احببتك في كل الأزمان

البارت الحادي عشر

الخوف المستمر من المستقبل يجعلك لا تعيش حاضرك في سعاده و ستظل مهموم و حزين من المجهول الذي سيحدث لك في المستقبل سواء كان المجهول هو نتيجتك او وظيفه تحلم بها أو كليه او غيره لا تفكر كثيرا ماذا سيحدث لك غدا بل لا تفكر ماذا سيحدث لك بعد ثانيه من الان و لا تسمح بدخول القلق ل قلبك و عيش كل لحظه ب لحظه و ارسم دائما الابتسامة على وجهك و عيش حياتك سعيدا ☺

حور بسخريه و هي تنظر ل يزن و هو يحمل شعلة النار / إرمي يا ابني اللعبه اللي معاك دي بلاش فضايح قدام الافاعي قال حته الشغله دي هي اللي هتموت الافاعي دي كلها يا اخي تبا لأحلام البسطاء
نظر يزن لها بشر ثم قال / اقسم بالله يا حور يا بنت أم حور لو ما اسكتي شويه لأكون مولع فيكي انتي انا بعرفك اهو و كمان يا أختي بما انك بتستخفي ب حته الشغله دي يبقي انزلي بقي يا ماما من علي الحصان وورينا مهاراتك و ازاي هتعرفي تخلصينا من الافاعي دي

نظرت حور له باستفزاز ثم اشارت له ( انها لا تفرق معها )
نظر يزن بضيق ثم تقدم بخطوات نحو حجر الافاعي و بهدوء شديد إلي أن وصل إلي الحجر ثم القي الشعله فيها بعد أن ذكر اسم الله و من ثم ركض مره آخر تجاه الحصان و استقله سريعا و بعَدَ قليلا عن المكان و حور أمامه تنظر بحزن و تضرب كف علي كف / لا حول ولا قوة الا بالله لا حول ولا قوة الا بالله
أوقف يزن الحصان ثم قال باستغراب / اي دا  مالك
حور بحزن / مش عارف مالي يا استاذ ، اي اللي انت عملته دا يا استاذ يا عدو الانسانيه و عدو التعبانيه و الافعانيه يا مدمر البشريه
يزن  / ايه ايه ايه ايه عشان اي دا كله هو انا عملت حاجه يا بنتي و أنا معرفش
حور بحزن / عملت حاجه ؟؟ ، قول ايه اللي انت معملتوش يا عدو الفرحه يا أناني يا عديم القلبيه و الانسانيه
يزن بملل / انجزي يا حور و قولي أنا عملت اي عشان افهم.
حور بحزن و تأثر / ليه عملت كده ، نظر يزن لها بتعجب بينما هي أكملت حديثها ليه رميت شغله النار في حجر الافاعي متعرفش ان ممكن يكون موجود أفاعي صغننه في قلب حجر الافاعي يا عدو الحيوانيه أااه يا قلبي اااه أنت منين جيبت القساوه دي يا ابني  ،  ظلت حور تعاتبه و تتحدث بينما هو ظل ينظر لها ببلاهه قبل أن يصرخ قائلا / اسكتيييييي اسكتي يا مصيبه اااه اااه يا شللي اااه ما هو فعلا انا مكنش المفروض اولع في حجر الافاعي لأني كان المفروض الاول اني اولع فيكي و اخلص منك قال أفاعي صغننه قال مصيبه ووقعت في راسي انا عارف ، ثم رفع يداه و نظر إلي السماء و قال / يا رب صبرني يا رب انت اللي عالم ب حالي يا رب العالمين خلصنا من البلوه دي عشان هموت بسببها في يوم من الأيام
نظرت له حور بضيق ثم قالت بتذمر/ اي يا سي يزن هو انا عملت اي لده كله يعني  ،  فعلا خيرا تعمل شرا تلقي،  هو كده دايما المظلوم جايين عليه

نظر يزن لها  و هو يرفع حاجبه ثم نظر في تجاه آخر و هو يتجاهل حديثها بينما أكملت حور حديثها / اي يا سي يزن محدش علمك و انت صغير ان لو في سيده قموره عسوله طيوبه جدعه و بنت ناس أكابر دا اللي هو انا يعني بتتكلم المفروض انك متتجاهلهاش لان دا غلط و لا يصح بالمره و المفروض انك متجاهلش ست بتكلمك يا استاذ
نظر يزن لها ثم قال ببرود / و فين الست دي ان شاء الله
فتحت حور عينها بصدمة و ظلت تفتح و تغلق عينها و تشير له بمعني( ماذا تقصد )، بينما ضحك يزن علي منظرها بينما هي قامت بالخناق معه و ظلت الخناقه هكذا قليلا إلي أن هدأت ثم نظرت له و قالت بهدوء / هنعمل اي مع الافعي الكبيره
يزن بتركيز و هو يشير ليها إلي شئ ما / عايزين نوصل ل ده
نظر حور له بغباء لثواني ثم نظرت إلي ما ينظر له و بعدها فتحت عيناها و قالت / نعم ذيله
أومأ لها يزن بالإيجاب
حور و هي تبلع ريقها / احيييه دا شكلنا كده داخلين علي دقايق ما يعلم بيها الا ربنا