احببتك في كل الأزمان

البارت الخامس

"الفضفضة" نوع من التعري، فلا تعري ضعفك إلا لمن يهتم لسترك فليس الجميع يهتم بك ♡
تبدأ روايتنا علي هدي التي كانت تجلس تشاهد التلفاز بملل فالوقت تأخر كثيرا و اختها لم تعود الي المنزل
هدي بملل / يوووه بقي انا زهقت اوي هي حور مالها اتأخرت كده ليه .
انا بقول اقوم اتصل عليها احسن لأني مليت اوي من القاعدة لوحدي
بينما جاءت هدي لتتصل علي اختها فجأها اتصال من رقم مجهول
هدي باستغراب/ اي ده رقم غريب دا مين دا كمان اكيد دي حور ما انا خلاص اتعودت علي الأرقام الغريبه اللي بتكلمني منها كل شويه
قامت هدي بالرد علي المكالمة الي ان انتهت من حديثها
هدي / السلام عليكم يا أخت حور بتكلميني منين دلوقتي دا كله تأخير يا أستاذه مش عارفه يعني إني مش بعرف أنام غير لما تكوني موجوده و لا خلاص إتعودتي علي السهر برا.
الشخص المتصل باحترام / وعليكم السلام معايا استاذه هدي سكرتيره انسه حور
الشخصيه.
( كانت حور قد عرفت الجميع ان هدي صديقه ليها منذ أن كانت في فرنسا و أن أهل هدي توفوا لذالك قررت بأن تجعلها تسكن معاها في البيت لانها وحيده مثلها وجعلتها سكرتيرة خاصه بيها ومحدش يعرف انهم اخوات لحد الان )
هدي والقلق مسيطر عليها / ايوا مين معايا
الشخص / معاكي الضابط سالم حمدان من قسم حوادث المرور
هدي بخوف / أيوا اتفضل خير
سالم باعتذار / للاسف مفيش خير
هدي بمقاطعه و هي تشعر بنغزه في قلبها / تقصد إي إن مفيش خير هو حور حصل ليها حاجه لسمح الله.
سالم بهدوء / البقاء لله يا استاذه هدي الانسه حور للاسف تعيشي أنتي
هدي بعدم استيعاب / حور مين حضرتك أنت أكيد غلطان في الرقم حضرتك أنت متصل علي بيت حور الصياد أنت فاهم أنت بتقول اي حور مين بس اللي بتعزيني فيها أكيد أنت غلطان
سالم بهدوء / أنسه هدي أنا عارف و مقدر اللي أنتي فيه بس للأسف دي الحقيقه، أحنا لقينا عربيه الانسة حور عامله حادث خطير علي طريق الغابه ودلوقتي الجثة في المشرحة فأحنا اتصلنا بحضرتك عشان تيجي تعيني الجثه بنفسك لأنك انتي الشخص الوحيد اللي كان قريب جدا من الأستاذة حور و كمان صديقتها الوحيده ، فلو ينفع يعني حضرتك تيجي دلوقتي المشرحة ضروري عشان تتأكدي اذا كانت دي فعلا الانسة حور او لا، ألو انسه هدي انتي سمعاني .
كانت هدي تستمع لكلامه وعلي وجهها علامات الصدمه ولا تستطيع الكلام او الرد عليه فهي تظن انها الان في كابوس تريد الخروج منه بكل الطرق فكيف يخبرها هذا بأن أختها و أمها التي قامت بتربيتها بأنها توفت كيف يقول بأن حور تركتها الان فهي وعدتها بأنها لم تتخلي عنها ابدا او أن تتركها وحيده
هدي بهستيريا و عدم تصديق لكلامه / لا لا اكيد ده كدب حور وعدتني انها مستحيل تسيبني ابدا لوحدي انت اكيد كداب مستحيل دا يحصل انا لسه عايشه وقلبي لسه بيدق لحد دلوقتي يبقي اكيد حور محصلهاش حاجه بالله عليك راجع أدلتك كويس أنت متخيل الكلام اللي أنت بتقوله.
سالم / استاذه هدي أنا عارف اللي انتي فيه دلوقتي مش اي حد يقدر يستحمل الكلام اللي زي ده ، بس دي الحقيقه للاسف ، عربيه استاذه حور عملت حادثه بالفعل و كل الأدلة مطابقة أن اللي كانت في السياره وقت الحادثه هي انسه حور وكمان استاذ صابر عثمان كان موجود وقت الحادثه و هو أكد لنا المعلومه دي ، واحنا حاليا مستنين تقرير الطب الشرعي عشان نتأكد اذا كانت هي فعلا ولا لا
هدي بغضب معمي / صابر عثمان كان موجود وقت الحادثه
سالم بتأكيد / ايوا يا فندم وهو اللي بلغ كمان عن مكان الحادثه
هدي بغضب معمي / تمام ، انا جايه حالا علي المشرحة ممكن بقي تقولي المكان فين بالضبط
كان سالم يشعر بتفاجأ كبير من تغيرها المفاجأ و لكن خرج من ذالك سريعا و أخبرها عن المكان ، بينما هدي اغلقت المكالمة الي ان انتهت من حديثها و عرفت مكان المشرحة منه و هي تتوعد لهذا صابر .