احببتك في كل الأزمان

البارت التالت

عُبيدة بن الجراح مُواسيًّا عُمر بن الخطاب قائلًا:

يا عُمر،
إنّما هيّٰ أيامٌ ونَمْضِي؛ لا تحزن!

فبكىٰ عُمر وقال:
ا
كُلنا غَيّرتنا الدُّنيا إلّا أنتَ يا أبَا عُبيدَة.🥹♥🌿

كان يزن ينظر لحور التي كانت تتحدث في الهاتف بشرود ولكن قاطعه صهيب وهو يقول بتفسير  /  بتحبها يا يزن
يزن  وهو يظهر عدم المبالاه  /  بحبها؟؟!  بحب مين يا ابني انت عبيط
صهيب /  عبيط اااه قولتلي  يعني عايز تفهمني انك معندكش اي مشاعر تجاهها
توقف يزن عن الكلام لثواني ثم قال بسخرية / مشاعر مره واحده  يا ابني دا انا أول مره اشوفها كان من كام  ساعه صلي علي النبي كده  قال مشاعر قال
صهيب  ببرود  / اممم تمام اوي يعني عايز تفهمني انك معندكش اي مشاعر  تجاهها طب تمام   تقدر تقولي بقي اي سر خوفك وقلقك الزايد علي البنت دي لو مكنش عندك اي مشاعر تجاهها  و أنك لسه متعرف عليها من كام ساعه زي ما بتقول .
يزن / قلق وخوف مره واحده ايه يا بني الكلام ده بلاش هبل حب اي  ومشاعر اي اللي انت بتتكلم عنها دي  ،  بعدها توقف عن الكلام لثواني ثم قال بحزن  / وكمان انا ميلزمنيش  الحب دا و  مستحيل اسمح اني احب حد  ولا حتي هخلي قلبي يدق بالحب لحد  ،  لان  انا لازم اكون دايما لوحدي و مدخلش اي فرح او حب في حياتي  هي فعلا كان معاها حق  اني هبقي وحيد طول عمري ومستحيل حد يحبني او انا احب حد ،  وانا لازم  ابقي كده فعلا و ابقي وحيد طول عمري   لان انا استاهل كده
صهيب بحزن علي حال صديقه / ليه بتعمل كده يا يزن ليه مصمم انك تدمر نفسك  لييييه  ، كل مره اقولك نفس الجمله انت ملكش ذنب في موتها افهم بقي عشان كده متحملش نفسك المسؤوليه ارحم بقي نفسك يا اخي  بقالك 8سنين محمل نفسك المسؤوليه في حاجه انت  ملكش دخل فيها .
يزن بعصبية/ لا ليا دخل و كبير كمان الرصاصة اللي دخلت في قلبها كانت من مسدسي انا  انا اللي قتلتها بإيدي انا لازم اتعاقب علي اللي انا عملته دا  و عقابي الوحيد هو اني محسش بطعم الفرح في حياتي  كلها
صهيب بعصبية هو الاخر / انت ليه مش عايز تفهم أن ده كان واجبك وان هي اللي كانت واحده ...
قاطعه يزن وهو يمسكه بحده من لياقه قميصه  ويقول بغضب شديد / صهييييييب اياك تجيب السيره دي تاني انت فاهم
جاء صهيب ليتحدث لكن توقف عندما سمع صوت حور وهي تقول باستغراب / هو في اي و اي اللي بيحصل هنا و ليه انت مسكه بالطريقه دي  انا مش فاهمه حاجه
يزن بغضب / وانتي مالك انتي ،  تدخلي ليه من الاساس انتي فاكره نفسك مين يعني  محدش علمك من اهلك قبل كده  انك متتدخليش في كلام لا يعنيكي  بس انا اصلا توقعت  كده واحده اهلها مسألوش عليها لحد دلوقتي والمفروض انها مختفية من فتره و مش بعيد كمان  هما اللي بعتوكي ليا عشان تمثلي عليا وتخلينا أحبك  عشان الفلوس مش كده انا كاشف الاعيبكم دي من بدري و  عارف اصلا انكم كلكم رخاص كلكم  بدوروا علي مصالحكم بس و محدش بيفكر في مشاعر الشخص التاني اذا كان ادمر ولا  لا  ، انتو متستاهلوش اصلا ان حد يعبركم او يشفق عليكم لأنكم هتطعنوه في الاخر في ضهره.
حاول صهيب أن يمنعه عن الكلام  ولكن ظل يتحدث بوقاحة عنها وعن تربيه اهلها لها ، بينما  كانت  عين حور  قد امتلئت  بالغضب وهي تسمع لهذا الكلام  من يظن نفسه و كيف يتحدث  عنها وعن اهلها بهذا الطريقه ، ثواني ولم تشعر بنفسها الا وهي تصفعه بشده  وتقول بصريخ وغضب / اخرسسسسسس بقي 
                     انصدم صهيب من فعلتها بينما وضع يزن يده مكان صفعتها ثم قال بغضب جحيمي / انتي ازاي تتجرأي وتعملي كده
حور بعصبيه / انت اللي ازاي تتجرأ و تتكلم عني وعن اهلي بالطريقه دي انت مفكر نفسك مين  ها قوليييييي ، انت مجرد انسان لا تفقه اي شئ  انت مجرد نكره مش اكتر  افتكرتك مختلف عن الكل بس طلعت غلطانه و غلطانه اوي كمان  انت زيك زي الكل انت فاكر اني عملت حوار عليك عشان تحبني و جو الافلام دا لو فاكر كده تبقي غلطان انا واحده الف واحد يتمنوا رضاها بس  ، يعني مش هتيجي وتبص لواحد نكره زيك اما بقي علي حكايه اهلي فأنا اهلي ربوني و كويس اوي و الا  كنت شوفت وش تاني مني دلوقتي علي كلامك ده  وممكن كنت أخفيك من علي وش الارض  بس عشان جميلك اللي ليك عندي و لانك انقذتني ومسبتنيش لوحدي لما اغمي عليا في الطريق  والا كنت شوفت وش تاني و ندمتك علي كل كلمه قولتها في حقي وحق اهلي دلوقتي ،  لان اي حد بيغلط ويتكلم نص كلمه  عني او  عن اهلي بخفيه عن وش الارض  و أسأل اي حد عن حور الصياد و هو هيقولك  اني مبرحمش اي حد بيغلط مبالك  بقي حد غلط فيا وفي اهلي ، علي العموم انا خلصت كلامي دلوقتي وشكرا علي استضافتك ليا وبتمني اني  مشوفكش او اقابلك  مره تانيه ولا حتي عن طريق الصدفة    يلا سلام .
غادرت حور المكان تحت صدمه صهيب الشديدة  من جرأتها وسكوت يزن الغير مبرر لها فلا أحد يستطيع أن يتحدث معه بهذه الطريقه  والا كان قام بإخراج مسدسه وقتله في الحال ومن ثم نظر ليزن لثواني ثم غادر المكان خلفها بينما يزن نظر لاثرها بغموض و تفكير في شئ ما
اما عند حور 
جاءت حور لتخرج من القصر بأكمله وعلي وجهها غضب شديد وهي تتذكر كلام يزن لها  ولكن اوقفها صهيب وهو يقول /  انسه حور استني لو سمحتي
توقفت حور ثم استدارت له وقالت بضيق /  خير انت كمان  فيه حاجه الأستاذ نسي يقولها ليا فبعتك عشان تقولها ولا ايه 
صهيب بجديه / اولا انا اسف علي كلام صديقي ليكي   انا عارف ان يزن عصبي شويه وانك خدتي طابع مش كويس عنه دلوقتي  بس صدقيني لو عرفتيه كويس هتعذريه
حور بسخريه/ اعذره اااه  انا اصلا مش عايزه اشوفه ولا يطلع في وشي مره تانيه  ولا تقول اني  اعرفه كويس ولا معرفهوش وكمان متعتذرش مني انت مغلطتش اللي غلط كان المفروض هو اللي يجي يعتذر مش انت اللي تيجي  ، علي العموم  عايز تقول حاجه تانيه ولا خلاص كده عشان انا عايزة امشي
صهيب / لا عايز اقول ان  حضرتك  مينفعش تمشي لوحدك في الوقت دا  احنا داخلين علي الساعه تلاته الفجر يعني  ميصحش اننا نسيبك تمشي لوحدك في الوقت ده غير كمان ان القصر هنا في منطقه معزوله  وهتاخد يجي  تلات  ساعات علي ما تخرجي علي الشارع العمومي وكمان انا مش هعرف اقولك انك تنامي هنا لحد الصبح بسبب اللي حصل من شويه  عشان كده اسمحيلي إني اوصلك ده  لو مش هضايق حضرتك يعني
نظرت حور له لثواني ثم اومأت له بالموافقة
ابتسم صهيب لها ثم  خرج  ليركب السياره و  حور خلفه
بعد لحظات  في السياره
صهيب بجديه/ انا اسف مرة تانيه يا استاذه حور علي اللي حصل من شويه من يزن بس هو بقي عصبي زياده عن اللزوم  من وقت اختفاء اخوه وهو ...
حور بمقاطعة/ اختفاء اخوه ..
صهيب / ايوا اختفاء اخوه زين ومحدش عارف اذا كان ميت ولا حي ليومنا دا  ومن وقتها و يزن أتغير 180 درجة  ومبقاش وراه حاجه غير انه يدور علي زين ويعرف مكانه فين  حتي البوليس فضل خمس شهور يدور عليه وقالوا ان زين من الممكن  يكون مات لأنهم قلبوا الدنيا علي زين بس ملقوش ليه أثر خالص  لذلك اتوقعوا انه من الممكن يكون مات بس يزن من اول ما سمع الكلام دا وهو اتجنن خالص و رفض دخول البوليس في البحث عن اخوه مره تانيه وانه هو اللي هيعرف يلاقيه بطريقته ، الصراحه انا بعذر يزن جدا وليه حق انه ميصدقش حاجه زي كده عن اخوه لان  يزن كان متعلق باخوه زين جدا لان هو اللي مربيه من وقت وفاه اهاليهم و كان بيخاف عليه  جدا ومستعد يعمله اي حاجه هو عايزه حتي زين كان بيحب يزن  جدا  وكان معتبره ابوه بالظبط بالرغم من أن فرق العمر مش كبير
حور  باستفسار/ طب و إيه سر اختفاء زين اخوه  يعني كان ليه اعداء او حاجه زي كده
صهيب /  اكيد كل واحد ليه اعداء في حياته بس مش ده سبب اختفاءه لان سبب اختفاءه هي لوحه ليوار الاثريه لان قبل اختفاءه كان متعلق جدا انه يعرف سر اللوحه دي  والكلام اللي بيتقال عنها بما انه صحفي  ومن وقتها وهو مختفي يعني السر كله موجود في اللوحه دي  حتي يزن مقتنع ان السبب هو اللوحه دي .
حور بستهزاء /  يعني ناس متعلمه زي حضرتكم ومصدقه  الكلام اللي بيتقال عن اللوحه دي  ده كلام كله fake  عشان يضحكوا علي عقول الناس  وياخدو فلوس من ورا اللوحه دي لان طبعا بعد كلام زي ده اكيد  السياح هيجو من كل مكان عشان يعرفوا عن سر اللوحه وقتها بقي  المتحف هيتشهر  اكتر
صهيب / ممكن  كل شئ ممكن  بس ممكن برضو  كلامي صح وان اللوحه دي ملعونه فعلا وان الكلام اللي بيتقال عنها  كله حقيقي مش فيك  
نظرت حور له بعدم مبالاه  ، ثم قالت بتذكر /  صحيح افتكرت هو  استاذ يزن كان يقصد اي بالظبط لما قال ان  انا جايه اضحك عليه ووقعوا في حبي عشان مصلحتي وعشان الفلوس  مش اكتر وانه كاشف الالعيب دي هو استاذ يزن  كان بيحب حد قبل كده و غدر بيه و خانه عشان الفلوس.
صهيب بتغير الموضوع/ انسي الموضوع ده نبقي نتكلم فيه بعدين  لان اخيرا بقينا قدام بيتك
التفت حور حوليها لتجد  نفسها أمام المنزل بالفعل
حور باستغراب / دا بيتي فعلا هو انت عرفت بيتي ازاي اللي اعرفه اني مقولتش ليك علي مكان بيتي  بسبب انشغالنا في الكلام   فأنت عرفت مكان البيت منين
صهيب بابتسامة/ لان يا استاذه وانتي بتتخانقي مع يزن قولتي انك اسمك حور الصياد بس يا ستي ومين بقي اللي ميعرفش مين هي حور الصياد  اصغر سيده أعمال في مجالها  يعني اكيد  بيتك مش صعب اني اعرفه ولا اي
حور بابتسامة/ اممم تمام يا سيدي و  شكرا كمان علي التوصيله دي ، و اتفضل معايا بقي عشان انا عزماك علي كوبايه قهوه  لزوم التوصيله
صهيب بحزن مصطنع / للاسف يا استاذه حور مش هقدر  اقبل دعوتك المره دي عشان ورايا شغل مهم جدا ولازم اخلصه  عشان كده ابقي خليها مره تانيه  ان شاء الله
حور / تمام بس  المره الجايه مفيش أعذار اتفقنا 
صهيب / اتفقنا يلا سلام
قامت حور بتوديعه ثم دخلت للمنزل
بينما نظر صهيب في أثرها وابتسم و لكن قطع ذلك صوت رنين الهاتف
صهيب بمشاغبه/  اي يا قمر مالك  وحشتك ولا اي
_______
صهيب /  اشطا يا روحي ثواني واكون عندك  يلا سلام