سد الخط وراح وراح گلشي حلو ويا
كعدت بالگاع وراء المسطبة و
شبعت بچي لحد ماا اخر دمعه نزلت من عيوني كمت الخط اجه صعدت وايدي ع خدي وصافنة عشارع واتصفح بمحادثة التلي وسكرنت اغلب المحادثة وحفظتها وفويزات بصوتة
بس هلشي راح يبقالي منه
هو يحب محادثتنا هواية اكثر من مرة گالي من تغيبين اظل اعيد بيها يعني اذا حذفتها راح الچمة
جان امسحها
چنت احضن الكلمة الي تطلع منه اباع عشارع بس مااشوف گلشي غير عيونة وصوت ضحكتة بأذاني ودموعة وشهگتة
شلون نجمة شلون حتكون حياتج بدونة شلون راح أگدر اقاوم هالدنيا بدون ضحكتة شلون يومي حيكون بدونة
شلون أكدر بدون صوتة
وصلت البيت وجانت قايمة القيامة اخوية جاي وعمامي كلهم يمنا وهوسة امشي باتجاهم بس بالي مو يمهم ابدا صوت زيد بأذاني ونبرة صوتة
لاتعوفيني لاتعوفيني لا تعوفيني لا تعوفيني
اني عايفة روحي شلون الي حيل اقاوم هالضغط ورفعت راسي شفت الوجه القذر هلمرة مانزلت عيني بالكاع ولا نهزمت ولا رجفت عيوني لي مليانة دموع جانت تحجي بدالي خليت عيني بعينة وباعت علية بكل قرف بسببكم بسببك خسرت روحي اني
سالت محمد شصاير
محمد: احمد اجة وهاي عمامج متماخلي
ـ دخيلك بس خلي ارتاح لان من طريق راسي راح ينفجر
شفت امي وراء بباب الاستقبال واكفة هي واخواتي ديتسمعو ع الكلام مالي نفس اسمع شي ولا الي حيل احجي او اناقش بشي
حيلي مهدود صعدت للغرفة نزعت شالي ودخلت للحمام اني وملابسي مليت السطلة مي وبديت اذب على راسي وينزل المي ع وجهي العبرة خانكتني خنك بس مااكدر اعيط دموعي تنزل ويا المي مااظنيت بيوم اكون شي تعيس وذكرى مو حلوة بحياة احد لا وبحياة منو الشخص الي حبيتة طلعت من الحمام عيوني مورمة وحمرة دم خليت قطرة عيون مفاد شعري لفيتة بدون تمشيط ايدية توجعني احس حتى فروة راسي توجعني من الالم مكدرت ارفع ايدي على راسي كمت لبست شي عريض كلش وعباية امي وشال ونزلت
شفت سيلا يم الدرج
سيلا: شبيهم عنونج
ـ طب صابون بيهن
:اغسليهم
ـ غسلتهم
:يوجعنج ابوسهن
قربت عيوني الها وكعدت ع رگبتي
تنفخ عليهم الوجع مو بعيوني يروح اختج گلبي يوجعني ياريت لو تنفخي عليه
:هسة طابن
ـ اي بعد ابد مايوجعني
شفت امي جت باتجاهنا وشوي والصوت قوة واحمد طلع من باب الاستقبال الي داخل لبيت واجة باتجاهنا ديمشي يريد يطلع بره لزمتة من ايدة
ـ وووين؟
:اروح ماابقى اهنا
ـ لا تبقى وهسة توكف گدامهم وتگللهم مو اني
امي تبجي سيلا ع بجي امي كامت تبجي
:نجمة وخري
ـ ماااوخر واذا تطلع منا اني الي راح ادخل للاستقبال واحجي واريد رجال يسكتني
