سيد زيد عمري 20 ادرس بجامعة سنة اولى طولي 170 وزني 70 اني الابن الجبير العائلتي ابوية توفى بـ 2003 وبس اني واخوية الصغير فهد وامي
عشنا ببيت خوالي
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
2021 ب
شرتي حنطية يشبهون خشمي بهذا الممثل هههه تقريبا بيه ملامح من عندة هاي قبل لا اعرف نجمة ونفس الصورة عندي جانت تضحك عليها لان توها طالعتلي لحية 🙂😂
حالي حال اغلب شباب العراق عندي صديقات واصدقاء وطلعات وطبات عندي قناة ونشر وتمويل وهسوالف لا اشتغل ولا شي مصروفي من عند القنوات ومن امي وعايش والحمدلله ووالشكر مشاكل خالاتي متخلص من صغير مشوفاتني الويل ويغلطن على ابوية كدامي
(غربلتة فرقتنا يا ابن البعثيي)
اكثر كلام يجرحني سمعته من اقرب الناس الي وهي عائلتي خلاتي نخلق من صغري كره الهن امي ماخلت نقص لا علية ولا على اخوية ومن احجي على خالاتي متقبل
امي عدها تدوام معلمة من صغير وهن يغلطن اني مااشيل بگلبي عليهن بس اكره اقرف من كلامهم
ليش ابن البعثثثي البعثي شبي بعد ماكبرت عرفت البعثية سنة يعني حاولت اسئل امي اكثر من مرة عن ابوية وصدگ هو بعثي سني مو شيعي وهي شيعية مجنت اعرف شنو الفرق او اميز بين شيعي وسني بس بسببهن نخلق هذا الشي داخلي جنت اباع عليهن من يكعدن على التلفزيون وتطلع اخبار ويحجون على شعب والي يصير بالحكومات يغلطن على البعثية ولوما السنة ميصير نفاق وتخريب بالبلد والسنة خونة واصحاب صدام حسين على رغم من احجي الامي عن الحجي تنفي هالشي وكلامها دائما يرن بعقلي وبگلبي
:أحنا شعب واحد ماكو سني وشيعي يمة السنة ماكو انضف من گلوبهم ذولة اخوت عمر والشيعة ماكو مثل شجاعتهم ذولي ولد علي احنا مجموعين براية تضم السنة والشيعة راية اشهد ان لا اله الا الله واشهد ان محمد رسول الله
صرت اتجاهل كلامهن لان اكتشفت مو بس السياسة اكو طائفية لا الشعب بي طائفية ولوما الشعب بي طائفية ما تتقسم البلد وتصير تحت مسمى شيعة وسنة
