حبٌ بعد طلاق💏

فصل العاشر

رودينة:كيفاش شنو غنديرو؟!تدار ليك...
ادم:واش مبانش ليك بلي كاينة نموسية وحدة او الأرض لا فراش نفرشوه لا والو..
رودينة: نتا سبابي فعذابي...
ادم:لحقيقة منهار تلاقيتك مشفت ربح..
رودينة:اوفف دبا شنو غنديرو اه لقييتها لحمد الله كاينة بليزتي جمعاتها ليا ماما انا غنمشي نجبد شي حاجة نلبسها أو نتا اضور وجهك لحيط...
ادم:مبغيتش اصلا حتى نشوف هادا آخر همي..
رودينة:تانا داكشي لي كَلت..
حلييت لبليزة أو كانت صدمة ثلاثية الأبعاد ملي لقيت  شوميزات على أشكال أو بالوان مكاين لا شورت لا والو وخا فيك أ ماما بغيتي تشوهيني..
ادم:سليتي؟
رودينة:باقي وياااك ضور وجهك!!
ادم:أوى سربي..
لبست واحد شوميز بلخضر عل  أقل هو مااشي لون معيق..
لبستو أو مشيت جريييت ليزار أو لويتو عليا
ادم:حماقيتي؟؟؟
رودينة:ف..فين جاي؟؟
ادم:كيفاش فين جاي جاي نعس
رودينة:أاايوة بعد لهيه تقرب ليا نغوت..
ادم:امم بلاتي نفكر شنو غتكَولي...اممم ماما ختاصبني راجلي ههههه
خرجت عينيا حتى آخر
ادم: غير كنضحك معاك فيننن بغيتيني نعس مثلا ..
رودينة:رآه الأرض بلاتي نعطيك المخدة
ادم:شناهوا
رودينة: اخويا ضبر راسك موهيم أنا دبا غننعس حيت فيا نعاس ..
ادم:ياما حتى انا أنا غننعس هنايا ولا مغينعس حنا واحد
رودينة:نعس ولاكن بشرط بغيت مدير هاد لمخايد هنا او ويااك تجاوز لحد ديالك....
ادم: صافي راه فهمنا ...
ضرت جيها اخرى حييت هو ضاير لجيهة ديالي..
فقت على واحد تقل فوق مني او انا كنحس بلعضام ديالي تهرسو...
لقيت المنحرف ديال آدم ماد  علي يديه رجليه   أو متكي عليا ...
رودينة:اي اي واش هبيل نوووووووووووووض...
غوتت ليه فوذنو يا الله ناض كيتكسل ...
ادم: اش واقع هنا ...
و انا كنت ناسيا راسي محيدا ليزار او كَالسة غير بشوميز...
رودينة:راه نتا لي لقيتك حاط عليا كَاع تقل ديالك واش منيتك ...
ادم:(ضحك او كَال) يصحاب ليا مخدة...
او لفاهم يفهم انا مركَت منين شتو فين كيشوف المنحرف لاخر...
تغطيت بليزار او انا غنتفركَرع بلحشمة...
لويت عليا ليزار ..
او انا نسمع شي دقاان فلباب شفت ساعة لقيتها
يلاه07:01
شكون هادا لي كيدق فهاد لوقت..
طليت او بينت غير وجهي
لقيتها ماما
ماما: صباح نور عرسانا جداد اوى كيفاش صبحتو نعستو ولا والو 
انا شفت فمامااو انا كَالسة نتحلف فيها
شوهاتني..
رودينة:ماما غنلبس حوايجي و غنجي ..
ماما:واخا ابنتي
لبست واحد لقميص بلبيض مع بليغة حتى هي بيضة او درت شوية دلماكياج او شديت جوج خصيلات لقداميين او شديتهم بقراصة صغيرة حييت شعري قصير جاني كيوت..
او ادم لبس جبدور بكَري جاه هو هاداك ليشوفنا يگول كوبل حقيقي صاافي
اوى معا دخلنا كولشي ستقبلنا بصلاة و سلام على رسول الله مشيت سلمت على ناس كولشي فرحان أو كيبارك ليا أو حتى واحد ملمح على زواجي سابق ولو بكلمة بقينا هاكاك كلينا أو شربنا أو شطحنا كولشي درناه حتى تعاشات لعشية أو كولشي طاح كاااو
حليت عينيا لقيت بلاصتو حدايا خاوية عرفتو فاق قبل مني حليت تليفون ديالي لقيت يالاه 08:00Am
نضت بزربة من فراشي قاديتو من بعد توجهت لحمام فركت مزيااان لحمي أو نشفت شعري بشيشوار درت كوبدشوڤال و خرجت جوج خصيلات قداميين درت ميكاب خفيف او لبست دراعية بالبيض أو صنيضيلاة حادرة بالبيض حتى هي رشيت ريحة شوية أو توجهت لخارج...
كيف توقعت كان كولشي فايق أو مقاد خاصاهم غير أنا فطرنا أو رجعت لبيت تاني من بعد معيطت لزينب...
شوية أو بالية جاي أو أنا نجمع الوقفة باش نبدى مناقشة جديدة معاه ..
رودينة:لي شافك حاكا ضحكة من الودن تال الودن يسحابليه بلي نتى فرحان لهاتشي
ادم:ياكما بغيتيني نعبس فوجاه ناس
رودينة :لا اسيدي عبّس غير فوجهي أنا بغيت نرجع لمدينة حيت بغيت نرجع لروتيني بيدمان نحلوا هاد لمصايب ..
ادم:ختي نساولك نتي
حمرت فيه و مشيت خرجت من لبيت حيت الهدرة معاه بلا فائدة!
دازت ليام أو رجعت أنا و ادم أو عائلتو لفين كنا أو من بعد نظرنا سبّة بشهر العسل او گلنا ليهم بلي حنا بغينا نرجع أو نسافرو لشي مدينة أو نرجعو من بعد سيمانة بطبعت الحال هاتشي كان غير كدوب لمهم  رجعت كيف كنت لمطعم أنا و ادم بطبعت حال مكناش فدار وحدة كل واحد فجيهة وعاد ادم مبقاش كيسكن حدايا هناني... دازو شي جوجل سيماانات على مجية ديالي واحد نهار خرجت باش نتقدى أو خليت تيليفون فدار كيتشارجا رجعت متقلة حطيت تقديا فلكوزينة أو مشيت نرد نفس بالي تليفون كيصوني بانت  ليا خالتي...
{الوو خالتي حبيبة ديالي بيخير عليك}
{بيخير الحمد الله كيداير راجلك لاباس عليه}
{الكبيدة ديال خالتي اتيني المعقول أو گوليليا شنو باغا أنا عارفاك مكتعيطي ليا غير لاكن شي بلان نيييت}
{كوبيدة ديال خالتها كتفهميني وللّه غير هو اا...هو}
{بلاتي نشرب عليك واحد لكاس ديال الماء حيت باين هاتشي في ان}
{واخا عرفتي دارنا لي كائنة فالمدينة لبدينا كنصلحو فيها باش تما نسكنو؟}
{اهاه مالها؟}
{لا لا غير هو هادا هو وقت مدرسة أو ولدي لطيف باغين نقريوه فالمدينة حييت هنا طريق بعيدة أو مكائن لا طرونسبور لا والو أو دبا يالله طلع الإعدادي معارفش أو حنا كنخافو عليه أو كنا بغينا نجيو نسكنو هنا ف لمدينة  ولاكن دار بقي ليها واحد شوية دلوقت عاد توجد أو گلنا كائنة بنت ختي حبيبتي لي غاتجي منا أو غنخليو عندها ولدنا لطيف بيمان كملنا شغالات ديال دار أوى اش گلتي ؟؟ فرحيني؟؟؟}
{اياناري يا خالتي اش نطقتي من فمك ولدك ياخالتي أو نتي عارفاه صعيييب أو كيطير بحال طرازان بغيتيه يخرج ليا لعقل }
{اه اه عارفاه أو حافضاه ولاكن شنو غنديرو بدات لقرايا بكري أو خاصنا ضروري ندخلوه ولا غيمشي الوقت أو هو بغيبغيش يدخل حتى دوز شهر ولا شهراين أو زايدون غير بيمان صلحنا دار أو ديك ساعة غنسكنو حنا تما}
{لا لا ياخالتي وخاتعطيني ليعطيتيني هادي رآه مسؤولية كبيرة أو بزاف}
{واخا نعطيك مية الف ريال كل شهر غير لما گلسوه عندكم أو متخافيش غنقرصو مزيان باش يدير عقلو أو يترزن}
{لا ..}
بلاتي بلاتي 5000 كل شهر ماشي مبلغ ساهل نييت أنا باغا ندير شي إصلاحات فلمطعم مافيها باس
{ولا اخالتي ماشي تال ديك دراجة أنا خايبة باش ناخد من عندك لفلوووس أنا رآه قلبي هشيش أو دغيا كنميل لاكان غير على لطيف وكوني هانيتون نتي غير اتيني بيه ولا غنجي أنا نييت أو نجيبو من عندكم }
{اصلاااااا عرفتك احبيبتي مغتخصريش ليا خاطري أو نغتشديش من عندي لفلوووس...}
{صافي صافي اخالتي غير حييت طلابتيني أو صافي أما أنا گاعما نشدهوم من عندك}
{لا لا أنا مننبززش عليك}
قاطعتها!
{لا لا صافي اخالتي مغنخسرش ليك خاطرك أو صافي تعطات لكلمة}
{شوو كيعينيك خرجو من گلتليك لفلوووس طميميعة لخرى}
بقينا هاكا حتى تافقنا بلي منهنا ليومين نجي نجيب من عندهم لطيف بلحق نييت وليت ساكنة غير بوحدي من بعد ما زينب تنقلات من عندي أو مشات تسكن عند والديها حييت ماماها مريضة أو تفهمتها أو عطيتها عطلة بيمان طمنات على مها...
اوى صافي دازت هاد ليومين كيطرشة جمعت دار حيت كانت مرونة باش ميعاودهاش لمو سخونة...
طوموبيلتي خاسرة هادشي علاش غنطر الوسيلة المواصلات العادية
شديت طاكسي أو من طاكسي لوحش كنقصد الكار أو من الكار لطاكسي اخر عاوتاني مرافقة لدعاوي لدعيت بيهم خالتي على ود هاد تسخسيخة!
وصلت عندهم...
دقيت!
خالتي:مرحبا مرحبا ببنتي ختي زوينة واتي كيدايرة واش كتعاودي أو اش حال راجلك أو عائلتو كولشي بيخير
كانت كل كلمة معها بوسة حتى كنت غنسخف قدام لعتبة مطلقاتني غير بلكشايف...
سلمت على راجل خالتي محمد أو هضرنا على لحال أو احوال أو كولشي أو كنت كنتسنى غير فوقاش نمشي نرد راسي شوية من لعية ديال طريق ولاكن حلفات خالتي لطلقاتني   دودودودو مبغاتش ترد لسانها لفمها...
خالتي:اوى والله مكرهنا نشوفو ولدنا ادم علاش مجاش معاك
رودينة:ااا! غير مزير مع لخدمة مبغيتش نضيع ليه لوقت أو صافي...
خالتي:وييه وييه راجل رآه بخدمتو تبارك الله نعذروه نعذروه لمرة جاية انشاء الله
رودينة:علاش لا! هيهييه!!!!
من بعد مزدت سخفة ديال الكار على سخفة لسخفاتني خالتي بلهدرة هضمات ليا داكشي كامل لي كليت فلغدا...
صباح لآخر كان خاصني نرجعو باش الاثنين انشاء الله نقادو ليه وريقات أو نقيدوه فلمدرسة...
أو خالتي مطلقات ولدها غير بلكشايف تاكنت غندير مناقص !
اوى نفس مسار ديال مجية بحال هاكاك فرجعة نفس تسخسيخة أو خالتي من خرجنا أو هي تصوني أو ولدها فقصني كل ساعة شري ليا هادي بغيت هادي اناري بحالو بحال مو مغرفة وحدة...
وصلنا لدار كلينا أو نعسنا شوية
أو فلعشية خرجتو شوية يشوف لمدينة أو رجعنا لدار عاوتاني...
من بعد وجدت ليه فراشو فنموسية دزينب بيدمان ...
صباح لموالي كان خاصني نمشي معاه باش يتقيد داكشي لي درت دغيا لبستو أو مشينا قاديت ليه لوريقات أو تمينا تاني راجعين تاني صاوبت لغدا أو داز نهااار عادي حتال ليل فوقيتة ديال نعاس غادا لبيتي من بعد مخرجت من طواليط يلاه ضورت لبواني باش ندخل بغاش يتحل عييت معاه بحالي مسدود دارتي طرن فبالي بلي ياكما هاد المسخوط ساد عليه...
رودينة:لطيف حل الباب باركااا من لبسالة لطيف حل و حل يا هاد لمسخوووط.
لطيف من الداخل:واش مكتخليو تاواحد ينعس ولا شنو اش بغيتي؟؟؟
رودينة:هاكيني هكاوا اش قلت الاحترام صافي ولا گد القب گد سطل ولله تنگولها لماماك أو نرجعك و حل الباب ...ولا غنضربك..
لطيف:ولا وسيري بحالك ولله تنگولها أنا الماما بلي كتعايرني...
رودينة:واش نتا لي صغير غتنعس تما وانا لكبيرة نعس فصالون...
لطيف:اه
رودينة:وهاهي فيك تتخرج ليا أو غنليعك مزياااان
لطيف: هاد البردويات عندك مجهدين ماما تهيا خاصيا بحالهوم ..
رودينة:و حط داكشي ولا غنجي ليك ....
لطيف:اجي هانا كنتسنا..
رودينة:يلاه هاك غير واحد الحاجة..
لطيف:ولا تال غدا صباح..
مشيت وانا كنتحلف فهاد لبرهوش خرجها مني ولاكن غير بلاتي عليه غنوريه مزيااان ...
فقت صباح ضهري ضارني بلحريق حيت نعست فلحاف...
مشيت اول حاجة لبيت لقيتو ناعس أو الباب محلول حيت واقيلا مشا الطواليط أو معاودش سدو..
يلاه كنت غنضور باش نمشي أو أنا طيح عليا واحد الفكرة ياسلام!
مشيت كنتسلت تاوقفت عليه وقرصتو من لور ديالو تاطلعتها مزياااااااان
رودينة:وا نووووووووض
ناض قافز كحك فلقرصة...
هزيت صنضالاة أو وقفت عليه
رودينة:باقي تعاود اه؟
لطيف: اش باغا ديري و ماماااااا...
رودينة:واش باقي غتعاود؟؟
لطيف :ومامااا عتقيني!!!
رودينة:ماكين لاماما لا غيرو كاينة غير أنا هاد ساعة أو صنضالة گووول...
لطيف:لا لا مبقيش نعاود ...صافي معمرني نعاود ...
رودينة:اوى هاكاك ...لمرة جاية هادي فكمارتك...ياهه علا ضسارة ديال لبراهش...و نسمعك تزحزحتي هاكا ولا هاكا نوريك...
تكمش فبلاصتو أو أنا مشيت أو خليتو...شحاال ما حليت لمطعم گلت نشد لأرض هاد ربعيام حتى ندخل هادا لمدرسة حيت اصلا غدا غيمشي أو أنا غنمشي نقضي شغالاتي عل أقل يبردو ليا شوية ودنية..
صباح الموالي فقت بكري على ود لطيف وجدت ليه فطور أو حطيتو اونوضتو بلكشايف غسل وجهو أو لبس حوايجو أو ناض لطبلة باش يفطر أو مشيت نوجد راسي لبست اونصوبل بلباج مع الكاب ديالو فنفس لون صاوبت شعري درت ليه كوبتشوڤال لتحت أو درت ميكاب خفيف بزااااف هزيت ساكي و گودتو قدامي شديت فيديه باش معنكشنيش فلمشية ...كنا غادين حتى عيط ليا جلال من خدمة على شي حاجة ...بقينا كنهضرو حتا طلق مني هاد مسخووط الوالدين ...وانا نجري اوهو نجري تولاو ناس يشوفو فيا أو هو هارب أو كيدير الحركات باش يغزلني...
رودينة:اجييييييي لهنا واش حمااااقيتي ولا شنو شوهتيني بغيت ليك شوهة ضاع لبريستيج كرامتي...
لطيف:شدينيي هههه
سخفني حتا وقف معا شانطي شديت من كول ديال قاميجة...
رودينة:تال دار أنا دابا مغنهضرش وحتى نتى غتسكت..
وصلتو لمدرسة أو أنا مشيت لمطعم نحلو قضيت داك نهار فلخدمة من بعد مجبت طوموبيلتي من الإصلاح لبقا مدة طويلة أو من بعد جبت لطيف من مدرسة مع واحد قتلة ديال العصا فطريق
داز داك شهر الاول غير فنفس روتين مع المصايب ديال لطيف أو خروج أو الخدمة ...
واحد نهار كنت جايبة لطيف من مدرسة أو عيطات خالتي تسول على ولدها عاوتاني
.
.
.
{الوو وليدي كبيدة ديالي كيداير بخير؟؟}
{الحمد الله كولشي مزيان الوليدة كيداير با بيخير عليه}
{مزيااان رآه كسلم أو يسول عليك دايمااان اجي معمرني سولتك كيداير ادم راجل رودينة مزيااان كتعامل معاك مزيان؟}
{ماكين تاراجل امي مع رودينة كاين غير أنا وياها أو معمرني شتو فدار ولا هضراتليا عليه }
حمد الفرشة!
{اش ساير تگول ياهاد المسخوط !}
{علاش غنكدب عليك هاتشي أنا هو لعارف}
{مهم اوليدي سير بغتلك رضااا سير وليد موو}
قطعات معاه أو خنزرات فراجلها ...
خالتي:اهاد راجل سمع سمع اشگال ولدك .
محمد:اشگاليك عاوتاني شي خبار عوجة!
خالتي:رآه راجل رودينة مكينش مكسكنش معاها أو مكيهضرش معاها أو معمرو شاف يعني معيشش معاها..
محمد:دينا الولد تما باش يحضي قرايتو نايض حاضي الخوا الخاوي الالة دخلي سوق راسك حنا مالنا فيهم...
خالتي :أنا غنگولها لختي هي لغتعرف لهاتشي!.
محمد:لا حول ولا قوة الا بالله العلي العظيم! ياربي تعفو عليك من دخووول شبوق.
خالتي :أنا منرتاح حتى نعرف ..
خالاتو كيبرگم تما أو ناضت هي ضورات الختها باش توصليها هاد الخبار ...
•
•
•
{الوو ختي وتي كيدايرة}
{الحمد الله أو نتي لاباس .. }
{امممم مزيااان}
{ياكما كاين باس }
{موووصيبة كريثة فوق ريوسنا صاافي!}
{اش واقع لختي طيرتيها مني}
{كتعرفي بلي وليدي لطيف مشا يعيش مع بنتك شي يامات عل قبل دراسة يااك؟}
{اه عارفا عارفا}
{اوى نتي عارفا بلي ولدي لي علا لسانو على فمو أو مكخبي والو على ميمتو ياك؟}
{ايييه}
{وراه گال ليا بلي معامرو شاف ادم عندهم فدار ولا تجبدات سيرتو يعني بحالي معيشاش معاه أو ممزوجينش بلاصل جرا عليها وولاو عايشين مفاصلين تعايرو اوتسابو أو جيران كسمعو زعمااا شووهة صافي }
مع شوية ديال فيخرات
{واتي شسايرة تگولي}
{هادشي هو ليكاين أو أنا گلت منخبيش عليك أو نگولها ليك نتي لولة باش تصرفي }
{واش هاتشي متأكدة منو؟}
{وييه أو مالو مغيفهمش زعما ولا شنو ولا غيجيبها من راسو }
{وتسناي تسناي ولا عاليك من بعد أو ندويو بسلامة!}
طفات لابيل أو ضورات وجهها لراجلها لي كان سمع كولشي حييت كان اوطباغلوغ ..
ماما:واش سمعتي هادشي لي سمعت
بابا:سمعت سمعت أو فهمت هي بتأكيد مغتكدبش علينا
ماما :لا لا ولدها ميمكنش يكدب أو يجيبها من راسو..
بابا:دبا واش نهضرو مع دري؟ ون فهمو حييت بنتك مغاناخدو من عندها لا صح لا باطل
ماما:لا لا مغنهضروش معاه غنهضرو مع لكبار حيت تهو ميمكنش عقلتي على باه لمحضرش للعرس ولاكن هضر معانا فتيليفون باين سيد واعي أو مرزن
بابا:ضوري ليه نشوفو ..
•
•
•
بابات ادم(زكرياء):الووو
{الو سي زكرياء هادا معاك مامات رودينا}
{اه مرحبا  كولشي بخير كيدايرين دار}
{كولشي بخير انشاء الله }
{الحمد الله غير هو بغيت نهضرو على ود واحد موضوع كخص ولدك أو بنتي }
{ياك لاباس }
{والو باس غير ولدك مصون دابز مع بنتي أو جرى عليها من دار  وجيران كيتفرجو فيها مسكينة وخا تكون معرت شنو درت ليه عنداك يسحابليه معندها لا تالي لا والي أش هاد قلة عفة دابا برية ديالها توصلها }
{أويلي الالة أش وصلنا لهاد الهدرة خلينا بعدا نجمعوهم بجوج عندي انستفسروا بعدا أش كاين }
فهاد اللحضة كانت مامات ادم كتسنط هي أو بنتها:
مامات ادم(گالتها باش تسمعها ليها):قليلة العفة هي بنتك كانت بغات طير ليا ولدي حبيبي مني ساعة طيرها ولدي هو لول شيباتو ديك عاقسة قلب طنجرة على فمها تخرج حمارة لمها
سمعاتها مامات رودينة اوبداوتاني:  الحمار هو داك هاتر لي والدا..
زكرياء:اسكتي ياهاد المرأة..
مامات ادم:علاش غتسكت مكاين ميتخبا هاد البنت ضحكات على ولدي أو هاهو مسكين كيخلص...الله ياخد الحق فليكان سباب..
مامات رودينة(من جهة أخرى):وليني شيبة عاصية هادي رآه ولدك ليبغا بنتي أو بنتي غير تواضعات معاه وتزوجات بيه ولاكن بلية ولدك ممولفش لحاجة دلحلال
مامات رودينة:بزااااف عليك ولدي متوصلوش حتى لضفر ديال رجليه رآه بنتك لي واقلة متعرف لاتحني لادني
مامات ادم:وعلاش لي ميكونش ولدك لي فيه ديفو؟!
بقاو هاكا أو رجال يتغاوتو. باش يسكتوهم ولاكن والو
من بعد جدال طويييل لمتفكو فيه غير بزز  عند والدين رودينة...
ماما:شوف دبا شوهاتنا! ولاكن غدا غنمشي عندها نجمعوهم أو نفهمو اش واقع بحالي گالي سي زكرياء غدا انشاء الله نشدو طريق أو تما غنطلاقو سي زكرياء أو نمشيو عند أدم باش اشرح لينا ..
فهاد اللحضات كانت اسراء مرات خو رودينة امين فكرات بلي خاصها تسول حيت هي ضريفة أو بلدية أو گالت مع رأسها حشومة مرات خوها واقعة فموشكيل أو هي متسول فيها ماوالو أو هي جات من يلله وبدأت تسول أو تبارك گلسات أو ضورات ليها فتلفون أو تسناتها تجاوب ..
•
•
•
رودينة:الوو إسراء حبيبة كيدايرة لاباس
{بخير الحمد الله نتي مزيان؟}
{بيخير هاد ساعة كيدايرة صغيورة بخير }
{هاهي غادة كتكبر تبارك الله }
{الله يحفظها ليكم انشاء الله}
{اميين ااا رودينة}
{نعام احبيبة}
{سمحيليا وصلاتني الخبر بلي عندك مشاكل مع راجلك سمحيليا لي مسولت ما سقسيت على حالك }
شنو! أنا مشاكيل؟!
{اه حبيبة علاش كتهضري؟}
{ماعندك علاش تخبئ علية ولا تحشمي سمعت قبيلة خالتي كتهضر على هاد الموضوع مع نسييبك گالت بلي دابزتو اوهي جايا او باغا تجمعكوم}
{معامن غتجمعني؟}
!!!!
{راجلك بطبع }
اه يا ناري اش هادشي واقع؟!
كملت معاها الهضرة بزز من بعد أو بقيت كنضور ضور مع راسي اش هاد الموصيبة طاحت على راسي زعما شكون غيكون گالها ليها ادم لالالا
اممم شكون بقا لطيف اه لطيف هو سرسار لغيگولها أو شكون من غيرو