لكل شيء قدر

البارت الثامن "

يماخذ عمري شو رايح
دشم عطاب گلبي المن بعد فايح
رحت وانه بوگفتي وموش ما هميت
البلم وسط النهر لو گام معناها انحسب طايح
عفتني برهبة المن شغلة رد تعبان
وسمع من بيتهم صايح

رجعت امدنك الهامه
وعكب سنتين يمك خلصن ابلا ليل
رجعلي الليل راد ايعوض ايامه
واتخيل وصلت الحال ذاك اللمو الوادم
خاطر تحضر اعدامه

__________________
قمر //بدت تحجيلي كلشي كلشي
مخلت شي محجته طلعتلي صور
وصور حتى زواجهم شفت شكد
الشبه الي بيني وبينها حسيت
مثل الصاعقه وكعت على راسي
اريد استوعب الي ديصير
لحضات ونزلت دموعي
بدون ما احس هيه طلعت بكل برود
ولا كأن شي صاير ولا كأن مسويه شي

شنو يعني؟ هسه اني يتيمه؟
يعني ميسان مو امي؟ يعني اني
معندي ام مثل عناد وسالم؟

ضليت صافنه ؏ الصورا مالتها
وطلعت صورتي الشبه الي بيني
وبينها فضيع ومبين هيه امي
يعني هسه لو انطيها الطفل عمره
5 سنوات يعرف هاذا الشي يعني
ماكو داعي اغشم نفسي او اكذبها

حتى الشعر لونه نفس الشي يربي
صبرني كمت افرك بصدري احس
نار نار اشتعلت ومتت من الالم
ليش هيج ديصير بيه شبي كلبي

ضليت بس ابجي انتضرت عمو علي
يجي حتى احجي وياه نص ساعه
او ساعه واجه رحت الغرفته

قمر::-عمو؟
علي::-هلا هلا بابا اتفضلي ليش واكفه ب الباب؟
قمر::-عندي موضوع وياك
علي::-ادخلي جوة واحجي
دخلت جوة كعدت يمه هوة كاعد ؏
الابتوب واني خليت كرسي كدامه وكعدت

قمر::-عمو؟
علي بأهتمام::-كولي يروح عمج
قمر::- الانسان شنو لازم يسوي
من يعرف اشياء جانو خافينها عنه؟
علي:- يعرف ليش خفو عنه هاذا الشي
قمر::-واذا كان ماكو سبب!!!
علي:-ماكو شي ماله سبب كلشي ب الدنيا اله سبب
قمر::-واذا ه الشي كلش مهم بحياته
علي::-عمو احجي شكو؟ ليش ه الاسئله انتي متسألين اله ااذا اكو شي احجيلي
قمر::-عمو امي وين؟
علي::-ذيج ياها يم ابوج
قمر::-اريد الحقيقه
علي::-حقيقتيش شبيج عمو؟
قمر::-ماكو شي عمو بس اسئل عن حياتي
علي::-شبيها حياتج منو وياج اليوم؟
قمر::-محد وياي بس كول امي منو؟
علي:--امج ميسان
قمر::-بس ميسان مو امي
علي::-شنو مو امج جا انتي منين صرتي
قمر:--عمو انت مو مضم عليه شي
بس كلي الكلام الي كالته عمتي سعاد صدوك لو لا؟
علي::-شحجت سعاد؟
قمر::-امي ماتت من ولدتني
صدوك امي عدها قلب؟
واني سبب وفاتها؟
واني سبب كلشي ديصير بينه؟
صدوك اني فكر وعيشتي غلط؟
المفروض ما اصير حتى امي تعيش؟
عمو يعني اني من اكبر اصير مثلها
صدوك جانت ماما متركض من جانت
صغيرا ولا جانت تلعب ولا عاشت طفولتها؟ صدوك جانت من تركض تتعب وتتألم

علي::-هاذااا كلههه حجتهههه سعاااد؟؟
قمر بدموع ::-جاوبني عمو الله يخليك جاوبني صار ساعه افكر راح انفجر
علي::-مع الاسف اي
قمر::-وماما اسمها سهى؟ واني اول
مصرت تربيت عند عمتي فتون
بابا معتنه بيه ولا اهتم الي يكرهني
متخلوني اروح وي ميسان لان همه مو خوالي وخوالي ميردوني لان اني سبب موت امي؟ وحتى بابا ميحبني

علي::-كااافييي قمرررر كافييي
منوو كال منحبج كلنا نحبج وكلنا نريدج
وسعاد اني الها

قمر::-عافي وطلع من الغرفه اعصاب
رحت للغرفتي ميته تعب ميته احس
روحي تريد تطلع كلبي موتني موتني
احس رح اموت من الالم خليت راسي
ع المخدة اريد انام تذكرت
لحضه لحضه!! امي مو جان عدها قلب
مو من تركض تتعب ومو متكدر تلعب وي الجهال من جانت طفله
شنوو يعني اني مثل امي؟

...............

علي //

طلعت من الغرفه رحت البيت سعاد
شغلت السيارة وطلعت الها
معقوله الحقد مالتها وصل الهل حد
طفله هيه طفله واني كايل الها لتكولين الها ومحذر الكل محد يكول نخلي
من تكبر وهيه تعرف الوحدها
زين هيه هسه كل عمرها 9سنوات
ياريت لو جبيرا يابشر 9سنوات
وصلت البيتهم دكيت الباب طلعتلي
بتها دفعتها ودخلت للبيت
صحت بيها.

::-سعااااااد لجج سعاااد تعاي مو احجي وياج طلعت من غرفتها جانت نايمه

سعاد::-خير خير شبيك تصيح؟
علي::-بنت الزن***ليش حاجيه القمر؟
سعاد::-شحاجيه حجيت الحقيقه بس
علي::-شو تعالي اراويج الحقيقه

::-محترمت فارق العمر الي بيني وبينها جنت منتضر اكبر واوصل الي اني وصلتله حتى اطلع حركه كلبي بيها واطلع حركه كل يوم اسود عشناه من وراهم شايل عليها حقد بس الله يعرف شكد اضرب بيها ضرب بدون ما اهتم منو كدامي ومنو الي دا اضرب بيها احس نفسي صرت وحش استمتع بصوت صريخها ونحيبها وصياح بناتها اخر شي وخرت عنها وتفيت عليها وطلعت من يمها احس نار مشتعله بصدري نزلن ادموعي لا اراديه ابجي؟ اني ابجي؟ اني الي ابجي ما ابجي هسه على شنو ابجي؟ احس الايام كلها صارت كدامي من جنت طفل لحد هاذا اليوم
فتحت قميصي وخرته على جهة
شفت اثار الحرك هه لو اموت ما انسه شي

الضرب... الاهانه...  الذل... الحرك.. الجوع.. العطش

ما انسه اي شي دخيلك يربي دخيلك
احفظ قمر منهن ومن حقدهن بحق اسمك
العضيم الاعضم يا الله

وللحكايااا نهاياا.........!!!!؟؟