Good little boy

4

Сургууль даяараа л шинэхэн ховыг уралдаж ярьцгаах бөгөөд хүн бүр өөр өөрийн таамгыг үнэн зөв гэж мэтгэлцэж байв. Хэдхэн цагийн өмнө болсон И Хисын болон Ян Жонвон нарын зодоон одоо багш нарын зөвлөлийн хурлаар ороод байгаа аж.

" И Хисын чиний юу юм? Яагаад асран хамгаалагчаар нь чамайг дуудаад байгаа юм? "

Жэй багш нарын өрөөнд дуудагдсан ч бөгс өндийхгүй гүрийж суух шаргал үстээс асуухад нөгөөх нь хөмсгөө зангидаж суухаас өөр хариу үйлдэл үзүүлсэнгүй. Удаа дараа утас нь дуугарч хүүхдүүд ээлжлэн ирж түүнийг дуудах ч Жэюүнд Хисыний төлөө очиж загнуулах ямар ч хүсэл байхгүй байлаа.

Сонхүн: И Хисын чиний үеэл юм уу?

Жэюүн: Үгүй ээ. Ээжийн найзын хүүхэд. Надаас ах болохоор миний асран хамгаалагчаар ирсэн юм.

Сонхүн: Тэгэхээр энд та хоёр л хоёр биендээ анхаарал тавих ёстой байх нь ээ

Жэюүн: Үгүй. Бид хоёр харин ч хол байх ёстой.

Жэюүн улам л уцаартай царайлан суухад Жэй толгой сэгсрэн " Хэнд нь хариулаад хэнд нь хариулдаггүй юм" хэмээн үгэлнэ.

" Юуг нь гайхаад байгаа юм бэ. Иймд нь хариулаад, тиймд нь хариулдаггүй юм! "

Сонү гартаа барьсан жижигхэн толиндоо тэдний дүрсийг ойлгон хэлэх бөгөөд хоолны зааланд болсон зодооныг зохицуулах гэж ороод Хисыний нударгад чангахан гусуулсан шанаагаа илэн ярвайна. Сонү заримдаа Чэвоныг хэн ч биш байсан ч болоосой гэж хүсдэг зуршлаараа битүүхэн гомдоллох мөртлөө өөрийгөө ийм царайлаг байхад эгч нь ч мөн алдартай байх нь аргагүй гэж нэг бодож тайтгарна.

" Ким Чэвон гэж яадаг эмэгтэй болохоороо ийм алдартай юм? "

Жэюүн гэнэт л нухацтай асуухад Сонү хоёр гараа эрүүн доороо байрлуулан " Миний эгч болохоор! " гэвэл Жэй " Халуухан болохоор " хэмээн уруулаа долоосоор нэмэрлэв. Гэвч Жэюүнд Сонхүны хэлсэн шалтгаан л гойд туссан юм.

Сонхүн: Эрчүүдийн хүсдэг охин.

Жэюүн: Эрчүүд ямар охин хүсдэг юм?

Сонхүн: Түүн шиг охиныг.

Жэюүн: Тэр ямар охин юм?

Сонхүн: Эрчүүдийн хүсдэг охин.

Жэюүн: Новш гэж!

Жэюүн өөрөөр нь даажигнаад байсанд уурлан ширээ цохиод босоход тэд түүний түргэн занг шоолон инээнэ.