وما بعد الفراق الا اللقاء

الشخصيات

هاذي روايتي الرابعة واتمنى تنال اعجابكم ❤️.

الشخصيات:

عائلة بسام

الأب: بسام عمره 48 صاحب شركات وخير وزوجته متوفيه وماعنده الا بنت وحده

بنته بطلتنا ❤️: ملاذ عمرها 19 طيبة وحنينة ومسكينة ودايم كانت معتمدة على ابوها وعمها وعياله لانها البنت الوحيدة في العايلة فالكل مدللها مسبب لها شخصية ضعيفة ما تقوى لدنيا بدون اهلها ان غلط احد عليها او اذاها قبل لا تعلم ابوها ولد عمها غيث يكون عنده العلم ماا تدري كيف يعرف عنها بس هو من يوصله خير ان احد ضايقها يروح يكرهه عيشته دايم ان لها حق عند احد يوخذه اهلها لها اما هي تسكت وتتعذر لهم بعد

....

العم: فايز عمره 50  وهو يدير الشركات مع اخوه هو وعياله

زوجته: نوير عمرها 46 هي اللي ربت ملاذ وكبرتها بعد وفاة امها كان عمرها 4 سنوات بس هي اهتمت لها وما اتركتها تحس انها ناقصة ومحتاجه ام

عيالهم:

الولد الكبير: غيث عمره 25 يحب ملاذ من زماان وما يرضى لها الاذية ابد وصل في حبها لدرجة انه يغار من اخوه لا جت له ملاذ تطلبه بس للاسف ملاذ ما تشوفه الا اخ لها واهتمامه بها طالع من قلبه يبيها تحس به بس هي تشوفه عادي واحد يهتم باخته

الولد الصغير: رعد عمره 22 ذا الولد فناان على قول ابوه متعدد الاستخدام الصباح يكون في الشغل والظهر يكون في المطبخ مع امه والعصر يلبي احتياجات عايلته ومنهم ملاذ والمغرب يطلع مع اخوياه وبالليل يتفرغ لنفسه ولهواياته ويدخل لحاله في عالمه الخاص بسس يعاني من اخوه غيث اللي ناشب له في كل شي بس مو اي وقت لما تكون ملاذ عند امه وهو يتافف من ذا البزر اللي اشغله

.....................................

عائلة مصلح 

الأب مصلح: توفى قبل اربع كان صاحب بسام ويشتغل معه بس بعد فترة تعب وارسل ولده يكمل اللي وقف عنده وبعدها بفترة توفى وولده كمل مع بسام ووقتها كان عمر ولده 18 يعني توه مخلص ثانوي كان يدرس ويشتغل بنفس الوقت 

زوجة مصلح الام: هالة عمرها 45 كويسة مع عيالها وحالها حال نفسها بس لا حقدت تحقد من قلبها ويعني تغث بكلامها ونشبة شوي

ولد مصلح بطلنا ❤️: راكان عمره 22 هاذا يد بسام اليمنى يعرف بكل صغيرة وكبيرة في الشركة بس بما انه مرة قريب من بسام فهو يعرف بكل شي يدور حول بسام يعرف عنه اشياء حتى فايز ما يدري بها مثلا يعرف ان بسام بالغلط تورط بعملية تهريب اسلحة وانه مزور له هوية عشان تمشي اموره برا الشركة بعيد عن علاقته مع بسام تجي علاقته مع امه وخواته ما يجلس معهم كثير يطلع من شغله على الظهر ويروح مع خويه يقضي وقته معه لنص الليل ولا رجع قال لهم انشغلت مخلي من امه وخواته يحقدو على بسام

بنته الكبيرة: جميلة عمرها 25 مطلقة بسبب مشاكلها اللي ما توقف مع ام طليقها وحتى اللي في البيت مو سالمين من مشاكلها دوم متهاوشه مع وحدة من صديقاتها او انها مسويه مصيبة يعني زي امها بالضبط غثيثه ونشبه بس مو شوي الا واجد

بنته الاصغر: شجون عمرها 15 سنة منعزلة عن العالم دايم في  غرفتها وحزينة اذا تكلمت ما تتكلم كثير بسبب انها فقدت ابوها من سن صغير وهو كان الوحيد اللي يهتم بها وكان هي المحببة لاخوها كل شي الا شجون وهو الوحيد اللي شجون تاخذ راحتها معه وتتكلم معه وتسولف فاخوها مخصص لها وقت خاص قبل لا يطلع دوامه يمر غرفتها ويجلس معها واذا رجع البيت مبكر يروح لها 

.................................

بعيد عن العوائل نروح لخوي راكان 

كايد عمره 23 يوووه ما مخلي احد في حاله يتهاوش مع اللي يعرفه واللي ما يعرفه ولانه طول وقته مع راكان صار راكان ملزوم يفزع له بهوشاته واكثر من مرة راكان هدده انه ماعاد بيطلع معه اذا على ذا الحال على الخمس دقايق هوشة بس هو وش يوقفه ماغير يشوه بوجوه الناس 

........

تخيلو اشكال الشخصيات زي ما تحبون 😉💕

....................................................

باقي الشخصيات نتعرف عليها في البارتات

توقعاتكم؟

اعذروني على الاخطاء

يلا كيف الحماس؟؟؟ 🥹❤️❤️❤️