لكل شيء قدر

البارت العاشر

حيطان السجن اخذن احلام اهواي
حلم يدفع حلم  شتريدني احجيهن
------
شاب وشيبت متروس كومه هموم
ترى فطور الكلب محد يداويهن
_
عش عصفور يمي بعتبة الشباك
يغرد اسرار كلبي ومايظم بيهن
--------
ورسمت اوجوهكم ذنيج ع الحيطان
واصفن عً صور و اكبالي اخليهن
-------
دفتر ذكرياتي وياي صار  اسنين
كل بيت الكتبه ادموعي شعليهن
--------
الغثاني كلش ناسي مايِ سئلون
فقط وقت المصالح بيه يتباهون
---------
وماميت كبل بس جن متت مرتين
جن كصرة خبز وكبالي يشهون
----------
طبع بيه واعرفه وهمه مايدرون
هاي الدنيا ابد مادوم بس تهون
----------

_____________
قمر //

مرات الانسان بكد ما فرحان يحزن
ومرات يخاف حتى من الفرح
يحس الفرح شي مخيف لدرجه
بحيث من يفرح يضل قلق من
الي رح يصير وكأن يعرف
رح يبجي ويحزن ويضوج
مع الاسف هاذا الشي عدنه
احنه العراقين نخاف من الفرح
نخاف من كلشي نعرف رح
يصير شي نعرف رح نحزن

ياترى ليش هاذا الي ديصير؟
شنو الي مسوينه حتى يصير هيج؟

جنت فرحااانهه حيلل فرحاانه والدنيا
مواسعتني من الفرح لاكن للاسف
الفرحه مدامت ابد
صار الفرح لاشي ب النسبه الي
كمت حتى ما افرح
كمت اخاف من كلشي
من كلشي شنو الي مسويته
اني؟ شنو ال ذنب الي ارتكبته؟
امي مراضيه عليه؟ بابا مراضي عليه؟
مضوجه احد؟ معاركه احد؟ داعيه على
احد؟ ليش من دون البشر هيج ديصير بيه؟ اتمنى افهم واعرف اكو احد مثلي لو بس اني؟ هيج؟

::-رجعنه من السوك فرحانه
وجان نشوف الناس ملتمة ب الباب
مال بيت دخلنه ب البيت اني وعمو
واحد يباوع بوجه الثاني جانت الاجواء
مال فاتحه كلها تبجي وتصرخ اخر شي
عاط بيهم عمو علي

علي::-هسهههه غيرر تفهمووونهه شكوو؟؟؟

ميسان بحركه ودموع::-ولكك خويه عناد طلع بي سرطان

علي::-ش. ششنو؟ شدتحجين؟ فتون شكو؟

فتون::-عناد تخربط عبالنه مثل كل مرا هبوط ب الضغط سلام مل واخذه للدكتور
والدكتور كال بي بدايه سرطان وهسه سلام اخذاه ومشه للكوت

علي::-ومنو وياه؟
فتون::-ستار وسجاد واحمد وعمي وسالم
راحو وراهم

علي::-ءءاني رايح رايح وراهم
فتون::-الله وياك خويه

قمر::-جان الخبر مثل الصاعقه وكعت على راسي اريد استوعب الكلام عقلي قفل
ضليت صافنه ب الوجوه ما بدر اي شي
مني وكأن شيء لم يكن الكل تباوع

بوجهي تريد تشوف ردة فعلي ابتسمت بوجهن وشمرت الغراض وطلعت قراصه شديت شعري غسلت وجهي ورحت

الرقيه رغم مرات ايام واشهر وسنين لاكن اني ورقيه ابد متفرقنه رحتلها وايدي ترجف وكفت ب الباب مالتهم ابتسمت ودكيت الباب طلعت رقيه

حضنتني ماجانت عندي رده فعل

رقيه::ششبيج قمر؟؟
قمر::-عناد. طلع بي سرطان
رقيه::-هفف الله يشافي مساع جنت
يمكم اني بس ملكيتج ورجعت
قمر::-اني اروح
رقيه::-وين
قمر::-ترحين وياي؟
رقيه::-للموت وياج اني دبوب
قمر::-يلا امشي
رقيه::-غير افهم وين
قمر::امشي
رقيه::-بس انطي خبر الامي واجي
قمر::-راحت كالت الامها واجت شويه
ورحنه اني وياها اني امشي وما اعرف
وين امشي وشنو الي اريده ب الضبط
بس كل الي جنت   اعرفه انو روحي
تايهة روحي مطشرا ومحتاجة الي يلمها

معرف شون رجليه اخذتني الصديقه
عمتي فتون مرا حبابه وصادف هسه هيه جايه من الحج وهيه مرا مثل منكول

((بخيته)) رحت الها دكيت الباب طلعتلي
هيه شمرت نفسي بحضنها كأن حضن امي
بجيت بجي وكمت اصرخ لحد ما حسيت
الاوتار الصوتين تكطعت بجي بجي مصاير اخر شي حسيت ايد سحبتني
التفت لكيتها رقيه سلمت ع المرا ورحت
للبيت رجعت احس الدنيا ضايكه بعيني 
وصلنه للبيت اجانة خطار وصارت هوسه

شوي واتصلنه عليهم كالو رح يجي سالم انطو مليونين اجه سالم اخذ مليونين ومشه سألت عمتي فتون ليش همه مماخذين فلوس

فتون::-اخذو وياهم مليونين
قمر::-يعني غير هذن الي اخذوهن هسه؟
فتون::-اي
قمر::-يعني صرفو 4ملايين؟
فتون::-اي لان مراحو الدكتور واحد
يعني عندج من الصبح لحد هسه
راحو ل، 4 دكاترا او 5
قمر::-هفف الله يفرجها ويشافي
والله العظيم ياعمه مابيه حيل هبطات
احس روحي رايحه من المشاكل والامراض
فتون::-عمرج 16سنه وهيج تحجين جا شتكولين احنه الاكبار
قمر::-مدري يعمه مدري

اجو خطا
كل شوي ماي وجاي لحد ما صار ب 2 بليل كالو اجو من الكوت

لو اموت ما انسه ه الموقف موقف
اصعب من الصعب موقف مؤلم كلش
الكل جان يبجي كان فاجعه والكل يحاول
يخفي دموعه حتى ميشوفهن عناد الكل ضايج لان عناد بعده شاب صغير ومشاف
شي من حياته حتى يوكع بهاذا المرض
بس لا اعتراض على حكمك يا الله

نمنه وجنه كلنا دموعنه بعينه

وللحكااايااا بقاااياااا.......!!؟؟؟