متابعة للحساب لطفا لااستمرار بالنشر ♥️🌱
صار الصبح اول نومة انام بلا احلام
وبلا اعياط وبلا مااشوف اي كوابيس
يمكن ايد جدو ويمكم حضنة ويمكن الامان اليمة
خلاني ارتاح بنومتي
كعدت والعب بشواربة
نجمة: اكعد شمس طلعت
كعد يفرك بعيونة ويبتسم چان يدغدغ بيه
جدو: اتريك بيج ماعدنا ريوك اليوم
ضحك ويعض بيدية وبخدودي
وضحكتي على ضحكتة
شالني على ظهرة ونزلنا الدرج
بعدنا على الريوك واجوي احمد ومحمد
يكولون العمي سراج ابوية يصيحلة
فشافو شعري احمد نزل راسة ومحمد خله ايدة على حلكة راحو
وشوية واجوي ابوية وامي
صار صياح وعياط وامي رادت تضربني
جدو لزمني من ايدي و خلاني وراء ظهرة
ولازمة دشتاشتة بكل قوتي
جدو: يلا نمونة شعر لو بي فايدة ماصار بـط....وضحك
جان كلها تسكت
براق: حچي جناين وودنيا
جدو : بله اسكت بوية يريدون يضربون رويحتي
شاطرين بلحجي واحد منهم كعد يمها وعرف شبيها
براق: حجتلك شبيها
جدو: لا والله وادفع عمري كله لو تحجي
كاعدة بسدة وراسي على الحايط
جدو: كومي ابوية نروح
نجمة: وين
مد ايدة حتى الزمها
لزمتها وكمت ويا اخذني للغرفة يلا سبحي وبدلي وتعاليلي
نجمة: جدو
جدو: رويحتي
نجمة: نعيلي
جدو: مو هسة ابوية انتي بليل
نجمة: وشعراتي شلوون
جدو: اني اجدلهن الج ويرجعن يطولن
نجمة: لا لا ماريد يطولن
عفتة واخذت ملابسي ورحت للحمام كملت وطلعت
لكيتة كاعد يقرا قران
صوتة والبحة هو خطيب بالجامع
فصوتة يبجي
جبت المشط وكعدت بصفة
بوس القران ولم المصلاية
شلتها منه خليتها على القنفة
نجمة: تقبل الله ملأ ياسين
ضحك منا ومنكم عيوناتي
جدو: جدو قبلنا بيها نوب ياسين هيج جافة لا تزعلينا هلگد عاد
ذبيت المشط بحضنة
وطلعت اصابيع ادية
وبديت اعدلة
نجمة: انت بابا وجدو وروحي وكلبي واكلي وشربي وبيتي وعيوني هذن وكلشي
حضني
جدو: ام لسان منو يكدرلج
بدة يمشط مصارن ظفاير ومشدهن بس مشطهن ولف الشماغ على راسي چراوية
جتي جدة جميلة
جدة: على وين شيخ
جدو: على المزرعة
جدة: مابيك يارجال الولد راحو
جدو: مااشتغل عيني علمود هالنتفة كاسرة خاطري وحيلي
جدة: عين الماصلت على النبي
جدو: مادري شگلج حجية مادري شقصتهة
بليل اكعد اسويلها حجاب انشاء الله
جدة: على خير لا تتاخر للمغرب عبن الوضع مو زين
جدو: تامرين جملو
وضحكو
جان بهذاك الوقت نسمع بالاخبار عن تنظيم داعش بسوريا وعن شنو جاي يصير بيهم
وكالو احتمال يدخلون للعراق
خلة ايدة بيدي ومشينا جان عندة سيارة نوع
(ميسيبوشي )
فـ براق يسوق ودانا
جان عند جدو فرس اسمها مزن والفرس بنتها الصغيرة اختارها الي سماها لزاز
فاخذ مزن وصعدني وبقة لازم الحبل ويمشي وياها
براق راح للمزارع جان اكو حصاد حنطة وشعير
احنا بقينا بلبستان
بقيت افتر بيها هو راح جاب تفاح وعنب وغسلهن من النهر واجة نزلت ورحت كعدت يمة
شوي واجة واحد
:شلونك شيخنا
جدو: بخير والحمد لله والشكر وليدي
: والله مفتقديك بالجامع مشتاقين الصوتك
جدو: الله يعزك يلطيب انشاء الله وبعون الله صلاة العشاء بلجامع
:فرحتني والله ياشيخ
جدو: دومك بلفرح ابوية اخذ هذن الفواكه للعيال وشال صندوق ونطا اله
:استغفرالله شيخنا خيرك سابق
جدو: خير الله هذا ابني اخذ
راح الرجال واشوفة شلون وجهة يضحك وروحة تضحك من كالة جدو اجي للجامع
جدو حيل محبوب والجبير قبل الصغير يحترمة هو ملأ وشيخ جان يساعد هواية المحتاج والماعندة وعلى الطفل البلشارع يدنك
جدو: نجماتي
نجمة: عنونها
جدو: بعد ابوج تعالي اخذي هذن مني كام يحوش من الشجر ويخلي بصناديق
كملنا
كعدنا
شفتة تعب
اخذت شماغة وكمت امسح وجهة
نجمة: جدة مو كالتلك لا تشتغل الا اكللها
جدو: ابوية انتي هذن لازم ننطيهن للعالم
نجمة: مال شنو
جدو: خيرات لوجه الله حتى الله يبارك بالنعم النطانياها وحتى ميصير فرق بين الفقير والغني
