احببتك في كل الأزمان

البارت السادس عشر

إنَّ السَماء لحُضن يتسِع للكلام الضالْ، للحديثِ المُبعثر، للأماني الصِعاب فيها من يُنادي ويستجيب يُلبّي النِداء رحيمٌ قريب🕊.

كانت ملك تستلقي السياره و تسير بها بسرعه جنونيه و علي وجهها علامات الخوف و القلق،  ظلت ملك تتصل علي أحد الاشخاص و هي تترجاها أن ترد عليها إلي أن قامت  بالرد  بعد عده محاولات
ملك بخوف / ألو ألو أخيرا  رديتي عليا  اسمعي بالله عليكي أنا عارفه أنتِ دلوقتي بتمري ب إيه و إن اللي حصل في الفتره اللي فاتت كان صعب عليكي و علينا كلنا  بس   حاولي تهدي بالله عليكي و   متعمليش اللي في دماغك أنا هجيلك دلوقتي و نحاول نحل كل حاجه  ،  ان شاء الله هنلاقي حل  بس بالله عليكي متنفذيش اللي في دماغك فكري في ماما علي الأقل،  ماما اللي مستعده تعمل أي حاجه عشانك   ،  صدقيني ماما مش هتقدر تستحمل كل دا.
تكلمت الفتاه بانهيار / مبقاش ليه لزوم صدقيني  يا ملك ،  أنا حطيت للأسف سمعت أهلي في الأرض خلاص  و حتي بابا مات من العار اللي سببته ليه أنا مستهلش إني أعيش صدقيني، و يمكن دا الحل الوحيد عشان العار اللي سببته يتناسي مع إني عارفه إن   دا صعب   للأسف.
ملك بإنهيار / لا متقوليش كده أرجوكي أنا هحل كل حاجه أنا خلاص رجعت و مش هسيبك تاني عمري ما هسيبك صدقيني  أنا عارفه أنتي مريتي ب إيه من وقت ما سيبتك لوحدك  لحد دلوقتي، بس  بالله عليكي استنيني بس أنا أقل من دقيقه و هكون عندك و هنقعد و نحل كل الأمور   ،  ثم أكملت حديثها  ببكاء / بالله عليكي أنا مش عايزه أخسر حد تاني كفايه عليا  لحد كده بقي  ،  أنا عارفه إني شيلتك ذنب أنتِ مش سببه أنا أسفه بجد أنا أسفه بالله عليكي أنا مش هقدر أخسرك أنتي كمان أنتي كل  حياتي  ،  أنتي الشخص اللي عايشه عشانه بالله عليكي ما تعملي اللي في دماغك دا   ،  ما تخليش شيطانك هو اللي يسيطر عليكي و علي  عقلك  .
بكت الفتاه بشده  و هي تستمع لحديث ملك  ثم قالت   / متعتذريش  أنتي مش غلطانه صدقيني لإن  الغلط كله كان عليا أنا  ، أنا اللي كنت أنانيه كنت عايزه أخُد  كل حاجه حب أهلي و حب كل الناس اللي حواليا كنت عايزه اكون أنا مصدر الإهتمام الأول في كل حاجه لدرجه إني خدت حاجه مكنتش ليا في الأساس، خدت كل حاجه كانت المفروض تبقي ليكي أنتي يا ملك  ،  كنت  أنانيه لأبعد الحدود  ،  و بعد دا  كله  بتعتذري ليا؟؟  ،  عشان اي  الاعتذار  دا ،  عشان خدت منك سعادتك و خدت منك كل حاجه  و لا عشان إي بالضبط  ،  صدقيني يا ملك باعتذارك دا خليتني أندم أكتر علي كل اللي عملته و علي أذيتي ليكي،  بس خلاص كل دا هيتغير،  كل حاجه هترجع لمكانها الصحيح، ثم قالت ببكاء أكثر  / أنا أسفه يا ملك علي كل حاجه أنا بعتذرلك علي أنانيتي  ...
قاطعت ملك كلامها فها هي قد وصلت للمكان آخيرا   ،  فالمكان كان عباره عن شركه ضخمه ذات ثلاثين طابق 
نزلت ملك من السياره و هي تحاول أن تجعلها تهدأ  /  و أنا مسامحاكي علي كل حاجه فاتت صدقيني و مش زعلانه منك علي أي حاجه من دوول ،  و دلوقتي هنرمي كل حاجه ورا ضهرنا و نبدأ من جديد عيله واحده  و سعيده و نسافر نروح مكان جديد نبدأ فيه من أول و جديد  و ننسي كل حاجه حصلت.
كانت الفتاه تستمع لكلامها و  تحاول أن تمنع نفسها  من أن تضعف و لم  تنفيذ التي  بدأته  ،  ثواني وقالت بمقاطعه  / مبقاش ينفع الموضوع دا خلاص يا ملك   ،  لإن مهما بلغت السعاده اللي هنعيشها برضو هنفضل نفتكر  دايما اللي حصل و اللي أنا عملته و مش هنقدر ننسي عمرنا   ،  و الماضي دا مش هيخلينا نعيش أبدا حتي لو غيرنا المكان  و سافرنا لأبعد مكان في العالم كله ذكريتنا هتفضل ملاحقانا صدقيني،  عشان كده مبقاش فيه غير الحل دا،  أنا عارفه إن الحل دا ممكن يكون غلط   بس هو دا الحل الوحيد اللي عندي عشان أنتو تعرفوا تعيشوا .
ملك بانهيار / أنتي ليه مش قادره تفهمي حقيقه إننا بنحبك و منقدرش نعيش من غيرك أنتي روحنا و النفس اللي بنتنفسه   ،  إحنا مش هنقدر نعيش من غيرك صدقيني  ،  ذكريتنا دي ما هي إلا دافع عشان متخلناش نعمل الغلط دا و نتعلم منه في كل مره هنحاول  نعمله أو نقع فيه.