لكل شيء قدر

البارت الثالث والثلاثون "

مـومـهم
تعرف الوادم المهم تعرف حدودك
اكـو يـماشيـك اعـلى جـيبـك
واكـو يماشيـك اعـلى مـودك
اعـثـر وشـوف الـيگودگ
خسرنا العافيه شنخسر بعد ونتوب

___

قمر //
كعدنه ثاني يوم الفاتحه واني بيه ما بيه اكوم اساعد البنات اسوي اشياء بسيطه لان الدوخه مسيطرة عليه عيوني ع الباب اتخيل بأي لحضه يدخل عمو علي بهيبته العسكريه اتخيل هسه تجي رقيه يمي ونسولف طلعت من المطبخ لان بعد مابيه اوكف على حيلي ابد اجت الملا كامت تنعى روحي راحت صريخ وبجي ملخت روحي افقد وارجع اسيطر على نفسي راحت الملا وكعدت ب الغرفه الوحدي هم اكيد شغلت شعر وياريتني ما شغلته

للشاعر حسام الحمزاوي

يأخر ضيف اشوفه يسد العيون
مروتك والمرة بنص لهاتي
اريدك من تجي كون انه ب البيت
حتى اشبع من امي ومن بناتي
وسد اذني كبل لا تطلع الروح
لان ما اريد اسمع صياح لخواتي
حنينات ويحبن طبتي للبيت
شما اغثهن يشوفني شغلاتي
صعبه اسمع بجي ولساني معكود
واريد اطلع وكل تابوتي مسدود
الله يساعد امي من اطب مشيول
وهيه متعلمه تتلكاني جادود
مروتك كبل روحي طلع الاحساس
ما اريد اسمع امي وطولي ممدود
واريدك تعمي روحي كبل ماشوف
بناتي وراي هدومهن سود
واريدك ما تسمعني اليصيحون
منو يكومني واني العشت هادود
غفيت وصاحبي الميت تلكاني
كتله شون شفت العالم الثاني؟
يكلي منين اسولفلك متت مرتين
طلعت روحي مرا وفركت خواني
يكلي كبل لا اموت امشي وسارح بحلمي
وركض كلبي واحس مدري شلزم جدمي
طحت شفت الضوة من عيوني كام يروح
شويه شويه ادي تتبرة من جسمي
اريد افتح عيوني وهنه مفتوحات
بس ماشوف واسمع كل بجي اليمي
واصيح اني عدل محد يكلي شبيك
كلها تصيح مات مات
واني كل همي اقنعهم عدل
ولك اني اخوك فلان
ولك اني اخوك فلان
لحد ماكمت اشك افلان مو اسمي
مو اسمي
بديت اقتنع ميت
بس شفت اخوتي اركاض
شبكوني وادي مالاحت اليمي
وماتوو ب البجي بس كلت اخوتي زلام
بس ضليت خايف لا تموت امي
حنينه ب الزعل تنلجم موت شون؟
لان عدها كلب يوكف كبل دمي
والكتلتني اخوتي الجابو التابوت
شيقنعهم مو اني اليريد يموت!
مروتكممم احبكمم اني اخوكمم ذاك
اليبجي وياكم ويضحك بعالي الصوت
ومحد سمع ياامااا صيحتت مافاد
وشالوني بديهم عدل للتابوت
وروحي من الوجع طلعت من الخشبات
مو خشبات حسبالك ابطن الحوت
والخلاني اصدك مو صياح الناس
اليبوو كمت اسمعها من بيوت
وكلها تصيح ماضل وكت للتشييع
واهمش بس اريد الزم اليمي يفوت
شيقنعه الميت واليشك الزيج
يمشي وياي عرس مو زاتوت
مشوو بيهه وسواد اليل ماخذني
اخاف ومحد ع الخوف يسألني
تاليها طحت بيد اليغسلني
ذب هدومي بس مايفتهم وني
ونخيت الله بلكت حلم موزين
بلكي الماي بي فزعه ويكعدني
مراا ثنين عشرا عشرا
الماي مابي روح حتى الماي ميت مايكعدني
ومن بدل هدومي كول جاب حبال
مو جفن كول واحد وجتفني
شيقنعه ابدال الجفن رايد قاط
شيقنعه ارد اكوم وهوة كمطني
مايتقنع صاح خيشيلو
شالوني بديهم وين اليحبني
ومشوو بيهه لحد ماكمت اشم زوار
رتاحيت يم بيبان تعرفني
وردت روحي من جلبت ب الشباج
بس ماطول وياي اليزورني
وخذوني ابجي من الشباج المدري الوين
ولا كلمت خطيه نكالت الوني
واهز بجتافهم واتوسل من الخوف
اريد اليمشي بيه لايوصلني
وصلنه المكبرا جيب اليكومني
وتعبت من البجي وبس اني يسمعني
وهدوني اخواتي وماكو شي جواي
لحد ماشبكت الدفان لزمتني
يابويه شكرهته وهوة شابكني
كل ما اصيح اريد خواني يعصرني
كل ما اصيحله مروتك يخنكني
كل ما اكله اريد اطلع ينزلني
كل ما اكله ضل وياي يدفعني
كل ما اكله اخاف الوحدي يصد عني
منى والهوة ب تراب كام يموت
واحد من ورا الطابوك لقني
وهنى شفت البجي مايفنع الميتين
بس الفاتحه منكم تريحني