لكل شيء قدر

تكمله البارت الثاني والعشرون

- ثم تصل إلى مرحلة من عمرك تقف محدقًا نادمًا، تلتفت لتجد أنك استهلكت نفسك كثيرًا بينما لم يكن الأمر يتطلب منك كل هذا الجهد.

_
اجاني اتصال وصدمني  رديت ع الاتصال بكل  فرحه واشتياق جان اسم المتصل ((وتيني))
يعني عمو علي!!! عمو علي بعد اختفاء دام اشهر وياام وليالي
اشهر واحنه منتضرين اتصال منه!!
ايام وليالي ندعي ربنه يرجعه النه سالم
لاكن للاسف جان الاتصال ميبشر بخير
مثل ما جنه منتضرين
الاتصال مثل الزلزال وكع علينه

رديت ع الاتصال بس جان الصوت
مو صوت عمو علي!!!عجيب لعد منو هاذا؟

المتصل::-سلام عليكم؟
قمر::-وعليكم السلام منو؟
المتصل::-اني صديق عمج علي
قمر::-اهلا وسهلا
المتصل::-اكو احد من اهلج يمج؟
قمر::-اي يمي
المتصل::-انطيني اي احد منهم
قمر':-اني تكدر تحجيلي صاير شي؟
عمو علي ليش مو هوة الي اتصل؟
وليش جهاز عمو علي يمك؟
عمووو علليييي وينننن؟؟
انتت منووو؟

المتصل::-عمج علي متصاوب!!
قمر::-شنوو متصاوب شنوو انت شدتحجي؟
المتصل::-االاسف اي
قمر::-زين وين؟
المتصل::-شنو الوين؟
قمر::-مكان الي تصوب بي عمو علي؟
المتصل::-راس.. اقصد رج.. ايده ايده متصوب ب ايده
قمر::-تضحك عليه انت؟
المتصل::-انطيني جبير احجي ويا
قمر::-ترا انت دتشاقه وهاذا كله مقلب من عمو علي انطينياه بسرعهههههههههه

اخر كلمه حجيتها بصياح واعصاب تلفانه

بسبب صوتي العالي دخل سالم

سالم::-خير شبيج انكرصتي عليمن تصيحين؟
قمر::-تت.. تعا.. تعال شوف شوف صديق عمو علي شيكول

سالم::-شنو شكو؟
قمر::-اخذ
اخذه سالم

سالم::-سلام عليكم!

دار حديث بينهم حديث طويل

لاكن ختمها سالم من كال
تحجي صدك؟
((لااله الا الله))

((انا لله وانا اليه راجعون)))

فجأة سالم نزلت دموعه شنوو يعني؟
هاي شديصير ماكو غير تفسير واحد
واني ما اريد افهم هاذا التفسير بس اني فاهمته بس اني اريد اغشم نفسي او اكول هاذا حلمم!! حلمم هسه شويه واصحه منههه لاكن هيهات
هيهات يطلع جذب والاذاني حيل من سالم رفضه ونطق الكلماات الي نزلن مثل التيزاب
عليه نار جوتني ونزلت الكلبي وذوبته بدلال

طلع الاهلي وكال الهم بصوت مبحوح

((علي ستشهد!!))

علي اي اي علي
علي نفسه ابويه وعمي وصديقي وحبيبي
اي عليي هااااذاا اليي احبهه اكثر من روحي
اييي نعم عليي سندي وقوتي
علييي عمييييي علييي حبيبي

بس مجاي اكدر اتقبل صريخ
ولبجب ولنحيب صريخ بيبي وهيه تنادي

علي يمااا وليدييي علييي
عليي ابنييي عليي يماا ولكك وليدي
صغيرر على الموتت يمااا

بلمح البصر البيت انترس بشر
عماتي وجوارينه ولبيت انترس ترس
واني لازلت بصدمه اريد افهم واستوعب
مجاااي اصدك لبست لسواد واني ممصدكه
اي شي يصير مرر اليوم على صريخ ونحيب
الكل واني ما استوعب كاعدة بغرفتي وقافله
الباب
لليل كلها نامت

رحت الغرفه عمو علي وجهازي بأيدي
دخلت ولفحني عطر عمو علي ابتسمت بحزن

طلعت حساب عمو علي دزيت اله مسج 

ههه متت؟ تحجي صدك انت؟
عود هسه انت ميت واني لازم اصدك؟
شهل لعبه حبيبي
ارجع ادري بيك عايش
لك ارجع بابا ارجعع
انتتت عااايشش
اذا متت ب الحقيقه
بس انت عايش بكلبي
عمو حبيبي
رد عليه الله يخليك ردد
عموو فدوة رد
انت مو تريد تعرس
انت مو تحب رقيه
عمووو ارجععععع
عموو

أيست مننه وطلعت صورة ب الكنتور
تخصه صورة اله جبيرة خليتها كدامي
وطلعت قصيدة

يما ذكريني الملا باسم الكربلائي

((يمااا ذكرييينييي      من تمر زفه شباب
من العرس محروم ولحنه دم المصاب))
الى اخره  دموعي فجأة سالت وضليت ابجي
بدون صوت ونار تاكل كلبي اكل مرت ايام الفاتحه مثل السم عليه والمسكينه رقيه
حالتها تكسر الكلب بس متكدر تحجي

وللحكااايااا بقاياااااا....!!!

لاتنسون التصويت حبايبي
احبكم حيللل 🫂🤍