بعدنا زغار حَيَل زغارَ
بعدنا ماعبرناَ العشرة بعدنا
وبينا حچي مثل رماد الجكاير
مرت الايام و الباب يدك دنيا الظهر كاعدين نتغدة
بابا: كملو غدة اني اشوف منو
اتاخر مارجع شوي
وامي گالت
امي:اشوف ابوكم وين صار
طلعت لحكناها اني واحمد ومحمد
جان واحد ملثم بهاي الكلاوات البيها مكان العيون بس ظاهر
ولابس دشداشة الركبتة ووراء اثنين لازم مسدس وخلي على راس ابوية
امي شافت المنظر عاطتتت
من شاف امي عاطت ضرب رصاص فوك بيتنا وطلعو بلسيارة جانت السيارة نوع(قيادة)
فابوية سد الباب واجه حضن امي كال
بابا:ماكو شي طبو جوة يلا
كعد يحجي الامي الصار
بابا: طلبو مني اصير وياهم لو يكتلوني طلع رصاصة من جيبة وخلو هاي بجيبي
امي: كوم كول لابوك الاخوانك
بابا: شتحجين اخواني من وراء بيوتهم يباعون عليه واحد خاتل ورء الشجرة ويباوع والثاني من فوك الحايط والثالث من وراء خزان المي مال الغنم
امي: منصدككك جاي تحجي
بابا: اي همة اصلا رادو يحطوني بالسيارة بس من شافوكم وصياحج مكدرو بعد
امي: شنسوي يرجال هسه
بابا: همة اصلا يريدوني وياهم او اي احد لان ميكدرون يهربون ممنوعات واسلحة احنا على هاي المنطقة عدنا هواية عالم تعرفنا ولان سمعتنة طيبة يريدون يخربونها
بس اني لو يموتوني مااشتغل ويا اليخربون بلدي لو على كص رگبتي
امي: لا تحجي هيج احنا نضيع وين نروح بلياك
وراء يومين بلضبط صار انفجار بالسوك بلمدينة وجانو عمي وابوية اهناك قمعتقليهم
جدي خابر معارفة واصحابه مااعرفلة اثر الحكومة تگول مو يمنا
صار يدور عليه بكل مكان وميلكاه
قبل توفى عمي بحادث لمن راح يودي زوجتة الاهلها من راجع صاير حادث وتوفى
من صدمة الموضوع على زوجتة نشف حليبها
فابنها الي هو جواد امي ماخذتة ترضعة قبل وخاصة بلقرى قليل يجيبون حليب بسترة
عشنا ببيت جدو بعد سنة من الاختطاف طلع عمي سراج بس مجان يعرف شي عن ابوية ولا شايفة وراء مطلع سراج
كامت تجي اتصالات يريدون(فديــة) مقابل ابوية
الامر الخلة جدو يبيع اراضي ومزارع
في سبيل ايامن المبلغ
أمن المبلغ واتصلوا على مكان الالتقاء
وهاج: حچي تعرف هشي انت مراح ينطون اخويه وراح يطلبون اكثر
الحچي: اني مراح ايتم اطفال علمود مال ومزارع العوض على الله
براق: زين واذا منطو خل نفكر بهيج احتمال
همه اكيد مو من الحكومة يا قاعدة يا امريكان
