أّلَلهّـيِّ وجئتـك اشتكي الماً
أنا يالله من هّـمي تعبًت
أللهي لا اشتٌـکْيِّك ظلماً
وانتَ الذي من رﺰقُك يظهر النبت
أّلَلَهّـيِّ ومن سواك بي قد علما
أني على هذا الكون اخفيت حزناً
يعتلي قلبي كلما نِوٌيت البوح بًهّ
مااستطعت
فكن لي يالله دوماً دائماً
انا لولاك اصلاً ماوجدت
ولو ان الكون كل الكون ضدي وقفت ببابك مايأست
مطر قوي واكفة على حافة البناية عيوني تغوش كلما ترعد احط ايدي على حلكي
واردد
سبحان ربي العظيم
سبحان ربي الاعلى
سبحان من سبح الرعد
السجينة بيدي ترجف خايفة دمع يجري على خدي مااعرف مطر بطلت اميز ملابسي مي الهوة قوي عاصفة
قربت السجينة على الوريد البيدي مداميز وين لان الدنيا ظلمة تذكرت كل العشتة قبل 9 سنوات وشلون امي صارت تعاملني شلون حبيتة الزيد رغم گلشي ابتسمت من وصل شريط ذكرياتي للـ 5 اشهر العشتهن ويا
سامحني ياروحي انت سامحني مراح أگدر اگلك على سبب بعدي عنك حبيتك هوواية
مااضحكت عليك ولا ممكن اسوي هيج ياترى يجي يوم وتعرف شگد حبيتك وليش ابتعدت عنك واني رايدتك
ياربي دخيلك ديربالك عليه هو روحي لتخلي يتأذة بسببي اعرف صعبه بس مابيدي حيلة خايفة خايفة خايفة گد ماشهكت صوتي بطل يطلع ياربي مااريد اتزوج اخاف والله اخاف دخيلك ياربي لاتخليني بالنار لان غصب عني الداسوي اعرف حررام بس بطلت اتحمل تعبت اكتم ومحد يحس بيه رجلية احسهم من المي تاخن كعدت شبعت بجي كل صرخة رعد
اني داخلي يصرخ اكثر
تذكرت كلام امي وشلون گالت من تنزلي حيجو ياخذوني كرايبهم
كمت شلت لسجينة واحس شي داخلي يضحك انو راح اخلص من هوايه عذاب واشوف جدو وشي يبجي لان مراح اكدر اشوف زيد مرة ثانية مراح اكدر ابررله مراح اكدر اكله مستحيل اخونة لو اموت مراح اكدر اكله انت لوحيد الامنت بي
خليت السجين غمضت عيوني ايدي ترجف ويا صرخة رعد رعدت جريت السجين حسيت حرورة بيدي بس الدنيا صارت ضوه نشكت السما ضوه ابيض بقة فترة وصوت اذان الله اكبر
الله اكبر
اشهد ان لا اله الا الله واشهد ان محمدا رسول الله وكعت بلكاع من دوخة من رهبة المنظر مااعرف شنو الصار بس السجينة وگعت من ايدي شفت ايدي الثانية بيها دم بس مو هواية
الاحساس وقتها ماينوصف دموعي جفن المطر توقف بس صوت اذان الفجر بالجوامع ومغمضة واردد ويا الاذان لما كمل
استغفر الله يارب استغفرك واتوب اليك
وقتها حسيت انو حكدر احجي ويا زيد مااعرف شلون بس مجرد احساس
نزلت رحت بدلت وشديت ايدي لبست اردانة حتى ميبين
الكل نايمات توضيت تعطرت وعطرت المصلاية جبت صورة زيد و جبت مسبحة لبست محرم الصلاة
وجهت وجهي اليك راضية مطمئنة
اقف بين يديك لكريمتين
انت الاول والاخر
انت المحيي والمميت
انت الذي تقدر ولا يُقدر عليك
الهي اخطئت ومنك السماح
انت العليم مافي الصدور لا يخفى عليك مثقال ذرة في السماء ولا في الارض
اعوذ بك من وساوس الشيطان الرجيم
اللهي كن معي عونا ومعين لا املك سواك ناصرا
