العشق الأبدي ( تأليف و كتابة رودي شهاب)

الفصل الاول

#كتابة_رودي_شهاب

صباح مشرق يجتمع فيه عائله العمرى علي سفره الافطار يترأسها كبير العائله ابراهيم العمرى صاحب ال٦٠ كام بملامحه المهيبه القويه و عيونه السوداء و شعره الاسود.......و بجانبه زوجته و حب عمره داليا ذات ال ٥٠ عام التى كلما ينظر اليها يشعر بحبه لها كأنه يراها لاول مره بجمالها الاخذ و عيونها الرماديه الواسعه و شعرها البنى الجميل الناعم و ملامحها البريئه التي لم يغيرها الزمن حقا فهى مكسبه الوحيد من هذه الحياه التى انجب منها ثمره حبهم اولاده الاربعه لينظر ابراهيم إلى زوجته يسألها عن ابنه الاكبر .

ابراهيم : امال فين فارس يا حبيبتى منزلش يفطر معانا ليه

لتجيب داليا بحنان: اصله يا حبه عينى قال انه عنده اجتماع مهم اوى و مش هيقدر يتأخر فا نزل بدري

ابراهيم بيأس :بس بردو كان يفطر على الاقل انا مبقتش عارف اشوفه من كتر الشغل كله شغل شغل كده ساعات بندم اني كبرته على حب الشغل بس

ليرد أسر الابن الثانى لهذه العائله و الذى يبلغ من العمر ٢٦ عاماً :و ايه الجديد يعني يا بابا انا مش مستغرب ده انا قربت انسى ملامح اخويا من كتر منا مش بشوفه

ليرد عز الابن الثالث لهذه العائله والذى يبلغ من العمر ٢٢ عاماً قائل بمرح : احسدو الواد بقى خليكوا انتوا كده عاملين تحسدوا فيه لحد ما هتجبوه الارض انا عرفت كده مين اللي بيجيب في سيرتي وانا مش موجود و جابنى الارض و مش عارف انجح

اسر بسخريه :ده علي اساس انك نبغه يالا دول بينجحوك في الكليه علشانى عشان انت اخو الدكتور اسر العمري

عز بمرح :اصيل يا ابو رحاب

لتجيب تمارا الابنه الاصغر لهذه العائله و التى تلبغ من العمر ١٨ عاماً قائله بضحك :بصراحه اسر عنده حق يا عز انت مهما تذاكر مش بتفهم اي حاجه يا حبيبي

ليرد عز بغرور مصطنع :مين ده يا بنتي اللي مش بيفهم ده انا بروفسيور شلتى....ده انا اللي بشرح لهم كل حاجه

اسر : عشان كده بهايم زيك يا حبيبى

عز بحزن مصطنع : انا بهيم انااا شكرا شكرا يا اصيل يا ابن الاصول انا همشى خلاص من البيت ده......ليردد وهو خارج و يشير إليهم اهم اهم يارب اعداء النجاح اهم إللى عايزنى افشل عاقبهم بقى يارب

ليقول ابراهيم بذهول : عاقبهم يارب دى عايده عليا انا كمان الواد اتجنن يا داليا
__________________________
في شركه العمري يدخل زين صديق فارس المقرب و ايضا دنجوان الشركه بعيونه الخضراء الضيقه و شعره البني الفاتح و بشرته البيضاء و جسده الرياضى الذي يسهل عليه مهمة التقرب من البنات........علي عكس صديقه فارس الذي لديه ملامح بارده و قاسيه ب عيناه السوداء الواسعه و رموشه الكثيفه و فكه المنحوت وشعره الاسود و بشرته الحنطيه و جسده الرياضر و طوله الفارع و طباعه القويه......رغم اختلافهم في كل شيء فا فارس لا يحب التقرب من الفتيات لانه يعتبر العلاقات وجع و صداع للرأس......إلا ان فارس يعتبر زين اخ له .