عمر راح لمني المطبخ وبدا يتسحب عشان هي متحسش بيه وهي كانت بدات تسخن الميه عشان تعمل الاندومي وعمر همس في ودنها وقالها بحبك
ندي اتخضت فحدفت عليه الميه اللي كانت عالنار
ندي بخضه:احيه!
عمر:يبنت المجنونه!!!
ندي:والله مقصد وبعدين هو في حد يخض حد كدا برضو!
عمر:قلت ابقي كريتيف
براء جه علي صوتهم العالي ومني حكتله وكانت كل دا مش مستوعبه الكلمه اللي عمر قالها
براء:الله يحرقك يشيخ
عمر:مش انت اللي قولتلي فاجئها؟!
مني:انت اللي قولتلو يعمل كدا يبراء!!!
براء:فاجئها يعني اندهها واقف علي ركبتك واديها الخاتم وقولها مقولتش جيبلها صرع انا!
مني بعد ما استوعبت سكتت مع انها كانت لسه هتتكلم وفضلت باصه في الفراغ شويه وهما مصدومين من رده فعلها
مني بتوهان:هو انت قولت اي لما جيت خضيتني؟
عمر مسك ايديها ووقف علي ركبه واحده وقالها:بحبك يا مني
مني كانت هتطير من الفرحه بس معرفتش ترد
عمر وقف تاني:اي مفيش رد ولا اي
مني :ربنا يخليك يسطا
بصو بصدمه ليها وبراء كان هيقع من كتر الضحك وعمر بدات تجيلو اعراض جلطه
عمر:بتقولي اي يعنيا؟!
مني:اي يسطا مانت متتخيلش اني هقولها
عمر:طب هسالك سوال
مني:اتفضل
عمر:معتبراني اخوكي؟
مني:لا
عمر بفرحه:بس كدا انا مرضي يا رب ونحمد ربنا علي كدا
عمر سجد سجده شكر لله في نفس الوقت اللي بقيت الشله دخلت عليهم فيه
ممدوح:اي يصاحبي مالك؟
براء:الولا بيطفح فراشات
حنين:خيانهههه
محمود:خيانه لاي؟
حنين:خيانه للشله ازاي احنا منعرفش وازاي يكون هو اول واحد يطفح فراشات في الشله كان. المفروض يكون انا
انس:انتي ازاي وانتي كل يوم تكراشيلنا علي حد شكل؟
حنين:اقنعتني الصراحه
ندي:بس انت وهي وانتي يا مني فهمينا في اي
مني سابتهم ودخلت تعمل اندومي ليها تاني
سلمي:طب قول انت يا براء
براء كان واقع من كتر الضحك فمكانش قادر يتكلم
اياد:ماتخلص يبتاع منك ليها وفهمونا وانت يا عمر الزفت ما تخلصنا وتحكي او انت يا براء
براء حكالهم وهما اتصدمو بس فرحو جدا ليهم وباركو ليهم وقررو يخرجو كلهم بعد ما عمر يكلم ام مني النهارده بعد الفرح
.
بعد الفرح ما خلص الشباب طلعو يلبسو علي اساس انهم اصحاب العريس والبنات طلعو علي اساس انهم اصحاب العروسه وان الشباب والبنات ميعرفوش بعض والاهالي نفس الكلام وعمر خد مامتو واصحابو في المعاد وطلعو لام مني ومعاهم الورد والفاكهه والشوكولاته وعلبه مصاصات عشان مني بتحبها هي والبنات
عند البنات فكانو جاهزين كلهم فاول ما الباب خبط راح. ابو مني يفتح الباب لعمر ويرحب بيه ويدخلو هو واصحابو واتجمعو كلهم في الصاله ما عدا مني
ابو مني(سيد):اهلا وسهلا احب اتعرف بيك يا عريس
عمر:انا اسمي عمر خريج كليه هندسه وشغال في الشركه اللي شغاله فيها استاذه سلمي
سيد:وعرفت بنتي منين
عمر:يعني شفتها مره كانت جايه تدي الاستاذه سلمي حاجه وكمان هي ساكنه معانا في العماره معانا فانا عارف اخلاقها وانها محترمه وكويسه جدا
سيد:طب إديني فرصه اخد راي العروسه واسال عنك كمان
عمر:معاك وقتك يعمي براحتك
ام عمر:فين بقا العروسه يختي عاوزين نشوفها
ام مني راحت تنده مني وهي دخلت بالشربات وكانت زي القمر
قعدو كلهم ضحكو وهزرو بعد كده عمر واهله واصحابو مشيو وكلهم غيرو هدومهم وطلعو عالسطح
كانو ميتين من الضحك
مني:انا اول مره في حياتي اشوفكو محترمين اقسم بالله
محمود:قصدك اي يعني!
ندي:لا بس بصراحه شكلنا كان جامد النهارده
ممدوح:عشان تعرفو اني مش اي حد برضو
كلهم قعدو يضحكو ويهزرو
حنين:استنو اقولكو خبر يفرحكو
سلمي:ايوا بقا فرحينا كمان وكمان
حنين:انا اشتريت الشقه اللي قدامكو. بدل المرمطه دي
كلهم فرحو والبنات حضنو بعض جامد واتصورو كلهم
عمر:ياتري هنزل اشتري للقمر بتاعتي الشبكه امتي
مني:اسال امي
عمر:ايدا؟!
مني:يعم معلش استحملني انا مبعرفش ارد وبعدين فعلا اسال امي
عمر:حسبي الله ربنا ينتقم مني انا اللي تنقيتي كدا
مني:مالك يعنيا؟!
عمر:حبيبت قلبي ولا حاجه يكبير
الشباب والبنات كانو ميتين من الضحك علي منظر عمر
براء:......
YOU ARE READING
ثاني اكسيد الصداقه
Pertualanganالفضول خلاك تخش تقري عشان تحدد هتسجلها وتقراها ولا هتسبها مركونه وسط الروايات انا اه معرفش زوقك اي بس اللي اعرفه ان الروايه دي تعتبر بترضي كل الازواق دراما. كوميدي. رومانسيه. كره. فراق. مغامرات. وحجات كتير تانيه
