الجمال الخارجي مَفيش أسهل منّه، لو جسمك مليان تعرف تخس، ولو رُفيّع ينفع تتخن، لو أسمر ينفع تفتَّح بشرتك، ولو شعرك قُصيّر يطول بإكستنشن، والعين تتلون بلينسز، يعني شوية فلوس مع جُهد هتوصل لنتائج مُرضية.
لكن الجمال الداخلي دا مش عند أي حد ومش سهل الوصول إليه .. الطيبة، الأدب، حُب الخير للغير، الحنيّة، العين المليانة، الجدعنة .. الصِفات دي هي الجمال الحقيقي وهي دي اللي بتلفت الانتباه وبتحلّيك في عين أي حد يشوفك، أما الشكل والجسم والحاجات دي تدخُل بيها مُسابقات جمال لكن ما تدخُلش بيها قلبي أو قلب إنسان ♥️
وقفت حور وعلامات الصدمه ظاهره علي وجهها / انتتتتتتتت
نظر هذا الشخص لها باستغراب ، بينما هي أكملت حديثها / انت بتعمل اي هنا و قدرت تدخل في العالم دا ازاي
ظل الشاب ينظر لها و علامات التعجب ظاهره علي وجه بينما ركضت هي ناحيته بسرعه شديده الي ان صارت أمامه مباشرة ، و من ثم ظلت تنظر له بتمعن حتي تتأكد انها لا تحلم و أنه موجود بالفعل معها في هذا العالم هل حقا هي تري الان يزن الرفاعي الشخص التي قامت بمقابلته في زمانها و التي قامت بصفعه ،فهذا الملك يشبه كثيرا يزن الرفاعي ، ظلت حور تنظر له بعدم تصديق ثم تحدثت وعلي وجهها علامات الفرحه
حور بابتسامة/ أنت حقيقي صح مش بحلم مش كده الحمد لله يا رب الحمد لله اخيرا لقيتك ، يا جدع دا انت متعرفش اللي الواحد مر بيه الحمد لله يا رب الحمد لله
تحدث الملك بجهل / انا لا افهم شئ ما الذي تقوليه و من أنتي و ما هذه اللغه الغريبه التي تتحدثي بيها انا لا افهم شئ تحدثي بلغه نستطيع أن نفهمها
حور وهي تضربه علي كتفه بهزار / عليا انا الكلام ده يا خلبوص لا بس لبس الفراعنه اللي انت لابسه ده هياكل منك حته مقولتليش يا يزون دخلت العالم ده ازاي ها قولي
الملك بعصبية وصوت جهوري/ اصمتي أيتها الغريبه أخبرتك أن تتحدثي بلغه نستطيع فهمها ما هذه اللغه انا لا افهم
حور بصريخ / بتعلي صوتك عليا ليه انا دلوقتي الله و لا عشان ربنا كرمك و مخليك ملك يبقي تعلي صوتك عليا دا ايه دا يا ربي و كمان ليه مبين انك مش فاهم كلامي يا استاذ يزن اومال لو مكنتش بقي ضرباك في العالم بتاعنا كنت عملت اي فيا استغفر الله العظيم يا رب أستغفر الله العظيم
الملك و هو يكاد أن يفقد أعصابه/ اذا تحدثتي مره اخري بهذه اللغه سوف أفصل رأسك عن جسدك هل تفهمين
وضعت حور يداها علي رقبتها بخوف / تفصل راسي مكنش قلم يعني اللي ضربته عشان تعمل فيا كده يا شيخ حرام عليك اي معندكش حرمه معندكش مشاعر معندكش أكل عشان هموت من الجوع و الله بقالي يومين مكلتش ااه يا بطني يا اللي عماله تصفر و تطلع أصوات من كتر الجوع و علي رأي المثل آسي آسي وجرح إحساسي وهسيبه يآسي و مش هسمي عليه
صرخ الملك بعصبية في الحراس و قال/ أيها الحراس خذوا هذه الفتاه الغريبه من أمامي و قوموا بوضعها في السجن الان حتي نعلم من هذه ومن أين أتت لقد انفجر رأسي منها
أومأ له القائد ثم أشار للحراس بإمساكها بينما بلعت حور ريقها / سجن انا سمعت صح مش كده مكنش قلم يعني اللي يخليك تحطني في السجن بالطريقه دي يا أستاذ يزن، بالله عليك سامحني سامحني يا سيد المعلمين والله انا اسفه اعتبرني عيله وغلطت اعتبرني عيله بلاش السجن بلاش السجن بلاش السجن، ثم نزلت علي الارض وهي تمثل بدراميه ، بينما نظر لها الملك بحاجب مرفوع و من ثم أشار للحراس بأخذها
جاء الحراس سريعا و قاموا بإمساكها ، بينما تحدثت حور بيأس/ يعني مفيش أمل خالص أنك تحن عليا و تسيبني و مدخلنيش السجن
ظل الملك واقف ينظر لها ببرود ، بينما هي هزت رأسها بيأس / يبقي مفيش فايده انا عارفه ان حد باصق في ام حياتي دي يلا بينا يا رجاله علي السجن شكله كده مش هيحن و يسيبني
أنت تقرأ
احببتك في كل الأزمان
Przygodoweكانت مجرد لصه تبحث عنها المخابرات من جميع أنحاء العالم إلي أن قررت أن تقوم بسرقه لوحه ملعونه من آلاف السنين لتجد نفسها في عوالم مختلفه عبر الزمن و معاها أذكي ضابط من المخابرات ليكتشفوا أشياء غريبه لم تكن في الحسبان و مواجهه أشياء أغرب فماذا سيفعلو...
