Something Wonderful (Complete)

Chapter Eight

HERMI STAYED WITH her. Zoe was too caught up in her grief but she didn't forget that Hermi had been with her the whole time she bawled her eyes out. Banayad nitong hinaplos-haplos ang kanyang likuran at buhok. He was comforting her and she let him. She felt as though she didn't deserve that but she still let him. She was selfish like that.

Nang sa wakas ay nakalma niya ang sarili, hinarap niya si Hermi. "I'm so sorry," sabi uli niya.

"Sshhh. Enough of that." Tumayo ang binata. Inakala niya na iiwan na siya nito sa kanyang silid pero tinungo nito ang kanyang banyo. Pagbalik nito ay may tangan-tangan na itong bimpo.

She almost cried again when he gently wipe her face. Kailangan na talaga niyang tumahan. She couldn't break down again and again. Patuloy lang maaawa sa kanya si Hermi.

Kinuha niya mula kay Hermi ang bimpo at siya na ang tumapos sa ginagawa nito. Naupo siya at isinandal ang sarili sa headboard. Inabutan siya nito ng bottled water pagkatapos na tinanggap niya. Nakaramdam siya nang kaunting ginhawa.

Sa loob ng ilang sandali ay inisip niya kung paano siya magsisimula. Parang hindi niya mahagilap ang mga akmang salita. Sa bandang huli ay nagpasya siyang maging tapat. "I was pregnant."

Tumango si Hermi. "And it was mine?"

"It was yours. I... I don't know how..." Napailing-iling siya. Hindi siya nagiging tapat. She knew how that happened. "I didn't think it was possible. We used condoms."

"Hindi kaagad. I... I forgot about it."

Tumango si Zoe. It was a short window but his sperm reached her egg in time.

"I used to be on pill," aniya sa munting tinig. "Pero napansin ko na nagge-gain ako ng weight at nagkakaroon ng breakout sa bagong prescription kaya naman tumigil ako. I had to shoot abroad for a TV series. I had to look good. I had been so busy na palagi kong naika-cancel ang pagpunta sa doktor para magkaroon ng another prescription. I didn't think it was important dahil hindi naman ako sexually active. Kahit na noong kami pa ni Chase. I also don't do that... the one-night thing..."

Hinawakan ni Hermi ang kanyang kamay at banayad na pinisil.

"I was too focused on looking good in front of the camera."

"That's a huge part of your job," anito sa banayad na tinig.

Pero kung hindi sana siya naka-focus sa panlabas na hitsura, wala sana sila sa sitwasyon na ito.

"Are you blaming yourself, Zoe? Dahil mas may kasalanan ako kung tutuusin talaga. Naging pabaya ako sa proteksiyon."

May punto si Hermi. Siguro ay tama ang anumang sinasabi nito. Pero sa kabila ng mahirap na sitwasyon, hindi niya magawang ganap na pagsisihan ang nangyari sa kanila nang gabing iyon.

"I'm blaming myself dahil naging pabaya ako," sabi ni Zoe. Hindi na siya makatingin kay Hermi sa pagkakataon na iyon.

"You can't—"

"I can," giit ni Zoe. "I can blame myself because it's truly my fault that I'm not pregnant anymore."

"Paano? Ipaliwanag mo sa akin at saka ako magpapasya."

Tumango si Zoe at iyon nga ang kanyang ginawa. "I have a cosmetics company kung hindi mo pa alam ang tungkol sa bagay na iyon. I own the company one hundred percent. I love makeups. I know a lot about makeup. Alam ko na hindi naman palaging may trabaho for me. Alam ko na darating din ang araw na tutumal ang offers at kailangan kong i-invest kahit na paano ang pera ko. Well, isa ring dahilan ay nagkaroon ako sa wakas ng free reign sa pera ko. Medyo tomodo ako sa loob ng anim na buwan. Walang humpay na gastos. I blew off a huge chunk of my money. I felt bad when I saw the numbers. Hindi ko iyon nagawa noon at parang hindi ako mapakali. Parang natatakot ako na hindi ko makontrol ang paggastos ko at baka mawala ang lahat ng pinaghirapan ko in no time at all."