احببتك في كل الأزمان

البارت الرابع عشر

لم أكن أعلم أنك سوف تمحي كل آلامي سوف تمحي كل أساوه العالم، كنت أنت اليد التي أسندت إليها حتي اخرج من الظلام الذي يحيط بي و اتوجه إلي النور الذي أصبح جزء مني الان ، كنت أنت الخير الذي ارسله لي الله بعد كثير من الآلام ، كنت أنت الداعم و أنت السند لي في هذه الدنيا، و أحمد الله في كل ثانيه أنك في حياتي .

وقفت حور بتعب و ظلت تنظر يمين و شمال باحثه عن المكان الذي يأتي منه الصوت
حور بخوف / أحييه اي الصوت دا ميين
الصوت / أنا
حور بتريقه / بجد و الله أنت دا أنا أفتكرتك هما لا بقي دا حياتي بقت أفضل بكتير أنا حسيت فعلا بالتغير، سكتت لثواني ثم أكملت بعصبيه / ما تنجز يا جدع أنت، أنت مين شبح و لا عفريت و لا إيه بالظبط
تكلم الصوت بقرف /عفريت إي يا معفنه اخص عليكي و علي تربيتك مش عارفه صوتي يا هانم
حور بتشنج / أيوا يعني صوت عمرو دياب و لا مين
تكلم الصوت مره اخري بضيق / أهو حسك الفكاهي دا هو اللي موديكي في داهيه لا يا أختي مش صوت عمرو دياب و لا حاجه دا صوت أحلي
حور / أيوا برضو أنت مين عايزه أفهم
الصوت / حنظري فنظري كده
حور بغيظ / أقسم بالله لو ما نطقت لخليك تتكلم مع نفسك كده و ما هرد عليك أنجز قول أنت مين
الصوت / بجد و الله أنتي مش عارفه أنا مين
توقفت حور عن الكلام و لم ترد عليه، بينما تكلم هو بضيق / خلاص يا ست حور متتقمصيش هقولك أنا مين، نظرت حور باتجاه الصوت لتسمع رده، بينما هو أكمل حديثه قائلا / أنا يا ستي صوتك الداخلي
حور بغباء / صوتي الداخلي ؟؟! ، اي صوتي الداخلي دا

الصوت / مش عارفه يعني اي صوت داخلي يا متعلمه يا بتاعت المدارس
حور / انجز يا جدع أنت متصدعناش يا تقول يعني اي يا أما تمشي و مسمعكش تاني
الصوت بغيظ / أنتي بتتكلمي معايا كده ليه يا بت أنتي هو الاحترام دا معدش عليكي قبل كده
حور / تصدق وتؤمن بالله هتصدق أن شاء الله لو مش حسناتي قليله .. و مجمعاهم حسنة ورا حسنة ... ومخبياهم ليوم لا ينفع فيه مال ولا بنون ... كنت قولت كلام هعرفك بقي وقتها يعني اي احترام لدرجه أن الأولياء والصالحين كلهم ما يشفعولي أنت فاهم يا صوت الغبره أنت
الصوت بخوف / خلاص يا ستي إي محدش يعرف يهزر معاكي علي العموم يا روح قلبي الصوت الداخلي دا اللي هو صوت عقلك الباطن فهمتي
حور بغباء / دا اللي هو ازاي لمؤاخذه

الصوت بضيق / هو اي اللي إزاي
حور بشرح / يعني ازاي أسمع صوتي الداخلي اللي هو صوت عقلي الباطن إزاي أسمعك اساسا الواحد هيتجنن يا جدع
الصوت / يعني سيبتي كل اللي أنتي فيه ده و هتتجنني عشان سمعتيني يا شيخه اتنيلي
حور بتفكير / صدق اقنعتني، كلامك مقنع برضو
الصوت / مش قولتلك يا بنتي أنا عقلك يعني لازم أكون بقول كلام مقنع و كلام كله حكم
حور بفخر / فعلا يا واد يا وحيد كلامك مقنع اااه أهو كده معقوله شويه اااه
الصوت بغباء / وحيد؟؟؟
مين وحيد دا
حور بابتسامه / أنت وحيد يا حبيبي ما أنا خلاص هسميك وحيد من هنا ورايح
الصوت /نعممممم لا يا ستي مش موافق
حور باستفزاز / مش لازم أنت توافق المهم إنه عجبني يلا مع السلامه أنت يا وحيد يا وحيد يا وحيد
الصوت / متقوليش أم الاسم دا بيعصبني
حور /يعني بيعصبك اسم وحيد يا وحيد و لا بيعصبك إني بقولك يا وحيد بكلمك بجد و الله يا وحيد
الصوت / حد قالك قبل كده إنك عيله مستفزه
حور بصدمه / عيله؟ أنا عيله طب غور من هنا غووووور
و قبل أن تسمع رد من صوت عقلها، سمعت صوت يزن و هو يقول لها باستغراب / حور أنتي بتكلمي مين