لكل شيء قدر

البارت التاسع والثلاثون "

انا الخلص حياته يدلي المتيهين
ولمن راد يرجع ما اندل دربه
الضربه عله العظم ويه الأيام اتروح
بس عله العقل ما ترحم الضربه
لما يعرف اشبيه يگوم بيه يلوم
السهر يخرب شكلك عليمن اتخربه
اسهر مو غشيم ادرى السهر مو زين
بس المشكله اشما تعتقد صعبه
اذا كسره بفراشك ما تعرف تنام
شلون اتنام عينه الكسرته بگلبه

____________

ميسار //

ربييي دخيلل اسمكك الهه اخووي ربييي بحق اسمك العضيم اله اخوي اخوي خط احمر ما اكدر على فراكه ربي لا تفجعني بي فدوه اروحلك خليني اني اتأذة ولا هوة ربي فدوه اروحلك بعده صغير وعد عليهه يااربيي بسسس يصير زين اخطبها الها وبدون ما انطق حرف يارب عليك الزهرا وابنهاا

ضليت افتر والوب رسول دخلو للعمليات كعدت على الكرسي اتذكر الصار

الذهاب الى الماضي::-

اتصلو عليه الحك الاخوك رحت حتى بدون سيارة رحت اله ركض وحافي بدون ماشوف كدامي اترادم وي الرايح والجاي ما بلساني غير

مولاي اخوي بأمانتك
مولاي بس ه الاخوي عندي ماعندي غيره
مولاي ادركني
مولاي دخيل اسمك اخوي بأمانتك
مولاي بستر زينب الحك الاخوي
مولاي بعطش سكينه اخوي
اخوي يا مولاي اخوي

الطريق صار كلش طويل عليه اريد بس اوصله وصلت للجسر واني روحي رايحه وصلت وياريتني ما وصلت لكيت الدنيا كلها ملتمه جوة الجسر واخوي ب السيارة مالته وجوة ب المي بدون لا اشوف شي شمرت روحي للمي ضاايع وتايه وما ادري ب الجاي اسوي شفت السيارة جوة هيه اصلا اكو منها طالع ليبرة مغاطسه جوة كلش  اوكسجيني خلص واني احاول افتح الباب واحمل اخوي واطلعه حاولت وفشلت طلعت برا الماي واجت الرافعه وطلعت السيارة واني كاعد على جهه ابجي محتار شسوي ضايع بدون اخوي ضايع  الاسعاف جانت موجودة كبل نقلو للاسعاف وارحنه المستشفى الاوكسجينن مالتهه ضعيفف حيللل ضعيففف

كاعد ب الكاع وابوع لسرير اخوي والي ب السعاف يحاولون وياا ماكو دقايق وصرنه ب المستشفى  وصلنا واخذو الاطباء لصاله العميات واني ضليت برا بعدين انتبهت على رجلي تنزف

العوده الى الحاضر::-
انتبهت على رجلي تنزف مابيه حيل حتى اروح للمضمد اسويها حاليآ كل الي اريده خبر يطمني عن اخوي صافن ومحتار الدنيا شضامتلي فززني صوت الاتصال من مرتضى

ميسار::-الو
مرتضى::-الوو ولك وينك؟
ميسار::-ب المستشفى
مرتضى::-رسوول شونهه شنو اخباره؟
ميسار::-ماا ادري خويه ما ادري
مرتضى:: بأي مستشفى انتم؟
ميسار::-بمستشفى...........
مرتضى::-تمام دقايق اني وعباس يمك
ميسار::-هلا بيكم
سديته من عنده اتصلت عليه ريم

ميسار::-ها بويه؟
ريم::-ميسار ماما تخربطت وراح ناخذها للططبيب
ميسار::-منو ياخذها؟
ريم::-اني ومهند
ميسار::-انطي فلوس من يمج واني من اجي انطي ولا تخلينه هوة يصرف عليكم
ريم::-خوش شكد اخذ؟
ميسار::-100
ريم::-شدعوة ترا هوة بس ضغطها
ميسار::-ابووويههه اخذييي 100لتلحين
ريم::-خوش خوش راح اخذ
ميسار::ديري بالج على نفسج
ريم::-وانت هم
ميسار::-ان شاءلله
سديته منها وكمت افتر رجلي النزف ما وكف ب العكس كل ما اضغط عليها يزيد صح تحركني بس نار كلبي اقوة رجعت كعدت على السرير واني اتذكر خوتنه والماضي