لكل شيء قدر

البارت السادس "

يا گلبي
يالما بيك ظنّة
اركد ولك ..
مامش محنة
لا بالغريب و لا بهلنا

_________________

قمر //

تعرفت على الابنيه وصرنه صديقات
نروح سوة ونرجع سوة حتى مصارت
عندي سالفه غير رقيه ندرس ونلعب
وناكل ونشرب سوا تعودت عليها حيل
تعودت  مرت الايام وكملنه دوام وامتحانات وصادف يوم توزيع النتائج
رحنه اني ورقيه استلمنه النتيجه
الحمدلله اني ورقيه طلعنه ناجحات
مرت من يم بنات عمي شفت بنت عمي تبجي ضليت اباوع الها شبيها؟ ردت احاجيها اشو هاي بس شافتني هجمت عليه

تبارك::-اي انتي جايه تشمتين بيه لان انتي ناجحه واني راسبه ولووو هيهه حضوووض العارات تنجح واحنه الزينين نرسب

رقيه::-هيوو هيوو شكوو هجمتي عليها؟ شحاجتج هيهه؟؟ شكالت اشو الحمدلله البنيه لا فاكه حلكها بحجاية ولا صخام انتي اندرعتي من يمج

تبارك::-شنوو عينيي انتي صايرا محاميه الست قمر؟؟؟ تحجين بمكانها؟

رقيه::-لا محاميه ولا شي صديقتي واختي بنفس الوقت وادافع عنها
وحتلو جانت مو صديقتي قمر وياها الحق واني وي الحق مو وي الباطل

تبارك::-خوش عمي خوش ضلت بس المزعطه تحجي وتتفلسف براسي

قمر::-كملتي؟

تبارك::-اي عيني ليش عندج حجي تحجينه؟

قمر::-اتسرسحي منى
تبارك::-شون شون؟ مسمعت 

قمر::-اسرسحي منى روحي الحضن ماما خل تقريج للدور الثاني

تبارك:-تشمتين حضرتج؟

قمر::-ما اتشمت بأحد اني اني حجيت وانتي حكمتي من يمج يلا امشي رقيه امشي خل اكول الاهلي نجحت

عبرتها ومشيت واني امشي رقيه حجت

رقيه::-خرب يومج ولج اني صار ساعه
امسلت وانتي خليتيها تشيط بكلمه

قمر::-اتجاهلها احسن
رقيه::-اكلج؟
قمر::-كولي
رقيه::-عود صدوك انتي عمرج 9 سنوات؟
قمر::- ششوفين؟
رقيه::-جنج ثور
قمر::-ياهيه؟
رقيه::-انتي
قمر::-غير تستقر ملكه جمال العالم
رقيه::-ليش مو بعينج؟
قمر::-شو بالله
لا والله بعيوني وبروحي وبكلبي
رقيه::-شو تعالي ابوس
قمر::-ايعع ولي ولي
رقيه::-صدوك قمر
قمر واني اقلد صوت رقيه::-كوللي روقيه
رقيه::-انجبي انجبي لتحجين بهل طريقه
قمر::-تراا ه الطريقه طريقتج
رقيه::-انجبي
قمر::-انتي
رقيه:-حيوانه
قمر::-انتي
رقيه::-زعطوطه
قمر:-انتي
رقيه::-العافيه
قمر::-انتي
رقيه::-الكلب
قمر::-انتي
رقيه:-ال
قمر::-هيوو هيوو شنو هيه غزل لو غلط؟
رقيه::-نفس الشي
قمر::-تدرين شنو!؟
رقيه:-شنو؟
قمر::-اني احسج من تغلطين تتغزلين بيه
انتي هم هيج؟
رقيه::-اي والله!!
قمر::-وصلنه البيتهم لزمت طابوكه صغيرا اخذتها من الكاع وركضت ورا رقيه هيه تركض واني اركض وراها اخذنه الشارع طول بعرض نركض اخر شي وكفت تعبت من الركض هيه اجت عليه

رقيه::-حلل من تعبتي يلا
قمر::-كلبي يوجعني حيل ولج
رقيه::-من الركض
قمر::-انتي كلبج وجعج؟
رقيه::-لا
قمر::-ترا انتي هم ركضتي يعني لازم كلبج يوجعج مثلي
رقيه::-لا مو شرط
يلا اني رايحه للبيت
قمر::-بيباي ومبروك ع النجاح بعدين اجيبلج هديه من يجي عمو علي احجي وياها وكاضه كلبي حيل حيل يوجعني
اول مرا احس بهيج وجع
رحت امشي على كيف وكل شوي اوكف الم كلبي سيطر عليه بيتنه مو بعيد عن بيتهم فرق بيتين تلاثه وصلت البيتنه
اطب منى اطلع منى محد موجود وكفت ب الصاله صحت..

:-يهللللل البييييييضض وينكمم؟؟
((البيت))
شنووو؟؟ محدد موجود؟

أيست ورحت البيت عمي
وصلت لبابهم صفنت
ادك الباب لو تصير مشكله
يلا هسه واذا صارت مشكله قابل
هسه همه فد مندله اني جايه أسأل
عن اهلي وين قابل ميته عليهم
دكيت الباب دكيته محد طلعلي
اخر شي اسللت على الباب وطفرت
من الجهة الثانيه لزمت كلبي لان الالم
كام يزيد مينقص مشيت كوة همين محد
موجود شسالفه؟؟

::-خايبين شنووو اكلتكممم الجلاب؟
لا ال سلام ولا ال ستار موجودين
شنو خطفوكم وعافوني هسة لو خاطفيني وياكم حتى اضحك عليكم هناك

فززني صوت وراي
صوت ابن عمي ((سجاد))
حجة وهوة يدخن والدخان تارس وجهه
طبعآ ما اعرف ليش سجاد الوحيد الي اخاف منه سجاد صح بعمر عناد بس بنيه جسمه اقوة همه ثنينهم داخلين جم بس سجاد قبله وعلاقه عناد وسجاد كلش قويه مالهم علاقه ب العداوات الي بيناتنه مخلصين حياتهم ضحك ونسه ويطبون ويطلعون سويه رغم الخلافات والمشاكل
وبابا حيلل حيلل يحب سجاد يحسه مثل عناد وسالم

سجاد::-شبيج تصيحين؟
قمر:--ءءادور على اهلي!!
سجاد::-محد موجود!
قمر::-ليش وين راحو؟
سجاد::-المستشفى
قمر:-ليش شكو
اخذ نفس من الجكارة وشمرا على وجهي
سجاد::-يسون عمليه الابوج
قمر شهكت بخوف::-ليش شبي؟
سجاد::-عنده مصران اعور
قمر::-نزلت دموعي ومسحها بأيدة
وخرت ايده ردت اروح لزم ايدي
سجاد::-وين؟
قمر::-الاهلي
سجاد::-محد هناك ضلي هنى
قمر::-لا اريد اروح
سجاد::-شنو هاي الي بيدج
قمر::-انتبهت على الشهادة بيدي
::-الشهادة مالتي
سجاد::-ناجحة لا؟ شو اشوفها
قمر::-انطيتها اله اخذله صفنه بيها
سجاد::-انتي دوم هيج شاطرا؟
قمر::-هزيت راسي ب ((اي))
سجاد::-ابقي دوم هيج
قمر::-اي اكيد
اني رايحه
سجاد:-ابقي لمن يجون
قمر::-بلعت ريكي لا اريد اروح ابدل
سجاد::-براحتج

رحت البيتنه بدلت ودموعي عشرا عشرا من جهة خوفي على ابوي ومن جها الم كلبي مرحم بحالي ابدد اخر شي متحملت
رحت البيت رقيه واخذت وياي دفتر كاتبه بي رقم عمتي فتون ورقم بابا ورقمي ماما ميسان وصلت البيتهم دكيت الباب طلعت ام رقيه

ام رقيه::-هلا هلا خاله تفضلي
قمر::-شكرا خاله
أم رقيه::-رقيه جوا اذا تردين
قمر::-لا خاله اني جايه علمودج
ام رقيه::-كولي خاله
قمر::-خاله بابا اتخربط واخذ للمستشفى وكالو عنده مصران اعور ورح يسون اله عمليه واني الوحدي ب البيت تكدرين تتصلين على عمتي فتون.؟
ام رقيه::-الله يشافي ويعافي
والله ياخاله ماعندي رقمها
قمر::-عندي رقمها كاتبته ب الدفتر
ام رقيه::-انطينياه
قمر::-077*********
اتصلت على عمتي فتون وجانت الصدمه *

وللحكايااا بقاياااا.......!!!؟

اسفه حبايب البارتات كلش قصيرات
بس والله ه الفترا محرم واني طالبه
وامتحانات وحضي طايح حشاكم كوا دا افرغ نفسي حتى اكتب البارت

واسفه ؏ الازعاج احبكم بيباي 🫂❤