سنة 2021
فطور(ريوگ) مفاطرة ولا غده لان اليوم نتائج السادس اعدادي ونتيجتي خايفة لان سنتين من ضيم وقهر وتعب وعايده ومنا شماته ومنا اني تبهذلت هوايه بحياتي ومنا كلام الناس القريبين مني المياطلع من راسي ابدا
وحدة من الكلمات كلمه بابا بالسنة الاولى من السادس واني كاعدة على القناة التربوية العراقية وچاي اقرا احياء ويريد يغير القناة گالي تنجحين من ط***زي
فگلت وعد عليه بيني وبين نفسي انو اخليك تفتخر بيه
المهم بعدين احچيلكم عن حياتي
الكل ديتغدون
ماما: گومي أكلي چان الغدة باميه وتمن
نجمه: ماريد يمه
طلعت النتيجة واني گلبي يرگع يرگع وادعي يارب يارب المعدل الي اريدة بس چنت مأجله رياضيات لان تمرضت واني اصلا برياضيات زفت
فطلعت النتيجة ومو المعدل الي اريدة معدلي چان مايأهلني للصيدلة متتت بچي
گاعدة بلغرفة وحدي واردد والله جاوبت واني گلشزين اعرف نظلمت بلدرجات ونظلمت بحياتي
دخلت ماما عليه چان تنقهر على حالتي وتگعد تگابلني وگامت تبچي نشفت دموعي من بچي
مستقبلي احسة يدمر گدامي ماگدرت افشل العالم الي گالو مراح تجيبين معدل اني فشلت من نفسي وگلت يارب هاليوم چان صعب گلش
خابرت خالتي على گالتلها ها شطلعت نجمه گالتلها بثمانينات فگالت يا
خالتي: لعد سارة بت مالك 97ولارا 61
گالت الله يفرح اهلهم
حسيت امي غصت بعبرتها ورجعت اضرب بيدي على الگاع ليش يالله ماچنت اني فرحتها
"مالك ياحلم متكبرا
نحن ياحلم شقينا
نحن ياحلم تعبنا
مالك لا تتواضع
الم يكن المنا كافيا لكسر غرورك؟
المغرب 6:30
بشة: ها ام محمد شطلعت نجمه
ام احمد :والله معدلها بثمانين وحردانه وحدها بلغرفه
ابو احمد: ولادها مابيهم خير لا ولد ولا بنات
بشه: يا لا تگول هيچ خويه هي شاطرة وسباعية وينها اريد اشوفها
ام احمد: تعالي
ام محمد: يمه نجمة گومي عمتج چتي تشوفج
بشه: نجماتي ياعمه لاتنقهرين عيوني عمه
نجمه: من سمعت نبره عمتي شلون مكسورة وماگدرت ارفع وجهي بوجهه وچان تچي تكعد يمي وتمسد على راسي ورفع عيني بعيونها واشوف الدموع تارسه عينها وبشيلتها تمسح خدها وعينها تفطر گلبي مو نگسر
بچيت بگل حرگه
نار بصدري ماظنيتها تطفى وجع مايخمد
سعير تنور يلهب بوجهي
بشه: امسح على راسها وامسح دمعتها لا ياعمه لا تبچين عيونج انتي سباعيه هالعيون مايبچن تصيرين شبيها درجتج ياعمه تعبتي وتبهذلتي بلغربه والله يلوم الي يلومج
شفتي ظيم وقهر وناس ماترحم ووحيدة ياعمه انتي وحيدة والدنيا ماترحم
-بس ع....م...م...ة واناشغ
مااحس اله غفيت على رجلين عمتي احبها هي الي ربتني ودموعها تنخل بگلبي
گعدت مالگيت احد بلغرفه والغرفه ظلمة
گمت بس دايخة لان ممأكله ومنا بنيتي ضعيفه مااتحمل عيوني مغورگه فگمت طلعت برا نسمه الهوا باردة والدنيا صيف شهر ال 7 ع الثامن الجو حلو بللليل وگمر عالي وواضح
فرحت دامشي برا وصلت سرير بابا(قريوله)
لان انام برا بلصيف فشفت بابا ماكو بعدين نتبهت انو كهرباء موجوده يعني جوة نايمين
لان من تطفى نطلع برا لان حشرات وحاره
فرميت نعالي(تكرمون) وصعدت على فراش بابا
ماگدرت اتحمل البغصة البگلبي بچيت لين ما شبعت بعدين گلت استغفراالله واگيد خيرة يارب
ورحت للحمام توضيت وفرشت سجادتي بلگاع وعلى نسمه الهوا وضوء الگمر صليت حسيت روحي هدت ونفسي استقر
»يارب اناجيك ولست في بطن الحوت
يامن اخرجت يونس من الظلمات الى النور
اخرجني من جوف الظلمات الى نور وجهك الكريم اللهم اللهم انا لا اسألك رد القضاء انما اللطف فيه اللهم لاتحملني مالا طاقه لي بهِ«
القصة حقيقية 100/100
لاتنسون التفاعل والبارتات حتنزل
انشاء الله باقرب فرصه
والبعض حيكون طويل والبعض الاخر قصير حسب الاحداث❤️
"فراشة السيد الشيعي "
