لاتنسون التصويت لطفاً♥️🌱
القصة تستاهل
"فراشة السيد الشيعي "
عشك السنية
دزيت الرساله وبقيت عيني على التلفون رجعت للبيت اباع الرساله مفاتحتها
احب هيج بنية صعبة
كعدت العصر لگيتها حاضرتني
هاي شبيها ماتتفاهم كبل ايدها والحظر
دوامها قل بشكل مو طبيعي هاليومين جانو من ينطونا ورقة الحظور اسوي صح كدام اسمها لان اليومي والحظور ينقصون عليها
رحت لباب السكن يعني هسة اذا اسئل عليها مايكلولي انت منو واصلا ياخذون جنسيتي
رحت استفسرت كالو اكو وحدة اسمها شهد صديقة نجمة بالسكن كاعدة وياها بنفس الغرفة واصلا هي هم من قسمنا
راسلت شهد
عساف: السلام عليكم اختي
ممكن سوال نجمة ......شلون صحتها شخبارها
بقيت انتظر رد للرسالة شوي وشافتها بقت فاتحة الرسالة فترة دزيتلها
عساف: اختي جاوبي بس اريد اطمن عنها
هي بخير؟
شوي وجان تحظرني
ياربي هاي حتى اليمها عاديتهن بالحظر
مظل عندي حل غير انتظر مر 3 ايام فد يوم جنت اشتري من المحلات البرة شفتها نرسمت الضحكة على وجهي لا اراديا
مشيتها نزاكتها عكدة حواجبها تضحك للهواء اليضرب بوجنتها
كاعد وادك على رجليه اغني
هلا بيك هله وبجيتك هلا
هلا بيك هلا بيك هلا بيك هله
حبيبي من غبت أنه بشوگي متت
ياابو الروح من تروح گلبي منو اله
احبك كثر نجم السما العالي واريدك گد جروحي يالغالي اريدك
الاغنية هواية احبها
انتبهت عليها دتمشي باتجاه مدخل الجامعه فكبل كمت من اصدقائي ولحكتها
طلعت وصعدت بكية وراها اجرت تكسي
امشي وراء الكية
نزلت مقابيل المستشفى واحنا ماعدنا تدريب اليوم
شجايه تسوي! !!
امشي وراها وصعدت القاعه المحاضرات تفتر
شفتها وكفت يم عاملة جاي تنظف انتظرتها تبتعد رحت على العاملة
عساف: السلام عليكم
ـ وعليكم السلام
عساف: عيني هاي البنية القبل شوية جانت اهنا شتدور
ـ والله يمة جاي تدور على علبه تگول بيها كلادة
عساف: تفاجئت يعني قاطعة هاي المسافة كلها علمود كلادة! !!
رحت امشي بعد مسافة من عدها مرات اضيعها ومرات لا
تسئل عمال النظافة والادارين
شفتها راحت الادارة المستشفى
هاي شكاعد تخبص المضيع ابنه مايدور عليه لهلدرجة من تطلع اطب وراها اسئل شنو جانت تريد اكتشفت دتسئل منو شايلها
رجلية صارن خيوط واني اركض وراها متتت تعب والشمس حارة تقريبا شهر الثالث بوخة
وقبل الظهر رجعت بس ماصعدت كية تمشي فوك بصف الجسر الطريق
المسافة بين الجامعة والمستشفى 3 الى 4 كيلو
وكلها تدكها مشي ابدا متصعد سيارة اني للنص وصعدت كية وخليت ابو الكية يمشي بموازاتها
مو بنية ضيم هاي النزاكة كلها وتمشي 3 كيلوات رجليها ميوجعنها ومو ضخمة وهاي لا اگول تتحمل جسمها ضعيف وناعمة يعني لو شكد مااوصفها مراح اكدر انطيها حقها واكول اي بيها فلان شي تكدر تمشي هالمسافة ونهائي متوكف شنو هاي
احسها مرات تمسح وجها ماعرف تبجي مدري من شمس
