حبٌ بعد طلاق💏

الفصل رابع

كنشوووفووو قداامي من بعد خمس سنوات لي دوزت ههوكنعااود نشوفو مرة أخرى ولأكين هااد لمرة كان مبدل شعرو لكحل لي كيكون ممشوط بشكل مثاالي دباا كنشوفو مسرح بطريقة عشواائية ستييل مبدل بزاااف ولأكين من هااتشي كاامل كان سؤال واحد بغييت لجوااب عليه

شنو بغى عندي؟ أو علااش جاا؟!
انا حاولت اني نباان عادية أو ميطغيش على وجهيي ملامح صدمة غمضت عينيا بخفة أو وقفت قداامو بحااال لي كان ندير مع جميع زبائن
او حاولت نخرج الكلمات باش نهضر
رودينة:مرحباا اسيدي تف.... تفضل...
شد ليا فيديا او انا نطلع عينيا عندو بصدمة
نترت يديا منو ...
مراد:ااا.....رو..دي..نة... تبدلتي بزاااف
رودينة:بصح؟! (باستنكار)ولأكين وااش كنعرفك ؟!
مراد:وااش تيقتي راسك؟ ..انا كنشوف فيك بصح تبدلتي بزاف بدلتي ستيل ديالك أو شعرك لي كان طوييل رجعتيه قصير أو وليتي كديري مكياج واخا خفيف شعرك لي كاان لون دياالو بني دباا رجعتيه ليموني مايل لحمر ..
قاطعتوا!!!!
رودينة:باراااكااا...وااش كضحك عليا علاااش جاي. واش بااش توصفني ولاا شنوو لابغيتي تاكل مرحبا! مبغيتيش تقدر تخرج.
انا لي عصبني هو انو كهضر بحاالي كيستهزء من حالة دياالي ولأكين انا مخليتليهش مجال حييت انا اصلاا مفهمتش علااش عااود جاا؟اش بغاا من عندي واش حتى شافني بنييت حيااتي عاد جاا باش يحرمها. علياا
مراد:واخا صاافي فهمت ...ولاكين انا ..ان
رودينة:(باتساءل )شنو؟؟سربييي..
مراد:انااا ندمت على دااكشي لي درت عاافااك سمحيليا...انا كنبغييك أو عرفت بلي انا بااقي محتاج لك فحياااتي كيف كنااا
شنوو!!!كيضحك عليا ولا شنو كيحصاااب له انا لعبة؟ واخا اسيدي.
رودينة:او انا عرفت بلي ضيعت معاااك عااام أو نص ولاااكييين انا مخدييت من هااد لعلااقة غير لحزن أو الأسى والالم أو بزاااف دلحواايج لخايبة ...أو حتى انا ندمت حيت باقا لحد لان كنهضر مع واحد خائن بحاالك؟!..أو انا محتاجة غير منعاودش نشوف وجهك ..(بغضب) يالاااا لبااب..
مراد:انا راه هااد لخمس سنوات لعشت بلا بك دوزتها بحاال لجحييم....عاافااك خلينا نبداو من جديد عافاك....
رودينة:بصااح!؟ كون بقيت حمقة بحاال لي كنتي. قلتي لياااا دك سااعة كنت نقدر نرجع لك اما دبا فنسى شي حاجة سميتها رودينة.
غوتت ليه فوجهوو أو عيطت لجلال(لكاردكور) أو قلت ليه يجري عليه مشيت كَلست فوق واحد لكرسي راااسي كيمشي أو كيجي من لهااد لفااجعة لي طراات دباا ....دبا هو جاا باش يقول ليا هاكا انا كنت كنكرهو من كل قلبي ولاكن دبااا انا وليت كنكرهو كتر من لول سهلني لهااد درجة يصحااب له بلي انا وقتما بغى يردني أو وقت ما بغى يرجعني...
خطأ بزاااف ..بتفكير بهااد طريقة!