ثاني اكسيد الصداقه

البارت10

محمود: بصي هو كان عادي بالنسبالنا بس حصل موقف غريب
سلمي:قولو

Flash back ...

كانو قاعدين عادي وفجاءه جت مكالمه لحسام وبعد شويه عشان يتكلم بس كان في حد منهم كان مركز معاه
حسام:اي يحببتي ..لا انا في الشركه مش موجود النهارده.. معلش في موظفين كتير تحت ايدي وبيستشيروني في حجات كتير مينفعش اسيبهم انا من غيري الشركه تضيع
خلص المكالمه ورجع
انس:حسام هو انت بتشتغل اي اصلا
حسام:محاسب في شركه
انس:في حد بيشتغل تحت ايدك طيب؟
حسام:لا
انس:انت بتكلم مين أصلا
حسام:واحد صاحبي
انس:تماام

End flash back

مني: طب يعني طلع كداب وخاين!
ندي: هنعمل اي؟
سلمي: هنديلو فرصه كمان وهنفهم اي دنيتو وعاوزه حد من الشباب يقرب منه جامد ويبقو صحاب برا الشله
اياد: عاوزه مين فينا
سلمي: مين كان بيكلمو كتير فيكو وحسيتو انه مرتاحلو؟
براء: كان مرتاح لعمر اكتر حد فينا
سلمى :خلاص قرب منه ومن حياته اكتر يا عمر
عمر: تمام
كلهم كانو بيوافقو علي اي حاجه هي بتقولها عشان كانت صعبانه عليهم لان دا اول حد هي تديلو فرصه
.
في المستشفى
.
مني كانت بتتكلم مع طلاب التمريض وبتحكيلهم انها كانت زيهم في يوم من الايام وتعبت عشان توصل للي هي فيه دلوقتي وكانت بتشجعهم وهما كانو مركزين معاها وبعدين الكل قام يشتغل وهي راحت تفطر عشان اتشغلت في الشغل وقعدت يومين من غير اكل بس انس دخل ليها وقالها انه عاوزها
انس: مني انا عاوزك
مني: عاوز مني اللي في الشغل ولا عاوز تتكلم في حاجه برا الشغل
انس: لا برا الشغل بس ضروري قبل ما يجيلي شغل
مني: طب هاكل واجيلك
انس: لا مش لازم. تاكلي تعالي يلا
مني: بقالي يومين مكلتش يابن المفتريه وانت مقضيها اكل ارحمني انا
انس: تعالي وهجيبلك شاورما
مني:طب اذا كان كدا ماشي بدل الفول والطعميه اللي كنت هطفحه
انس:يلا يستي اي خدمه
مني: خلاص يعم هتذلني ولا اي يلا قدامي علي مكتبك
انس:طب يستي خلاص متزقييش
مني: انا مش هضربك بس احتراما للشاورما اللي هتجيبهالي ولو خليت امك تعملي ورق عنب اما ارجع من المستشفي هتشقلبلك هنا عادي جدا
انس: يلا يبت انتي وهخليها تعملك اللي انتي عوزاه
مني:اشطه يلاا بينا
مني سبقته وجريت عالمكتب هناك
انس بضحك: يبنت العبيطهه
راح المكتب وقعد وكان باين عليه انه بيفكر في حاجه وشغلاه جامد
انس:بصي يا مني انا عاوز اكلمك في حاجه بس م عاوز تطلع برا
مني:مالك ياض وبعدين م امتي وانا بطلع سرك برا
انس:طيب تعالي ندردش الاول مثلا اي رايك في حسام عريس سلمي عشان عاوز البس بدله بصراحه
كان بيتكلم بهزار ومش باين عليه حاجه بس مني فهمت هو عاوزها في اي
مني: انس انت بتحب سلمي صح؟
انس بصلها وسكت وهز راسه بمعني لا
مني: متكدبش عليا دانا حفظاك ياض انت بتحبها ومن زمان كمان
انس:عرفتي منين وانا مش مبين دا خالص
مني:تقدر تقول عشان انا دارسه علم نفس ولغه عيون ولغه جسد فانا فاهمه والاهم من دا كلو اني حفظاك ياض داحنا بقالنا سنين بنتقابل كل يوم طول ماحنا في الشغل او مع الشله ومخبي عليا وساكته دانا عاوزه اديك بالجزمة
انس: طب اعمل اي
مني اول مره تشوفو بالحاله دي بصته ليها كانه مستني منها اي حبل ينقذه مثلا عشان ينهي الجوازه دي
مني: بص احنا نشوف اخره العريس دا ونشوف عمر هيعمل اي معاه عشان مينفعش انك تعترفلها وهي مع حد تاني العيب هيبقي عليك انت ساعتها
انس: وافرضي وافقت
مني:انا عارفه سلمي العريس دا مش داخل دماغها لولا كدا مكانتش دخلتنا بينهم عشان تثبت لنفسها انه مش كويس واول اثبات انها متاثرتش لما قولتولها عالموقف اللي يثبت انه كداب وخاين كمان
انس بدا يطمن
مني :يسطا متخافش ان اتجوزته هتموتهالك عشان هي متستاهلش حب جحش زيك
انس قلع الجزمه وكان بيجري وراها في المكتب
انس:وربنا لاوريكي يا علبه الكانز انتي
مني:يسطا صلي عالنبي مش كدا مانت كنت طيب من خمس دقايق
انس: لغايه ما حرقتي دمي ياللي منك لله
مني: طب فين الشاوما طيب بقولك بقالي يومين مكلتش كدا هيغمي عليا في مكتبك ودي هتبقي وحشه في حقك انت وسط المستشفى كلها
انس سكت وطلبلها الشاورما واداهالها وطردها من مكتبه وهي كانت بتضحك وتقولو م مهم المهم الشاورما يصاحبي
وراحت تاكل
.
بعد كام يوم كانو متجمعين
.
سلمي:عملت اي يعمر
عمر: قربت منه زي مانتو عاوزين
سلمي:وطلع اي
عمر:.......