حبٌ بعد طلاق💏

الفصل ثاني عشر

للتذكير:اللهم صلي وسلم على سيدنا محمد وعلى اله وصحبه اجمعين كما صليت على سيدنا ابراهيم وعلى ال سيدنا ابراهيم والهم بارك على سيدنا محمد وعلى اله وصحبه اجمعين كما باركت على سيدنا ابراهيم للعالمين أنك حميد مجيد

Have fun with me🧡
____________________________________

بقينا كنشوفو فبعضياتنا مفاهمين والو كنتسناو شواحد ينطق غير كيخنزرو فينا حتى هضرات ماما..
ماما:شرحو لينا دبا شنو واقع ..
رودينة(بتوتر):شنو واقع؟؟
ماما: شنو زعما دايرين راسكم معارفين والو ولاشنو ...
ادم:خالتي حنا راه معارفينكومش علاش كتهضرو....
ماما:نتى بضبط سكت أو بلاما تسمعني صوتك اشمن حق عندك باش تجري على بنتي بهاديك طريقة يسحابليك مني تزوجتيها رآه معندها حد ولا شنو....
رودينة: ماما را ...
قاطعاتني!
ماما:سكتي خليني نتفاهم معاه ... اشنو زعما  دير هادشي لبنت رآه عندها عائلتها لاتكون نسيتي ولا شي حاجة..
زكرياء:اش وصلنا لهاد هدرة الالة ...
بثينة مامات ادم :اوى رآه حتى ولدي عندو عائلتو لتكونو نسيتو أو ليحل عليها فمو  كتحضر..
بابا:الآلة خليونا حتى نفهمو بعدا ..كنسمعوكم شرحو لينا شنو سبب هاد المدابزة كاملة ..أو علاش اوليدي جريتي عليها بديك طريقة
رودينة:نتي علاش كدوي حييت رآه مفهمت والو .؟
ماما: بنتي رآه مكاين ميتخبا أو ولدي لطيف گال كولشي لمو وراه لباقي عارفاه..
رودينة:هههه دحكتيني يا ماما رآه غتكون غير ضرباتو سخانة ماكاين لا مدابزة لا والو...واش حنا ياالله تزوجنا أو غيوقع لينا هاتشي ..ياك ازوجي قرة عيني..

ادم: اه حبيبة ديالي  غير كان مريض أو بدأ كيخرج هاديك الهدرة أو نتوما لله يهديكم ديتو عليه..ياك ا روح ديالي..
رودينة:اه القليب ديالي...

ايناس(خت ادم شادة فمها كتمثل تقيا):جبدتو ليا تقيا من هاد رومانسية ناقصة...افففف
بثينة خنزرات فبنتها دليل على قطعي حسك والاخرى قلبات عينيها من هاد تجمع ممل..
زكرياء:كيفاش؟ يعني هاتشي غير ديال دراري صغار؟
ماما:واش بصح مواقع والو من هاتشي؟
رودينة:ولله حتى دحكتوني الله يهديكم او صافي..
بثينة:اوى الله يجعلني نتيق..
ماما:هم أو زال على قلبي ..عرفتي شحال هزيت ليكم الهم...
رودينة: أش غندير واقيلا لطيف عزازينا عليه أنا و أدم عليها بغا يدير فينا مقلب عقل دراري صغار..
بثينة : مي وخا هكاك باقي مقتناعتش
ايناس بغات تسد هاد حوار : لقيت ليكم الحل
أدم عرفها غتكحلها : بلاش أختي نتي و لحلول ديالك صافي موضوع باين
رودينة ( بغيت ندير فيها الزوجة ميثالية شديت أدم في يديه حسيت بيه بغا ينوض ليا مي غمزتو ) : حبيبي خلي إيناس دوي حنا شنو خاسرين
درت عندها وقلت : كملي أحبيبة
و يا ريتني ما قلتها
إيناس : جيبو لطيف يوضح لينا كلشي ياك مشات منو سخانة ..
فهاد الوقت كنت باغا نعطيها واحد مولاتي ترييشة فاعلة تاركة نفدي فيها قديم أو
جديد هي وهاد قتيرحاتها كرثيين..
ادم(مال على ودني): الله فكيها دبا الآلة باش تعلمي تسمعي الهضرة..
رودينة:اوبس الحبيبة مكينش لطيف فلمدرسة...
ايناس:اوى تحنا مزربانينش نتسناوه ماشي اقتراح زوين ياك؟
رودينة(فنفسها):كي لخرى..
ايناس:گلتي شي حاجة؟؟
رودينة:لا لا غير كنت كنگول بلي لاش حنا غنكبروها تال هاد درجة أو ديري مسيكينة منلاهيوهش على قرايتو على أخطاء بسيطة..
بثينة:نييت باش نفهمو هاد لحريرة لوقعاا ليا فداري ...
ماما:اه نتسناوه باش نييت نحلو هاد سوء تفاهم لي طاري..
جيييت نكحلها عميتها!
رودينة:اشنو؟ ماما يكما متايقينش فبنتكم...ياك اماما
بابا:لا لا ابنيتي ماشي هاكاك باش نيييت نعرفو هاد دري منين جاب هاد الهدرة الخاوية..
ملقيت باش نجاوب صاافي هاد المرة مشييت فيها او هاد البرهوش مغيمشي حتا يصفيها ليا أو فرشني...
ماما:بلاتي بلاتي نعيط لولدي وائل يجيبون من مدرسة رآه هو الله يرضي عليه لوصلنا حتال لهنا..
ادم:شكون هادا واش كيجيكم؟
رودينة:اه هادا ولد خالتي..
دازو دوك جوج سوايع باش نتسناوه سيدي مولاي سلطان يجي خاصني ضاروري نتصرف أو نقرصو مزيااان قبل ميفرشني...
واحد شوية أو سمعت صوت ديال طوموبيل..هادا هو الوقت..
رودينة:أنا غنمشي نشوفو أو نجي..
ماما:گلسي ابنيتي تبتي الأرض معندك فين تمشي ...
گلست على اعصابي من بعد ماجى وائل أو وصل لطيف..من بعد تعنااق أو لبوسان ديال ماما...وصل الوقت المنتظر..
ماما:اجي اوليدي گلس حديا نگوليك..نتا منين جبتي ديك لهدرة بلي ادم جرى مرتو أو دابزو..
رودينة:گوليهم گوليهم بلي غير كنتي دايخ أو هاتشي مامنو والو ياك؟
غمزتو بلاما يشوفني حتى واحد...
بقااااااا ساكت أو كولشي كتسنى كجمر شنو غيگول...