لكل شيء قدر

البارت الثاني *

في ذالك الصباح البائس وفي
ذالك اليوم الحزين حيث كان
الناي يتجول نحو بيت (سلام)
يتجول في كل حزن

2000/1/1 ساعه 10:20صباحآ

سهى::-اوووف يربي شوكت اجيب
واخلص مو والله تعبت حيل تعبت
رفعت راسي للسماء ودموعي نزلت
لا أراديآ

::-ربي بحق اسمك العضيم الاعضم
الاعز الاجل الاكرم يالله اريد بنتي
منك اخذ من عمري وانطي العمرها
يارب اريد بنتي تعيش سالمه حتى
لو اني اموت

تذكرت مرضي الي الدكتورا كالت
لو انتي تموتين لو الجنين الي بطنج
بسب قلبج
طبعآ اني عندي ((تسارع بدقات القلب))

حسب كلام الدكتورا انو لان عندي
تسارع بدقات القلب واثناء الطلوق
تتسارع النبضات هاذا الشي رح
يسبب وفاة لو. اني لو الجنين

وياريت اني الي اموت وتعيش بنتي
كل الي اريده من ربي طفل ما اريد
غير شي 16سنه اني اعاني بدون
اطفال سمعت كلام اشكال والاوان
مجان يأذيني شي بس كلامهم

لمن اخر شي اخوات سلام خلنه
يتزوج ميسان ومن صار عنده عناد
كلها نكرتني وصارت متريدني ومن صار
سالم صرت اني والماكو سوة دخيلك ربي
عيني قويني اسندني محتاجه سندك الي

محد جان وياي بكل ضروفي غير حماتي
فتون ورب العالمين حماتي فتون جانت
حتى مراضيه ؏ زواج سلام لان تكول
الابنيه من اول ما شفتها مو راحه
وقحه وفعلا ميسان وقحه بس
كلبها طيب وحنونه رغم قساوتها
ب البدايه اول ما اجت

جانت تعاملني بكره وحقد ومن حملت
هم كامت تعاملني ه المعامله بس
بين يوم وليله تغيرت ميسان
من فوك ليجوة تغيرت تغير كامل
ما اكول شي غير الله يهديها الي
ومن عرفو حامل كلها فرحت وطارت
من الفرح بس سلام من عرف جنس
الطفل بنيه معرف شصار بي كام
ينكرني ويبتعد عني وحتى يبقى ايام
ميحجي وياي وه الشي جان يأذيني حيل
يأذيني بس سكتت المهم اني
حامل ورح تصير عندي بنوته
صغيرا  تصير الي اخت وصديقه
بس كون الله يكتبلي عمر لعيشها
عيشه اخلي كل البنات يتمننها

اثناء كتابتي ب الدفتر ودموعي تجري
دخلت عليه ضرتي ميسان

ميسان::-هاي شنو سهى شوكت ما اجي
لو تسفطين ملابس النونو لو تكتبين
لو تبجيت شسالفه معندج غيرها؟
اطلعي شويه نفهي عن نفسج

سهى::-هههه ليش شعندي غيرها
ليل ونهار اكول هيج اسوي الها
وهيج اسوي الها

ميسان::-الله يكومج بالسلامه

سهى::-حبيبتي الله يسلمج
ميسان::- ترا البنات عدنه!!
سهى::-أي بنات؟
ميسان::-خوات سلام
سهى::-هففف ومنو منهم؟ بس لا
عرج سكينه
ميسان::-هههههههههه لا لا عيني
مو عرج سكينه عرج عطيه هذني
ههههه