لكل شيء قدر

البارت السادس والعشرون"

ولله نستحي مو شغلة نخاف
ذنبنه گلوبنه ما تحقد إنظاف
ما نعرف نضم ونحچي وجهين
الحچي اليغفه بصدرنه أيفز بالشفاف
ثگيلين بطبعنه الثگل مو عيب
ولا ما شينه يوم الناس الخفاف
البعض مثل الگطن منفوش مو زود
شابعته سطر عصّة النداف
ولو هذا الوكت ، ما عنده إنصاف
إذا ينطينه مرّه يوزّع أضعاف
للباعوا الگطره ومسحوا إچتاف

____

قمر //

دزلي ميسار مسج الصراحه انصدمت منه اخر شخص توقعته يحجي ه الحجي الرساله تكول

"ميسار"

هلاو قمر طبعآ ما اعرف شون احجيها الج بس اني مو. من الشباب الي يضحكون ع البنات ويضلون يلفون ويدورون ولا رح اجذب عليج واكلج اني ما الي سوابق وي بنيه ومن ه السوالف كلشي جان مراهقه وطيش صدكيني يا قمر والله العلي العظيم مراح اجذب عليج بحرف ولا جذبت عليج بحرف اني احبج هواي احبج ويوميه افكر بيج واحس نفسي غادر صديقي لان حبيت بنت اخو مرات افكر ب الفرق العمر الي بيني وبينج بس اكول العمر مجرد رقم حاولت هواي حاولت اطلعج من بالي بس مجاي اكدر قمر اتمنى متفهميني غلط بس صدكي اني احبج حب حقيقي مو اجذب عليج

قمر //
ضليت صافنه هسه شجاوب؟ شهل موقف الي نحطيت بي اني؟ ياااربيي المشكله ميسار صار صديقي وكلشي احجيله وماضامه عنه اي شي صفنت ضليت افكر جبتها منى رجعتها منى زين الفرق بيبني وبينه 12سنه كعدت متربعه اقارن بين افكاري وافكارة وانطباعنه

صح اكو اختلافيه بس هوة رجال فاهم مخمخت مشاعري المعفنه واذا مشاعري المعفنه موافقه بسس اذا اهلي درو شلون؟ وحق علي انذبح عكس القبله حتى مو على القبله هسهه اهوو يربي شدوس؟ زين هوة الي اعترف من البدايه بمكاني يربييييييييي وكفت كدام المرايه وغميت روحي خايبه هوة انتي عندج مشاعر اتجاهه ليش تماطلين ب السالفه هيااا بنىىى لنقول له بس لحضه لحضه شكولن اله شرد؟ ياااقلبي المتقلب رح اخليك انت تحجي بس وحق علي اذا وكعتني بمصيبه نحلها عادي قابل شيصير

اتخذت هيج خطوة واني ما اعرف شنو تاليها هل هاي خطوتي طيش؟ وهاذا الطيش شنو رح يسويلي؟ رح انجح لو افشل؟ وكلتها على االله

دزيتله مسج
::-اهلا ميسار اني احترم واقدر مشاعرك واقدر كلامك وانت تعرف انت شنو ب النسبه الي الله يقدم الي بيه الخير

انتضرت ورا دقايق واني بهل دقايق خوف اجاني مو طبيعي ومن كميه الخوف كلبي كام يوجعني واخيراااا رد

ميسار::-يعني انتي هم تحبيني؟
قمر::-ها؟
ميسار::-قمر الله يخليج احجي الصدك اذا انتي هم تحبيني بس اكمل هاي نقلتي واجي عليج
قمر::-بس اني اكو مشكله
ميسار::-وهيه؟ تعالي اتصال نحجي
قمر:: اوك!
صعدنه اتصال نحجي اول مرديت حجه
ميسار::-لجج هلاا وميهه هلاا
هلاا ياريم الفلا
هلا يامادري شسويتي بيه
قمر::-هلاو بيج
ميسار::-وليش تحجين بصيغه بنيه؟
قمر::-ولج ياعيني يا نضورة تخيلي يجي احد بس شيصير مو كتلي رفس؟
ميسار::-يعني اني رجال شطولني وشعرضني شواربي يوكف عليهن نسر تكليلي نضورة؟
قمر::-هسه ديلا اهم شي الاخلاق يا دادا
ميسار::-انوب دادا ولجج خرب حضي المصخم
قمر::-ها شكوو؟ شبيج؟
ميسار::-كولي ميسار شبيك مو شبيج!
قمر::-اهوو هسه شون بلا؟
ميسار::-اي بلا احجي شنو المشكله
قمر: بقلق :-اني عندي تسارع بدقات القلب ووو يعني اتمنى تفهمني
ميسار::-عندي علم بهاذا الشي
قمر::-شون عندج علم؟
ميسار::-ولججج انيي رجاااللل مو بنيه
قمر::- هسه دحجي شون عندج علم؟
ميسار::-هههه كلشي اعرف عنج اني
قمر:: •اها
ميسار::-والله
قمر::-إن شاءلله خير
ميسار::-رح ننقل اني وعلي لبغداد
قمر::-سمعت هجي شي من عمو علي بس ماعرفت ليش!
ميسار::-ووالله يحبيبي اني اكلج ليش!
قمر:: ليش؟
ميسار::-لان عمج الشفيه الخوش رجال تعارك وي نقيب ال......((ممنوع نذكر الاسماء))
ف ياعيني تدرين بيه اني مال اشوفهم هجي يتعاركون وي صديق عمري واسكت اكيد لا وتعاركت وياهم وزط بط اجانه كتاب نقل مودلل خوش ولد حباب الله يسلمه
قمر::-والله حيل بيكم
ميسار::-هاه؟ ولك قويسم مو اجيك اسويك وصله وحق علي احترم نفسك
قمر::-فطست من الضحك
ولجج قويسم منووو؟
ميسار::-حبيب كلبي ملازم قاسم ابوو مدري منو اي
قمر::-خربب هههههههه اني قمر مو قاسم
ميسار::-حبيبي حبيبي ربي يسلمك يلاا باجر نلتقي ب المطعم إن شاء الله
قمر::-هاا خالي شكووو؟
ميسار::-اي اي بدون هوسه ادري هوة بس نضبط الخطه
قمر::-هههههه يماا يلا اني اروح
ميسار::-هلا بيك حبيبي
قمر::-سديته منه واني فاطسه من الضحك
اني اصيحله نضورة وهوة يكلي قاسم استغفر الله ياربي