لماذا افتقدك هكذا بالرغم من أنني أنا التي اختارت البعد لماذا تستمر صورتك في ملاحقه قلبي و عقلي دائما، كنت أظن بأني اذا قمت بأخبارك أني أريد الانفصال و البعد عنك فإن بذالك ستكون النهايه اذا فلماذا تشغل كل هذه المساحه من عقلي لماذا تشغل كل وقتي هكذا ، أنا لم أعد أطيق كل هذا فأرجوك أخبرني ماذا أفعل حتي أنساك لإني حقا أتألم بشده كلما تذكرتك أو فكرت بيك.
عادت ملك للمنزل و هي تشعر بالخوف الشديد من والدتها فهي برغم من شجاعتها التي تظهرها دايما إلا انها تخاف و بشده من هذه المرأه .
وما ان دخلت ملك للمنزل و أغلقت الباب خلفها ببطئ حتي لا تشعر بها أمها إلا أن وجدتها خلفها تجلس علي أحد الأريكه و تنظر لها و علامات الغضب ظاهره علي وجهها
ملك بخوف / ما.. ماما أنتي اي اللي مصحيكي لحد دلوقتي
تكلمت الام بعصبيه و التي كانت تدعي سميره / ليكي عين تسألي يا قليله الحيا كنت فين يا بت لحد دلوقتي خلاص مبقاش عندك ذره شرف بقيتي ترجعي متأخره كل ليله و التانيه ، عايزه تفضحينا هنا كمان مش كفايه فضحيتك زمان اللي بسببها سيبت بلدي و اهلي عشان اداري العار اللي انتي سببتيه لينا عايزه كمان تفضحينا هنا يا ست ملك.
شعرت ملك بغصه من كلامها فهي فعلا وطت راسها و راس الجميع بسبب حبها لهذا الشخص فقد دمرت نفسها بنفسها فهي إلي الان لم تسامح نفسها علي فعلتها هذه حتي انها لا تصدق انها فعلت هذا .
نظرت ملك لها و هي تحاول ألا تنزل دموعها و قالت / أنا أسفه يا أمي مكنش قصدي أتأخر و لا كان قصدي إني انزل راسك بس أنتي عارفه ان كان لازم ندفع الايجار المتأخر عشان كده كان لازم اشتغل عشان ندفع بدل ما نطرد من البيت
سميره بتشنج / و يا تري يا روح أمك عرفتي تجيبي الفلوس
أومأت لها ملك بالايجاب ثم قامت بإخراج من حقيبتها فلوس كثيره ووضعتها امامها / أيوا جيبتهم يا أمي و يمكن أكتر كمان ، دوول عشرين ألف جنيه
فتحت سميره عينها بطمع ثم أخذت النقود و ظلت تشم و تبوس فيهم ثم ظلت تعد فيهم و كأنها نست عصبيتها عليها منذ قليل ، بينما نظرت ملك لها بحسره و حزن ، فللأسف والدتها تحب الفلوس أكثر منها ، لدرجه إنها نست أن تسألها كيف أتت إلي المنزل في وقت مثل هذا و من جاء لتوصيلها فكل ما يشغلها هو النقود فقط ، أما سميره فعندما انتهت من عد النقود و عدلت من هيئتها قالت بتفكير / إلا يا ملك يا حبيبتي شغل اي اللي اللي يجيب الفلوس دي كلها في يوم
ملك بهدوء / انهارده شذا طلبت مني خدمه و لما عملتلها حولت الفلوس دي علي حسابي و أنا سحبتهم عشان الايجار و الباقي تخليه معاكي عشان تصرفي منه علي ما أقبض من الشركه
سميره بابتسامه و كأنها اتغيرت بالكامل / طول عمرك بنت أمك يا بت يا ملك و رافعه راسي ، و كمان حافظي علي البت شذا دي لأنها بنك متحرك لينا، هي دي الصحبه التمام مش زي البت بسمه اللي انتي كنتي مصاحباها
شعرت ملك بالحزن و هي تتذكر صديقتها القديمه و التي رفضت والدتها أن تصاحبها لأنها فقيره ، و من أجل والدتها فقط قامت بقطع علاقتها بيها ، و لكن حاولت أن تتماسك ثم قالت لوالدتها / تمام يا أمي هتعوزي حاجه مني لإني دلوقتي هدخل أنام عشان ورايا شغل بكره ان شاء الله
سميره و هي تنظر للفلوس / لا يا حبيبت أمك مش عايزه
اومأت لها ملك ثم جاءت لتدخل الغرفه و لكن اوقفتها امها و هي تقول بتذكر / اااه صحيح كنت هنسي بقولك يا ملوكه أنا عايزاكي تقدمي استقالتك خلاص من الشركه دي
نظرت ملك بصدمه ثم قالت / ايييييي؟.؟
نظرت سميره باستغراب / مالك اتصدمتي كده ليه ، هو أنا بقولك روحي أقتلي نفسك دا أنا بقولك استقيلي مش أكتر
ملك / بس يا ماما أنا مرتاحه في الشركه ليه عايزاني استقيل
سميره بتشنج / مرتاحه في الشركه أم ألفين جنيه في الشهر أنتي بتهزري أكيد فكك من راحتك دلوقتي هما الالفين جنيه دوول هيعملوا اي و لا هتفضلي تتكلي علي شذا صاحبتك كتير و تعملي خدامات ليها عشان تتصدق عليكي بكام قرش من معاها
شعرت ملك بالحزن من كلام والدتها فكيف تقول لها هذا هل لهذه الدرجه لا تهتم براحتها و الاشياء التي تحبها هل لهذه الدرجه تحب الفلوس أكتر من سعادتها وراحتها
تنهدت ملك قليلا قبل أن تقول بألم / تمام يا أمي هقدم استقالتي بكره ان شاء و هدور علي شغل جديد براتب أكبر يبسطك متقلقيش
عادت سميره لهدوئها و هي تقول بابتسامه مستفزه / لا يا روحي مدوريش كتير و تتعبي روحك أنا خلاص لقيت شغل كويس ليكي، و هيعجبك أوي
ملك باستغراب / شغل شغل اي؟؟
سميره بشرح / أصل أنا انهارده خير يعني الراجل بتاع الجرايد لقيته جايب لينا الجريده زي عادته ف بقرأها عادي لفت نظري إعلان لوظيفه ممرضه في أحد أكبر المستشفيات في مصر و مرتب عشر تلاف في الشهر تخيلي هتخدي عشر تلاف جنيه مره واحده في الشهر يعني وقتها نقدر نجمع و نجيب شقه ملك و نسيب بقي الشقه المعفنه اللي شويه و هتقع علينا دي ، و نعيش فل الفل
ملك بتفكير / بس يا ماما إزاي هتقبل و دا مش تخصصي من الأساس
سميره / مش تخصصك ازاي اومال الكورسات اللي انتي خدتيها دي اي مش كنتي واخده يا بنتي كورسات في الاسعافات الاوليه ووخده شهاده كمان كإنك متخرجه من كليه تمريض يبقي ازاي مش تخصصك
ملك/ ايوا يا ماما بس.....
سميره بحزم / ما بسش و لا حاجه أنتي لازما تتقبلي في المستشفى دي بأي تمن لازم تتقبلي يا ملك و إلا وربّ و ما أعبد ما هخليكي تعيشي في البيت و لو لثانيه واحده أنتي فاهمه
اتصدم ملك من رد فعلها فكيف ستترك بنتها في الشارع هكذا من أجل وظيفه؟..
لحظات و قامت بتنضيف كل هذه الافكار من دماغها فهي تعلم ان والدتها لا تهتم بأي شئ إلا الفلوس ، خرجت ملك من شرودها ثم قالت بهدوء / تمام يا أمي هعمل أي حاجه عشان اتقبل في المستشفى دي لو كان دا هيسعدك.
نظرت سميره لها بابتسامه ثم اقتربت منها ووضعت يداها علي رأسها و ظلت تلمس علي شعرها و هي تقول / أيوا كده دلوقتي بقي بقيتي فعلا بنتي المطيعه اللي أنا بحبها
قالت كلامها ثم ابتسمت لها ابتسامه مجنونه ثم تركتها و غادرت إلي غرفتها، بينما نظرت ملك في أثرها بحزن لثواني ثم ذهبت إلي غرفتها هي الاخري
أنت تقرأ
احببتك في كل الأزمان
Adventureكانت مجرد لصه تبحث عنها المخابرات من جميع أنحاء العالم إلي أن قررت أن تقوم بسرقه لوحه ملعونه من آلاف السنين لتجد نفسها في عوالم مختلفه عبر الزمن و معاها أذكي ضابط من المخابرات ليكتشفوا أشياء غريبه لم تكن في الحسبان و مواجهه أشياء أغرب فماذا سيفعلو...
