لكل شيء قدر

تشبيه +صور حقيقيه +نصيحه✨

سلاااااممم عليكم شبابات بناتات شونكم
اعرف اعرف اني نفر بطران اعرف اني فنر زهكان مدري شنو المهم اي امس كلت رح انزل صور وكذا ومصارت فرصه انزل وليوم صارت عندي فرصه ويعني اي
بسس يعني محتاجين كلمه للطلاب وكذا
لا باعو رح اسولفلكم تجربتي ب المدرسه

اني طالبه ثالث متوسط عايدة يعني وسابقن هم عدت فد مرحله ف يعني بوقتها من عدت قبل لا اعيد ب الثالث جنت ناعمه وشكلي طفولي وابد ميبين عليه اذا جنت عايدة او لا يعني من اكول ابد يعني صدك ابد ميبين عليه جنت قصيرة شويه وشكلي اصغر من عمري
اتمنى فهمتو!

اي المهم العام جنت هاااملهه الدراسه من صدوك هاملتها وجنت اخذ الجهاز بحجه الادرس وهوة كله جذب اكعد لو اقرة واتباد لو اراسل صديقاتي لو العب يعني جنت ما ادرس واذا درست يكون بالي ابد  مو يم الدراسه ابدد نهائين يعني حتلو ادرس ساعات طويله متواصله اني اي معلومه متدخل عقلي بالي بعيد

وجنت ملتهيه بسوالف المراهقات وهل سوالف واذا اريد افكر بشي يخص الدراسه ف هوة باجر شلبس وباجر شسوي؟  ما جنت افكر ب الكتاب وكذالك عندي كم صديقه هيج وهل كم صديقه ولا مرا جربن يقرن وينصحني اقرة وياهن
جنت اغش والعب واتملعب وضاربه الدنيا مثل منكول جلاق وكلشي عادي ب النسبه الي العدت ول معدت

ونكدر نكول احنه اكثر طالبات مهملات مو اكثر شي بس يعني بينه عونه بس مو ذيج الشطارة الدراسه كم معلومه بسيطه اعرفها  وهيج خلصت السنه لعب بلعب
ولا دراسه ولا ما اعرف شنو وصلت للمرحه التأهيل الوزاري وانصدمت صديقاتي اغلبهن داخلات شون وشوكت
ما ادري هنى حسيت بخييه وكبل تركت الدراسه يعني النصف الثاني او الكورس الثاني مدرسته درست بس ب البدايه

ضليت طول فترا العطله اني ادرس
دخلت دورات ومعاهد ودروس خصوصيه
ارس ليل مع نهار
اعرف هسه انتم ب بالكم ابالغ بس قسم
بالله ماكو مبغاله على كل حرف حجيته وكل حرف راح احجي  ضليت ادرس
وابتعدت عن صديقاتي الجهاز ما الزمه بأستمرار تحدد وقت للجهاز وهوة الضهر ساعه وبليل ساعه وبسس بعد انسى شس اسمه جهاز بدة العام الدراسي الجديد
والي هوة هاذا

اول مدخلت المدرسه انصدمت ب الطالبات ولااا وحدة بعمري البنات كلها جهااال يعني من اكول جهال صدوك جهال
واني مو نفسي اني حتى اكول اي عادي
لا طولت وسمنت وتغيرت شي اكيد
ولبنات اطولهن يادوب تصير بطولي
حتى بنات الثالث متوسط
تفكيرهن.. اسلوبهن... طريقه كلامهن.. لبسهن... ملامحهن... كلشي كلشي يدل على انو هنه اطفال يعني ضليت مصفصفه صح لكيت كم زميله الي من العام بس وين العام وين السنه
احسيت هاي اهانه الي يعني
مواليد 2010/2011/2009ذني صارن وياي اني وياهن سوة دتتخيلون يعني؟
يعني هاي اهانه مو بس اهانه رب الاهانه الي يعني احسهن يكولن هاا احنه صرنه وياج وانتي بعدج ب الثالث هم نعبرج ويجي جيل ثاني غيرنه حسيت هيج يكولن ف هنى
حرفيآ حرفيآ حسيت ب الندم تندمت
على كل يوم ضليت العب بي تندمت على كل ساعه تركت بيها الكتاب
والحمدالله دا اقرة  وان شاءلله النجاح والموفقيه الي والكم