مراد:انا غنتأكد بطريقتي..
خرج من دار ناوي على خزيت هز طوموبيلتو لوجهة هي المطعم ديال رودينة فين طلاقا معاها اول مرة ...
مع وصل بان ليه واحد گالس فلباب قرر يسولو ..
مراد:سلام عليكم..
جلال: وعليكم سلام واش خاصاك شي حاجة...
مراد:جييت نسولك على مدموزيل رودينة واش كاينة المطعم..
جلال:لا لالة رودينة واخدة إجازة مكيناش دبا..
مراد:واخا شكرا أو واخا نعطيك رقم ديال تيليفون ديالي باش تعيط ليا لجات حييت بغيتها فواحد الموضوع مهم..
جلال:انشاء الله يكون خير..
مشا دايخ ممصدقش أو مقادرش يدخل فراسو فكرة انها مع شخص اخر من غيرو كيبغي يحماق ..
نمشيو عند رودينة ليگالسة كتصبغ فيديها أو كتفرج فنفس الوقت على تلفازة مركزة مع شنو كدير ...
ادم:رودينة وجدي راسك غنمشيو نتعشاو على برا..
رودينة هزات عينيها فيه: شتك تيقتي راسك المعلم انا مغادى معاك فين..
ادم:مشتينيش انا طايح فيك رآه غير شريكي فلخدمة عرض عليا أو رآه حتى مراتو جايا او ملقيتش كيندير نرفض..
رودينة:يلا طلبني باش نمشي..
ادم شير عليا بمخدة..
ادم:غتنوضي لا؟!
رودينة:هاهي غادة..
نضت على وعدي أو سعدي نقلب فلماريو على شي حاجة نلبسها لبست كسوة حمرة طويلة مع فرافر واخا هاكك كتبان مغرية أو عكار حمرر ناصع او بوكليت شعري أو طلقتو أو هزيت صاكي أو خرجت..
طلع فيا ادم عينيه أو بقا ساهي كان لابس كونبلي بالكحل جاه على فورمتو..
رودينة:كي جيتك؟
ادم:خاصك غير لمسكة أو تولي شيخة..
رودينة: بزااااف عليك حييت كنحمق غير مرضيتيش تگوليا جيتي زوينة او صافي ...
ادم:لاكان كيحسابليك بلي غتخرجي هاكا راك غالطة رآه معاك راجل ماشي مونيكة واخا هاكاك رآه كنبقاو مزوجين أو خاصك تحتارميني أو متلبسيش هادشي..
رودينة: ولاكن....
ادم: ياالله مغنبقاوش هنا...
رجعت عاوتاني لبيت كنتفكر هضرتو كنزيد نتعصب حيت معرفتش كيفاش قنعني بهضرتو .. لبست واحد الكسوة بزرق طويلة مع فراشات بحال قراصات شادينها من كتاف أو حيدت داك عكار حمر أو درت عكار غوز سامبل خليت شعري كيفما هو أو خرجت عاوتاني ...
رودينة:كيف جيتك؟ هاد المرة أنا مغنرجعش نعاود نبدل..
ادم:يالله زيدي من قوت الهضرة رآه تعطلنا بسبابك...
رودينة:شوفي ليك راجل ...
المهم هبطو لتحت أو شدو طريق نيشان لريسطو ..
مهم وصلنا جلسنا واحد شوية أو هو يبانو لينا جيين سلمنا عليهم أوجلسو حطو لينا موني نختارو شنو غناكلو..أو فنفس الوقت ادم كهضر مع علي و أنا كنتعرف على صفاء..
صفاء:اوى فين طلاقيتو اول مرة؟..
رودينة:مطعم/ادم:عمارة..
حمد الفرشة متاع ادم بغا يفرش كولشي..
علي:كيفاش؟
رودينة:غير ادم اوقيلا نسا لبلايص حنا طلاقينا فلمطعم ديالي..واش نسيتي احبيبي؟؟
مع قرسة فلفخض..
ادم:لا لا منسيتش غير زعما اول نهار هضرنا..
دفع ليا يدي....
صفاء:اهههه اوى عاودولنا تفاصيل ..
لا لا صافي هادي خاصها شي ملخة ديال عصىى مفيهاش على هاد اسئلة البايخة...
رودينة:أنا غنعاود ليهم....
باشما يزبلهاش...
رودينة:كنت أنا جايا من خدمة يااكو أو هو تبان ليا طوموبيل سادا طريق يعنيى مخلاتش طريق لطوموبيلات لاخرين دخلت باش نقلب على مولاها أو هو يبان ليا سيد سلطان مجاوبنيش واخا سولت كولشي مشيت عندو هضرت معه لمرة الأولى مجاوبنيش ثانية عااد جاوبني أو بالأحرى عطاني سوارت أو گاليا خوديهم نتي گاع مشيت حليت طريق لناس أو رجعت أو ملقيتوش أو خرجت قلبت عليه اوى عطيتهم ليه اوى من بعد ولا كل نهار كيجي او كيبقا يطلبني على نمرة اوى بقيت كنتعفر عليه حتى حن الله..
شي فيخرات...
شفت ادم كحمار أو يصفار أو يضحك ضحكة صفرة..
ادم:هاتشي وقع احبيبة معقلتش هيهي لوقت دغيا كيدوز ..
صفاء:اوى الحب كيخيليك دير كولشي..
على:قصة حب زويينة عجباتيني ملاقية ليدرتو ...
هادو هوما ناس لي لباس عليهم كثر من لقياس كسحاب ليهم حياة عبارة عن قصة حب مساااخيط ضحكوني..
لمهم بقينا كنهضرو شحاال ...
رودينة:لمهم غنمشي لطواليط أو نجي ..
صفاء:بلاتي نمشي معاك ...
لمهم بقينا غادين حتى بانو لينا من نفس طريق شي قشلة ديال دراري كصفرو أو غنيو منين دزنا من حداهم..درنا ودن ميكة أو دزنا قادينا مكياج ديالنا أو تمينا تاني راجعين..
**:بس بس زين ..
**2:اجيو اجيو غير نهضرو معاكم ..
وصلنا لبلايصنا أو كان الجو مكهرب بزااف حييت واقيلا سمعو داكشي كاامل فلخر غمزني واحد ضرت جيهت ادم أو علي لقيت غير ضبابة ناضو ليهم يسحابليكم نضت نفك لا لا خليهم عبرو عليهم خليهم ياكلو لعصا باش معمرهم يعاودوها مرة خرى ..تحاماو علي أو ادم على دوك ثلاثة ديال دراري ضربة من هنا و ضربة من نهنا صافي ..ولاكن بلحق بقا فيا غير مول ريسطو ..
ادم:عطاه كلاك:هادي رآه مراتي ابنادم...
تأثرت ولله..ولاكن واخا هاك مقد يفكهم حد أو نضت على وعدي أو سعدي ...
رودينة(شاداه من كتفو أو خايفة تجيني شد ضقى): ادم باركا عليهم بالله نمشيو صافي ..
سخفني عاد جريتو بحركة مفاجأة شد يديا ...
ادم: هادي رآه مراتي بووحدي لغيهز فيها العين غنتقبها ليه...
خرجنا من ريسطو ضاربني ضو أو هو باقي مزير ليا على يديا ...
فطوموبيل طلعت زدح الباب بجهد أو طريق كاملة أو حنا ساكتين ....
وصلنا لدار زدح الباب أو ضرت عندو حييت وصلات بيا اخر....
رودينة:مالنا الخويا اش كاين عيقتي بزااف من صباح أو نتى كتزدح فلبيبان أو بلاما نساو داكشي لي درتي فريسطو ..
ادم:يعني الآلة نتي عاجبك داكشي لوقع رآه أنا ماشي دمدومة نشوف مراتي واخا غير فلوراق ناس كيشوفو فيها أو أنا نبقا ساكت...
رودينة :واش عمرك شتي واحد كتفاهم بهاديك لهيماج..
ادم:اوى الالة هاتشي ليكاين هاد ساعة انا ميمكنش نصبر أو نبقا نشوف ناس كتبسلو عليك أو وشوفو فيك أو نبقا انا ساكت..
رودينة:اوى اسيدي شكون شكى عليك تنوض تضربهم رآه هاكاك معمرهم كيتقادو الامور غير دخلها لبالك ..
ادم:حتا واحد مكان غيسكت ولاكن بلاتي واش نتي بلاصت تشكريني گالسة كتعطيني مواعظ على ادب مكتحشميش ولله ولاكن انا ليكنهضر مع انسانة مكلخة مكتفهمش..
رودينة:ايوا بزااف عليك انا گلاك مكلخة ...
ادم:واش مفهمتيش هوما غيصفرو غير هاكك كون مطلعوش فيك أو عراوك مزيان او قراو تفاصيل ديالك ..كنتفكر هاتشي كنزيد نتعصب أو غنرجع نكمل عليهم ..
رودينة:أو نتى اش مشاليك من هاتشي كامل..
ادم بتردد:اي واحد غيدير أو زايدون شتك بحالي بغا تقلبي عليا طابلة سيري اختي غنعاودها راك خاصك شي عقل..
مشا لبيت أو سد عليه..
ضربت طم أو دخلت البيت بدلت حوايجي أو ضربتها بنعسة...
دازو ليام أو وصل نهار ليغنمشيو نسافرو لعروبية عند ماما بمناسبة العيد الكبير أنا و ادم أو عائلتو ...
اوى شدينا طريق أو وصلنا على خير أو بيخير كلينا و شربنا ..
كانت ايناس واقفة فجنان بعيدة على ناس كتشد ريزو محيتها مع تيليفون ولا مع دبان
كان وائل كعطي لحوالا تبن أو هي حاضياه معرفاتش علاش عجبها ولاكن ذكرات رأسها بلي هو عروبي واخا لاباس عليه شوية ولاكن خرجات من رأسها هاد الفكرة ..
شافها أو عارفها حاضياه من جا وعاجبو الحال قرب عندها ..
وائل:مكينش ريزو تما سيري دخلي لداخل ..
حركات رأسها زعما واخا ..
ياالله غاضور أو هي تسمع تخرشيش أو هي طير عند وائل أو تعنقو تكوانسا مبقاش عقل على راسو طلع عينو بانليه بلي غير قنية ..
وائل:رآه غير قنية مكين والو ..
ايناس:سمحليا!..
تنفضات منو أو مشات كتجري تجمع شتات كرامتها ليتعفسات فلارض
أنت تقرأ
حبٌ بعد طلاق💏
Romansمنين كنگولو زواج فهو بداية الحياة جديدة مع ناس جداد ولاكن منين كنگولو طلاق واش هو غيكون نهاية لگاع ديك لحياة لنتي بنيتيها؟ اواش مكلك تبداي من جديد مع شخص جديد؟! قراءة ممتعة ʘ‿ʘ
