي خير
.
تاني يوم الكل صحي راح شغله ورجعو جهزو حجات الفرح عشان فاضل عليه يومين وهما معملوش اي حاجه غير انهم حجزو القاعه وعزمو الناس
البنات راحت تجيب الفساتين والشباب راحو يجيبو البدل وبعدها طلعو كلهم يشطبو الشقه بتاعت عمر ومني واتجمعو عالسطح بليل يقعدو شويه قبل ما ينامو وعمر جمعهم غصب
سلمي:حرام عليك هموت وانام
انس:اخلص قول عاوز اي
عمر:مش عاجبني فتره استهبالكو دي بصراحه بدات ازهق
الشباب ابتدو يفهمو ويبرقولو انه يسكت
عمر: بالصلاه عالنبي كدا
كلهم:عليه الصلاه والسلام
عمر:سلمي الواد انس بيحبك وانتي يا ندي ممدوح بيحبك وانتي يا حنين اياد خرا بيحبك والبت خديجه الواد محمود العبيط بيحبها والواد براء بيحب ايات وانا بموت في مني حبيبه قلبي رمن الاخر احنا بقينا شله كابلز بس اغلبنا عاملين عبط وانا عملت كل دا عشان لما تيجي فقره رقص السلو نكون كلنا بنرقص وعارفين الحقيقه ونخلص بقاا
البنات كانت باصه بصدمه والولاد كانو عاوزين يرمو نفسهم من فوق السطح
مني كانت هتموت علي نفسها من الضحك هي وعمر وبعدين خدت البنات ونزلت تحت وعمر قعد مع الشباب عالسطح
البنات نزلت قعدو يضحكو من الصدمه عشان اغلبهم مكانش مستوعب وايات كانت رافضه وحنين مكانتش مصدقه وخديجة خايفه
مني:كل واحده فيكو انتو التلاته تقولي هي حاسه باي
آيات :خايفه اعيش تجربه جربتها قبل كدا ودمرتني
حنين:بيحبني ازاي دا مش بيبطل خناق معايا
خديجه:خايفه تطلع شفقه مش حب
مني:براء عمره ما هيلعب بيكي بالعكس عمل كل دا عشان هيموت عليكي فعلا واياد لو مش بيحبك كان هيخلي اي شاب يجي يتقدم لاهلك ويهددهم ويخلصهم من موضوع العريس دا ومكانش هيروح هو ومحمود بعيد عنك يشيخه هو محدش بيصعب عليه دا معندوش دم لما كنا في المستشفي وهو اول مره يخشها جه قعد ياكل ايس كريم واحنا كنا عند العمليات
البنات بصولها بتفهم وسكتو
عند الشباب كانو ماسكين عمر من رقبته
عمر:اي يجدعان صلو عالنبي بس هنتفاهم
محمود:منك لله يشيخ
براء:دانا لسه متعرف عالبت ملحقتش حتيي
عمر:بس ريحتكو من هتعترفولهم ازاي
انس:بس خليتنا شكلنا وحش
ممدوح:انا اعترفتلها قبل كدا بس برضو منك لله يعمر
عمر:لي
ممدوح:احتياطي
عمر:غور ياض
عمر للكل:المهم ان الكلمتين اتقالو واللي حصل حصل ولازم كل واحد يبقي قد الكلام دا
براء:دا اكيد يبني بس يلا غور وانا مش عارف هنام ازاي بعد اللي حصل دا
عمر:نام زي كل يوم يعم دانت بتسال اساله غريبه
براء قلع اللي في رجله ورماه في عمر
عمر:لي يعم كدا
براء:هاتو تاني بيقا عشان انزل انام
عمر رماه من عالسطح راح براء قلع الناحيه التانيه ورماه بيه وسابو ونزل ينام وكلهم نزلو ينامو برضو والبنات برضو راحو ينامو وعمر ومني قعدو مع بعض عالتليفون وقعد يضحكو عاللي حصل دا وبعدين نامو
.
تاني يوم....
YOU ARE READING
ثاني اكسيد الصداقه
Adventureالفضول خلاك تخش تقري عشان تحدد هتسجلها وتقراها ولا هتسبها مركونه وسط الروايات انا اه معرفش زوقك اي بس اللي اعرفه ان الروايه دي تعتبر بترضي كل الازواق دراما. كوميدي. رومانسيه. كره. فراق. مغامرات. وحجات كتير تانيه
