حبٌ بعد طلاق💏

الفصل الثالث عشر

هاهو فصل جديد ❤️
انشاء الله لا كانو لي ڤوت گدهوم گد لڤيو غنبدا نحط تقريبا جوج ديال مرات فلاسبوع ...

Have fun 💙
____________________________________

طلقات زوگتها أو گالت بسم الله أو نزلات عليه
طاح كومة مشات كتجري أو كتعيط أو كتغوت هبطات مها كتجري حفيانة و باها يالله هابط من دروج أو عائلة رودينة تابعينو مفاهمين والو..
بثينة:اشنو واقع ياهاد البنت واش بغيتي تسكتي ليا لقلب صافي وتهناي..
زكرياء:بنتي علاش كتغوتي شنو واقع...
ايناس:بابا عتق عتق شفار كان فلكوزينة و كان غيقتلني ..
مشات كتجري تعنق باباها مخششة فيه..
زكرياء: كيفاش ياكما شي مقلب هادا...
بثينة:ولله تنشتف علك للقيتك دايراها غير ضحك أو هاد لمرة مغفكك مني فكاك..
ايناس:ولله ابابا مكنكدب رآه كاين فلكوزينة..
مشاو يشوفو واش هادشي بصح أو لا لا..
أو هوما يتفاجؤ بوائل طايح فأرض و دمايات ضايرة أو مقلة مرمية حداه ..
رودينة(شهقات):وائل اناااري واش ضربو شفار أو هرب ..
ماما: ميميتي ميمتي اشكون دار ليه هاد الحالة...
ايناس تنفسات براحة متناسية انها بغات تكحلها عماتها..
ايناس:الله على راحة حمد الله تخلعت يسحابلي شفار اووف..
رودينة:كيفاش؟واش نتي يسحابليك شفار أو ضربتيه؟
ايناس: ولاكن الحمد الله ماشي شفار اصلا شكون يقدر يدخل لضار الوزاني ومن لا يعرفها..
رودينة:واش نتي دبا كتگولي ليا بلي ضربتي وائل بلاصت شفار؟
بثينة: اووف عنداك يكون مات نتي فين كان عقلك..
زكرياء:عاوني اولدي ادم نهزوه..
بابا:سربيو سربيو نهزوه قبل ميفوت لفوت..
ماما:غنمشي معاكم ..
بقاو هازينو حتال طوموبيل ديال ادم طلعات رودينة قدام هي و ادم أو طرأت ايناس تگلس لور حدا وائل..اما لآخرين بابا أو ماما أو بثينة أو زكرياء گلسو فطوموبيل وحدة ..
اما ايناس محاملاش راسها واخا حاسا بلخلعة منين كتفكر بلي يقدر يموت ..
رودينة:اوى بشوية عليه لتكملي ليه داكشي لخليتي..
ايناس:ماشي قتلناه رآه غير ضربة خفيفة أو صافي..
رودينة:واش ساگية ديال دم خرجات ليه من راسو أو تتگولي غير ضربة خفيفة وليني مكتحشميش أو معندكش لكمارة..
ايناس:وراه مشتوش يسحابلي شفار..
رودينة:اوى تانتي يديك سابقاك اوى فكيها ..
ايناس:بسم الله عليك حسيت بيك بحالا باغا تنوضي ضربيني غير بشوية عليك...
رودينة:رآه لمشديتكش من داك شعر منبردش دايراها گد راسها و زايداها بتصنطيح..
ايناس:اوى حربشش عنداك يصحابليك انا ساهلة ليك أو زايدون هو لي واقف تما بحال شفار شغاندير ليه..
رودينة:تدار ليك ضارباه بمقلة أو كون قتلتيه ديك ساعة شنو غنديرو..
ايناس:أنا عارفا ضار كتكون خاوية باش غنعرف كاين لغاشي..
رودينة: شدوني عليها غنوض ليها واش هااداك وجهك ولا كفاك ولايني مكتحشميش ..
ادم:واش غتبقاو تعاطاو..
رودينة:رآه ختك ليديها سابقاها يسحابليها راسها فشي فيلم ميريكاني هزات المقلة أو عطاتو..
ايناس:أو من بعد انا باش غنعرفو واقيلا خويا تزوج وحدة حمقة..
رودينة ضارت عند أدم:يالله گوليا رآه مكنجبدهاش..
وائل:واش غتسكتونا ولا لا ..
ايناس تصدمات أو تنترات من راسو ليكان محطوط على فخدها ...
ايناس:اعوذ بالله من شيطان رجيم ...
رودينة: لا لا هادي مفيهاش بغات تقتلو..
اوى وصلو لصبيطار دخلوه نيشان تسنينا شوية حتا خرج عندنا طبيب أو گال لينا بلي حمد الله ضربة موصلاتش لدماغ أو ما كون وقعات ليه لله يحفض شي حاجة
من بعد واحد المدة دخلنا لعندو نطمنو عليه لقيناه فايق أو داير واحد الفاصمة على راسو
ماما:على سلامتك اوليدي منين خرجتي منها سالم...
زكرياء:اسمحلينا اولدي لبنت عندي يسحاب ليها شفاار أو ضرباتك ..
بثينة:اه مسيكينة بنتي مكتأذيش نملة غير مع الخوف طرا هاتشي كامل بنتي أو عارفاها..
بثينة غمزات بنتها لي واقفة معجبها حال أو مباغاش حتى تدخل فهاتشي بغاتها دخل باش تعتاذر منو أو نسدو هاد القاضية من باب صواب...
يالله غدخل هو يباليها لمعني بلامر گالس مسرح او فهاد ان اثناء حتى هو طلع عينو أو هاتباليه أو رجع دكريات لور او زاد حقد عليها او هي كذلك...
ايناس:ماما انا غير نساو اني نعتاذر من هادا حييت انا مدرتهاش بلعاني..
وائل:الالة ديريها بلعاني ولا لا رآه كنتي غتقتلينا كون محفضنا الله...
ايناس:هانتا صحيح فصيح دردك علينا كاملين..
بثينة:اش هاتشي كتگولي واش هاتشي ليتافقنا عليه..
اما ادم أو رودينة گاعما مسوقين لهاد جوج أو گالسين كلعبو بارشيسي ..
رودينة:و حل طريق مالك غشاش..
ادم:لعبي أو سكتي..
.
.
.
وائل:وجهك قاصح غانگولها أو نعاودها...
ايناس:كون رجعت بزمان غنعاود نعطيك بلمقلة أو نزيدك وحدة خرى..
وائل:بلحق انا لي كنهضر معاك الالة متعتاذريش غير سيري اختي فحالك ..
ايناس:مغاداش انا هنا بت نبت..
وائل:لا حول ولاقوة الا بالله..
لمهم من بعد اسبوع كولشي رجع لدارو مهني على وائل لصحتو ولات مزيانة بزاف..
کالسة رودينة فدار دائرة رجل على رجل كتفرج فتلفازة عاجبها الحال أو هي طيح عليها واحد حاجة فراسها شافت ادم جاي ..
رودينة:مد مد معاك داك تليفون من لاشارج..
ادم:اوى هاضسارة..
مدو ليها بقات كتبقشش فيه حتى جبدات نمرة ديال مسيو إدريس(بابات مراد راجل رودينة لقديم)..
دوراات ليه كنتسناه يجاوبها..
.
.
.
إدريس:الو..
رودينة:الو عمي إدريس كيداير لاباس بيخير.
إدريس:بيخير الحمد الله هاد ساعة نتي مزيان ..
رودينة:الحمد لله سمحليا اعمي من داك نهار ماعودت سولت عليك ولا عطيت ليك ..
إدريس:لا لا مكاين موشكيل اوى بعد نتي مزيانة لاباس عليك لاخصاتك شي حاجة گوليها ليا رآه عرفك بوحدك أو ممعاك حد هنايا عتابرني بحال باباك لحتاجيتي لاي حاجة..
رودينة:لا لا بلاما تشطن عليا رآه مبقيتش بوحدي ..
إدريس:واش ولات كتسكن معاك صحبتك ولا ماماك باش تونسك؟؟
رودينة:لا لا معايا راجلي أو سمحيليا مجاش الوقت لنقدر نگولها ليك ..
إدريس:علاه ايمتا تزوجتي أو شكون مگلتي لينا والو ..
رودينة:هاتشي طرى بزربة ولله ملقيت لوقت باش نگولها ليك سمحليا ..
إدريس:مكاين حتاشي موشكيل ابنتي لمهم مبروك عليك يكون ليك انشاء الله ذرية صالحة..
رودينة:امين يالله منطولش عليك اعمي بسلامة..
إدريس:يالله الله يعاونك..
قطعات معاه أو تسرحات حسات بواحد الاحساس زوين رتاحت حييت هضرات معاه أو سولات فيه واخا هاكاك رآه كان عزيز عليها او كان هو و مراتو من اطيب خلق الله..
فجهة الاخرى كان سي إدريس گالس حدى مراتو ليكان داير اوطباغلوغ أو سمعات كولشي ..
مليكة(مرات ادريس):اوى شتي لبنت تبارك الله دارت ضارها أو مشروعها أو دبا حتى راجلها أو قريب يوليو حتى لولاد ..
إدريس:ولاكن رتاحيت دبا والله حيت كنت هاز ليها الهم بزااف ..
فهاد اللحضة دخل مراد لدار من بعد مجاش گاع لبارح گالس فقصارة من قصايرو..
مليكة:أجي أجي اوليدي تسمع الالاك رودينة كولاة الحمد الله ..
مراد:عاوتاني اماما نفس الموضوع غتعاوديه رودينة انا عارف كيغندير نرجعها رآه كنعرف ليها...
مليكة:طزز گالك غرجعها ليه سيدة تزوجات أو تهنات من كمارتك تعت الله شكون غتقبل عليك هي دابا مرتاحة خليها عليك فتيقار..
مراد:شكون لي گلتي تزوج مسمعتكش مزيان؟؟
ادريس:الالاك رودينة وخليك نتى فهاد الحالة لنتى فيها ..
مراد:وليد لكنتي كتگول هاد الهضرة باش تعصبني راك نجحتي و بديت كنتعصب..
مليكة:اوى سير شوف هاد العصاب واش نفعك فشي حاجة مبغيتيش تيق لهلة تيق ...
مراد:الوليدة رودينة ميمكنش تزوج حيت هي باقي كتبغيني ..
إدريس:وااااانوض ملگلبة يسحابليك ناس غتبقا صابرة عليك ...
مراد بدات كتسرى معاه زدح الباب بيديه أو خرج طافش ..
مراد:انا غنتأكد بطريقتي ...

يتبع..

نتمنى يكون نال اعجابكم ولاكان عجبكوم واخا غير شوية متنساوش تبينو اعجابكم سواء بڤوت أو كومونتير..
🧡